Kama Jaluo yude Joluo wadgi

Konyna wachni mapiyo
Dhako nyuol Nyathi ja dweche adek,wuon nyathi tich
otero kisumu,oromo gi osiepne machon manyako,gibedo
achiel,seche ochopo wuon nyathi dok dala ochopo dala
min nyithi oromone gi nyathi bende otingo nyathini
koso otimo nango,mondo nyathi kik tho?joka nyanam
konywa uru wan joma tindo,kona kaka itimo mondo abede
ler dhano en dhano dende oinge.
en an opiyo peter.

Wuon Abila: Atimo mos wuod Luo kuom wach ma iseorona en wach ma rach ni joluo pok otang' e weche mag chode, onge gimoro ni del loyo ng'ato mano en wich ma diny, sani koro ochopo kama nyaka walok pachwa kuom chode. Ok nikech wach rito mihia matin mondo kik tho to into donge inyalo tho? Koso nyako mane oromo godono to ong'eyo kit wuodhe nade? Gima duong' dichuo nyaka rit keny ka ok kamano to kare en jadoho, chik Luo en ni ka dichuo nigi nyathi matin to pok oriwore gi chiege bang' nyuolo mihia to ok onego oriwregi dhako moro ma ok chiege nyaka chop giriwre gi chiege owuon, koro to osetimore gima anyalo kwayi nika dipo ni in owuon ema itimo gino to kik ichak itim kendo, ibiro ketho ngimani kayiem. Yie ichikri gi chiegi tir. Ayaki nitie oko biro yaki wuod ma.

Gima koro onego otim en ni kik othor tingo nyathi ka ogak gi yore mag chode, mano nyalo miyo nyathi midekre. Okni ayie ni nyaka ochodi ooyo, mano rach chuth. Katek to gi many manyasi mondo opuodhe kik oneg nyathi.

Mago kende ageno ni aduoki!
Nyasaye ogwedhi wuod Nyanam!
Ajos wuod Atiga.

PESA MAR KISERA

Ajos.
Aneno duoko mari kuom kwayo mara.Ruoth ogwedhi kaka
nogwedho malaika Gabriel.Bende konyalore to nyime kono
mondo mii wahik Mbuyi ne oganda duuto mar jo Ramogi
birodwarore mondo wachak pages mathooth mag INTERESTS
mopogore makata kar lamo bende inyalo ketie ne jogo
maochiworene Ruoth YESU, kuom- ma, wabiro timo Mbuyi
mondo obed mar jii duto maonge pogruok/kwedruok.Abiro
oro Article mar Kisera no mapiyo kaka nyalore.Kayo
magiko en ni to nade inyalo golo ruksa/permission
mondo aland uma mar Mbuyini kuom
jogoro(journalists/press) ma koni mondo gi tem landene
galamoro mondo ginee okan'g ma joluo oseko goyo ekinde
mar Science&Technology ni nimar maen innovation/fweny
maran'gongo mapoknotimre kata mapok nogen ni nyalo
timore,kaiyie to orna details(background
information)mar Mbuyini mondo adhii kuom
jo-PRESS.Apakoyi ahiinya kuom tijni nimar aneno ka
KISICHE bende oluwo ndachi kuom chako Mbuchgi APARONI
gin dhoot mar ariyo ekind dhooudi duuto mankod
Mbuyi.Opaki ahiinya kendo LONG LIVE JALUO.COM

DHOUT KAMAGAMBO

Migosi Ajos,
Kamagambo otingo dhoudi mangeny to ma oyangore gin Kanyamamba,Kanyajuok, Wagesi ma sani koro olokore ni kangeso,Kabuoro, Kanyadieto, Kongoma ,Kongudi,KoderoBara,Kamwango. Nitiere dhoudi moko matindo ma thoth jokma odakie gin jodak kendo wanyuomogi.Ei dhodwa mar Kodero Bara nitiere dhoudi abich. Odero Bara ne onyuolo yawuoyi abich. Wuoyi maduong ne iluongo ni Ngoje,mane joluwore kod Orony majoluwore kod Nyalele mane joluwore kod Ogutumane joluwore kod Damba. Damba en chogo kendo gitin ahinya ma koro thothgi luongore ni joka Orony to ok onego gibed kamano. Odero Bara en owadgi Abuoro matin. Kanyajuok ok gin jokamagambo hie gin Karachuonyo to ne gin nyathi nyamin Nyawanga. Ma eri ema omiyo Ogola Osongo ne luongo kambi ne ni akuot diri Nyawanganikech Nyawanga ne en chiNyamamba. Ne inyisa ni isomo Kanyawanga Skul koro ineno kaka nying sukindi ochakore.E dhot mar Kanyingombe, Yande eka opoggi omigi miruka margi ne gidonjo ei Kabuoro kata mana yawa man Kambija ne donjo ei Kabuo! ro mana kaka KoderoBara bende ne donjo od Abuoro to koro sani to Kodero Bara ritore kendgi gin kod miruka margi.Abiro temo matek mondo ayud kaka dhoudi moko pogore matindo tindo kendo ma aparo ni biro medo konyowa gero pinywa.Ne awachoni ni Kamagambo nikod sigana mamit miwuoro. Awuok America koni Chieng tarik 9.6.02 ma adhi chopo Kenya tarik 10.6.02 abiro kalo Ulaya kanyo Amsterdam mar seche ariyo kende.Adhi tudora kod jodongo mondo apuodh thoth weche man e piny luo. Yawuot Kamagambo mongirore gin Yawa machalo Oluoch wuon Munda , Orony Wuon Omolo,Charlie Ogalo wuon Mangongo,Fred Mwango wuon Otho, Opiyo wuon Midianga,Ezie wuon Dande, Otieno wuon Dande,Opiyo wuon Ogalo kod osiepeni ma in bende ingeyo kaka Polycap Angila gini Eddy wuon Mangongo, Odondi wuon Omolo magi yawuot Rongo onengo inge ahinya. Anto koro ise ngeya. Oriti Ean Odhiambo wuon Omolo.Osiepna Rongo otingo yawa ma tekregi ngeny en mana tho ema odwa tiekowa ahinya.

SOLRO MAR STEVE OKUMU OLIECH

Akelo Nyar kager,
Adwoko ero kamano kuom lando tho mar Steve Okumu Oliech kendo ji duto mane
ooronwa gimoro matin wapako. Ringre Steve Okumu wase kowo dala. Nyocha
watere dala chieng tich adek tarik abich dweni ma sani ringre ni Lee Funeral
home.

Chenro madala en ni onego ike ngeso mabiro thurgi seme. Erokamano maduo'ng
uduto nyikwa ramogi.

Obange Ouso.

Mig.Otieno,

A ero iloso maber to be ineno ka gini dhi bedonwa mayot?An supporter mar jowa e duol moro amora ma gintie, koro apenji kama:ka wachni obayowa kaka odhi bayowa ni to ere kama onego wachom?

An Mijungu Nyar Kachuodho e-mail:mjackoyo@hotmail.com

LEARNING DHOLUO

Angu parents mar Luo. But an okang'eyo los gi dholuo maber. Osiepna onyisa
about jaluo.com to abiro checkni out. Do you offer lessons? if yes, how do I
participate nikech adua pwonja (or be taught).

Ero Kamano. Luonga back.

KONYAURU

Amosi,
An achiel kuomu to akwayo kony kuomu.I will be coming to USA Florida
Jacksonville on 15 this month and i would appreciate if you helped me get
intouch with some of us there.
Da amor ahinya ka unyalo konya, mondo ayud jowa kono.
Nyinga Betty Adhiambo Olwal.

Erokamano

JORACHERE MA WACHO DHOLUO MANIMBA

Amor manade kayudo jaluo.com kawuononi. Ero, wan to, wan jo Amerika mayande ne wadak e piny Luo mana higini 16. To siso oloyowa kod joKenya, kendo moloyo joLuo. Koro wadak e Indiana, Pennsylvania. To wamoso joLuo duto man kuonde duto. Were Nyakalago mondo ogwedhu!

Jaduong' wuon Abila adwaro mar penjo joluowa kamora
amora magitiere ni to ang'oma rach momiyo tinde yawa
moko ok dwar yangore ni gin joluo?An aneno gini e chuo
kikuu mar DAR-ES-SALAAM kaa.Yande nyako moro nyar luo
dwaro ombulu mondo obed jalup Rais mar chuo kaa, koro
okuongo to nodagi ni ok nyar luo,bang' neno ka weche
obedo ne matek to oyie ni en nyar luo mondo nyikwa
RAMOGI masomo ka mondo okonyo oyud telo
malichno.Apenjo gima rach ekit luo gi timbegi manyalo
miyo ji olok kido machalo kama.Kit luo lal ei chuo
kaa inyalo par yawa thin kaa to ok kamano ok gidwar
yangore,koto watim nade wajomasomo kaa mondo yawa obed
achiel m osiko kendo motegno?
An Bartholomew Obaso Omienya-jakowak.
UNIVERSITY OF DAR-ES-SALAAM.BA(sociology)

Wuon Abila,
An ma e ndikona mokuongo ne nyikua Abila duto kamoro amora ma un tiere ei piny mangima. Amosou udutotetete. Nyakalaga oritu pile ka pile kendo un bende utem atema ritruok kendu uwegi. Piny tinde iye teek, itieko mana gi lemo.

Wuon Abila, an amor kod telo mari kaka irito Abila kod ratiro kendo kaka imedo puonjo wa duto ka ijiwo wa mondo wapar kit wa gi timbe wa. In wuowi ma ja chir, nikech nitie weche malit to gi mag richo to gi juogi, nek ,kwelo to gi ma ok anyal ndikoduto ka kawuono. To weche gi duto, iduokowa kendo ka iwacho adiera kaka ng'ama otelonwa e ng'eyo dholuo matut.

Wach mar Jo Maasai to omako dhog ji mang'eny.An adak loka America kaa. Asebedo ka higni mangeny, aseneno kendo winjo mabeyo gi maricho. En hawi marach ni wuod Anyango ne omuocho gorofa ariyo go Ji alufu adek olal nono.Kata wuod ja Kikuyu moro bende ne olal kanyo. Jo America ne oikore piyo piyo nono gi pesa mikonyo godo jonyuol modong'.

Pinje moko mopogore opogore bende ooro margi. Pesa ne osolore ka mathooth ma kata sani Jotend piny ni pod dhawo e kind gi kend gi nikech pok gi winjore kaka onego pog pesano. Ka wach jo Maasai ne owuok e television, dho ji ne omoko. Ji mangeny ne onyiero kaka jo Kenya pod nichien. Dala maduong' mar New York onge kama ikwaye dhok. Mar ariyo, dhok jo Maasai jo America luongo mana ni le modak e bungu, ok chal gi dhok ma ginge'yo.

Jo Maasai, ka pod gidwaro kwayo dhok to ber abera. To weche mag siasa kod lony mar Kenya kod pinje moko mopogore opogore to gi we e lwet jo ma nyalo rito kendo dhialo nying Kenya malo ka mora mora ma gi tiere. Atiek gi ngero moro ne awinjo,"Ja bungu kata iter e city kaka Nyorobi mondo odagie to timbene mag bungu ka ok owe chien" Mago gin Maasai, Onagi jo rabuon to gi atherere moko. Wuon Abila wich kuot ngeny koni kaka joma awacho malo go timore ka gichokore.
       An   Ouma Obado.

               Jakanyaluo, Omboga City.

Hello,
I'm going to Homa Bay for a year and I need to learn Luo quickly. Do you
know how or where I can do it?
Thanks, Joyce Leeuwerik

John Okoth Ayatta ne en wuod Asembo Kayoo, Asembo East Location ei Bondo District. Nonyuole e higa mar 1907. Ochako tich ei dala mar Samar Maragwa District kaka Nyapara e Maragwa Sisal Plantation. Bang'e otiyo e Raru kaka dereva mar locomotive mane ichwako kod mach mar yien ken e dala mar Nairobi. Kochopo higa mar 1963 nogero ot maduong' mar rooms abiriyo. Ne en e ng'at mokwongo gero ot mar kidi e dala mar Kayoo mangima. Kendo dalane ne okawo thuolo mar eka achiel mangima kendo echielo kod kudho mar kayaba.

Kochopo higa mar 1968 ne oweyo tich eyor retirement ma odhi ochako dak manyien mar puro pamba. Okoth nenikod puothe madirom ekari 20 edala mar Kayoo kaluwore kaka ne en wuoyi achiel mar min mare. Ekinde mane oritaya no noyude kaka nyind Okoth ang'wen mapod nitie a skul kochakore klas adek nyaka apar. Okoth ne opuonjo nyithinde giduto te kende kod purono ne nyaka ne gitieko class apar kod ariyo.

Ariyo kwom nyithinde go noyudo tich kod Bengi mar Kenya manyaka sani pod gitiye. Od okoth pod en kama jiriwe nyaka sani; kendo pod ochung kar tiende kendo jolendo mag Yesu pod pako e Yesu nyaka
kawuono. Okoth ne otho ehiga mar 1991 kaluwore kod two mar wich will kod momonia. Noweyo Nyithindo aboro kuom 13 mane onyuolo kodnyikwayo 41, dhoklimunda 14 kod mieny 8.

Jaode Penina Ajwang Nyamarenya (Nyagem) Mayuor Paulo Abwonji mane Ruoth to pod nitie nyaka kawuono. Ohero Yeso kendo pod otedo ne nyimine kod owete chai kagipako Ruoth Yesu.

Obong'o oket chuny wuon Ayatta kama ber e polo.
Mano e sigand Wuora Jaduong' Okoth

-------------------------------------------------------------------------------------
Mildren Washindu
Secretary,
Office of Public Relations Manager,
Kenya Commercial Bank Ltd.
Kencom House 8th Floor
Tel 254-2-339441 ext 203
email: mwashindu@kcb.co.ke
website: http://www.kcb.co.ke

Amor ndi kuom wach mbuchwani nikech akawe kaka gir jodala.Daer mar pako nyarwa Akello mathoth ahinya kuom tije maber momiyo tinde wakakgoni.Wapakorene mweche mawango kuonde mawantiere ahinya kendo luor omedorenwa ahinya -to duto mana nikech nyarwa Akello ma ogolowa oko,wamiyi duong ndi jaber med mana kinda.
An ne asomo eh praimari ma Nyabondo boding(Kaleo) kaeto adhi eh Sekondari ma Rapogi eh piny mar Kanyamkago(Awendo).Tinde an eh Piny mar Poland anono hi buk,omiyo joma ne paro ni aonge eh pinyni nikech
weche mag piny nyalo yuda ka
okothowino@yahoo.co.uk
Aparo osiepna moro mane wakethorego ni Ochieng wuood Akajo ja karachuonyo kobala mani amerika sani -manya osiepna chunya gombi ndi -konya eh wachni nyar kager.Abe aja Karachuonyo modak eh piny Suna Migori ka Jaduong Owino woud Were.Nyakalaga Olagu uduto.

Okweuru Nyikwe Ajwang' Ramogi!

Yandi aromo kod nyadendi moro manyinge Awino, thurgi en Migori. Nyani ne ayudo ka twak mare olomba nyowuoyo. Nene onyisa ni e ndalo mawadakie gi ok ochuno mondo jaluo okendre mana kod jaluo wadgi.
Kane amedo lalruok kode, nyadendi Awino ne onyisa ni en owuon okende kod jarabuon; mita oyangona ni jorabuon nikod omwom mathoth kendo jogo ong'eyo ohala matamre gi nono. Awino ne omedo nyisa ni jarabuon ok nyal kelo dhako moro machielo; mak mana jogi loso bwo nyidendi mamoko e kwonde mag lolo amuna. Ne apenjo Awino ni to ponono jali nogoyi kod auki masani tieko yawa ni?
Awino ne ogoyo lak kagima anyise ni diel tomo ring'o kod lake, to kara diel nyono ga mana lum! Openjoya:
"Iraura manade ni? Bende ing'eyo ni nitie rajwadi mirwako e duong' mar dichwo?" Ne omedo nyisa kaka ja rabuon oter nyangu, ludhe tek ma ayaki ok mwom. Awino nyan ma lawe oriyo e ngo' chiethe (mini-skirt) ne awera godo. Nyalolro (amuna) mara ne orumo, kendo omuom mamed godo chupa machielo ne otama. Omiyo ne achakora mos, awuod Bungu, kendo adhina mana kuma wuodha ne dwaro mondo achopie
Ondieg Bungu.

Jaluo amor ahinya gi wach mar peter Ojuka ewi AYAKI.
Msamaria tema mondo opuonj ji wach mar AYAKI kendo watemo mondo dhano ka dhano obed motang ahinya gi tuoni ei gweng' mar Nyamira, Siaya district.

Adiera mar wachni en ni kuom mon mie achiel, 40 nigi kuteni. Adamor kaweche mag adiera kama kendo mag kelo dongrouk ne ngima dhano omed wachie ahinya kajaluo dot kom ka.Wan joluo walokre 'endangered species'. Sani sirikal wachoni daktache mathietho hospital mar Nyanza n'geny gi nigi tuoni!

Jowadwa,miwa uru wach!! Sani an Holland to atiyo matek mondo achok pesa mar nyiewo gik kampein ewi tuoni. Nyasaye ema mondo omedwa ndalo.

Arunda

DONGRUOK MAR ONAGI
Yande asomo weche to kod ngeche ma ondik ei Jaluo.Kom to ayie ahinya kod wach mar riwruok luo duto. Gima omiyo awacho kamano en ma. Wan joluo wan dhano ma ne ochwe mariek, to gima omiyo ok wanyal bedo gi mor kaka jowete wa en nikech wan pok wabedo gimoro achiel. Jo dhoudi mamoko to nyiero wa ka giwacho ni "ne uru kaka jogi itiyo godo ka nyithindo kaeaban'ge to ibolo gi mabor." Gima nyalo konyo wan joluo mokwongo kata ka pod pok wanwan'go telo en bedo gi agulu moriwo wa duto. Agulu ma nyalo konyo wa mondo kik wabed jok ma kwecho koni gi kocha. Waseneno ni saa ma ng'ato oselokore ja kwecho eka inyalo ti kode marach, nikech seche go en oonge gi dwol ma otegno.

An to paro ma mara awuon, yande agoyo kwan ni ei Kenya ma ngima, wanyalo bedo joluo matiyo ma oromo gimoro machiegni gi 500,000. Ka wanyalo loso yo moro ma ng'ato ka ng'ato chiwo sende apar kende e dwe,to wanyalo nwang'o milionde abich e dwe ka dwe. Omwom ni inyalo ti go eyore mag dongruok kaka loso sikunde ma wan go Kaluo mondo sikunde wa obed gi gigo manyalo miyo nyithind wa opiem e nyalo gi nyithindo ma ni e sikunde
mamoko e pinje moko, to kendo mondo gibed ti tekomoloyoji masani(mamalo) ma inyalo many godo tich e pinje ma opogore. Udi thieth bende wanyalo gero gi omwom ni, kae to waywayo godo pi to kod gik mamoko. Mani nyalo konyo yawa ma gero udi bwore nikech ginyalo dok yo dala to ginwang'o tich mar gedo, ma ok rum nikech dwe ka dwe nitie milionde abich ma itiyo go e gedo.Abang'e to wanyalo gero udi ma oromo joluo dak, ok udi ila ma wanene ga bwore ka. Bang' gedo, to omwom ni wanyalo ng'iewo kode buge, yedhe mag thieth to kod gik mamoko kaluwore gi dwach jo kanam. Kik awach mang'eny kawuono. Awe gi kanyo mondo jonam ma nyalo medo na bende onwang' kama gichakoe go. Oriti uru.