| dhok030601 |
JALUO dot KOM |
Od Wadu |
| 03.06.01 |
LOKO DHOLUO E DHO-NGERE |
|
| Jadhot, Ero kamano kuom weche u maber gi. I wuold like you to have a english version of your information. This will help few of us who are interested but have problem to read dholuo. an Owuor send message to ovince@avu.org or oposhe@avu.org DUOKO: Jaduong Owuor, Atimo erokamano kuom oboke mane ioronwa, mak mana ni tich mar loko dholuo e dho-ngere otamowa nimar weche moko ka watemo loko to tiendgi koro opogore, mar ariyo ok walony e dho-ngere ahinya, kata an awuon anyalo mana ndiko wechegi e dholuo kende; nimar ne dho-ngere obarona e tok pacho kane ji dhi sikul to nadich gi kwath, wuorane en japith ma rahuma ahinya omiyo onge kaka jamni ne nyalo lewo nikech somo dho-jowagunda mane olokowa wasumbini higni mathoth mokadho. Wuod Luo en nyasi somo dhowa kendo akwayi mondo in bende ikaw thuolo mar somo dhok ma mitni, kadipo ni in jaluo adier to kik iwuondri kayiem ni ok inyal somo dhokni, anyalo wachoni ibedo misumba dho-jowaginda. Samoro duokoni ok nyal winjore ni mayot, tem idhi ir wuod Luo moro mondo olokni. Kar tiegruok moro bende tinde oyaw buore kanyo yande ayudo ka wuod Italia moro oyudoe tiegruok kendo wacho dho-luo mong'ith ahinya. Sikund somo dhok moro oyaw e ndar mar BISHOP e dir ot maduong mar NSSF malo KOMMIUNITI, kod ma moko bende inyalo yudo Kisumo. Aweyi gi mago wuod Nyanam Nyakalaga mondo olagi duokoni biro konyo joma moko ma osebedo ka nigi penjo ma kaka mano bende. Penjo inyalo oroni; Jagoro, Ajos Wuod Atiga, Jaluo dot Kom |