|
PENJO GI DUOKO
PENJO: Bende
jaluo nyalo kawo loch?
DUOKO: Ee, Jaluo nyalo
kawo loch mar Kenya mak mana nyaka ukony jo-siasa kuom yudo ombulu e
migepe mopogore, wan kaka joka nyanam mo mako jaluo dot kom to ok wan
jo-siasa wadwaro mana mondo jopiny oyier ng'at moromo rito piny Kenya,
maok wayiero nito en kabila mane; yiero en mar jopiny, kik ukel lweny e
pinywa, nyikwa Ramogi. Kuom mano med winjo wechegi kowuok oduonj ja
kanyono mar NDP, kendo mane osebedo okebe mar Mig. Amolo Odinga.
Waduoko erokamano ne Paddy wuod
Asembo piny maber kuom kawo thuolo mar ndiko wechegi ne Nyikwa Ramogi,
Nyakalaga mondo ogwedhi ndalo duto.
Ee Jaluo nyalo yudo loch. To gima duong ni kapok wangiyo gima nyalomiyo
wayud loch to onego warangi ane gima
osegamonowa yudo loch.
1. Mokuongo kendo maduong to ni wan yawuot Luo gi NyiLuo mawuondore ni bet
osomo kendo ni e ranginy
mamalo kata ma diere, jogi onge ombulu to gin ema giruya wacho kaka Amolo
Tinga oseloyo chon . "Macha osekawo" to ombulu to ok ogoyo.Ehiga mar 97 ne an okebe mar Amolo Langata ka ne
achungne e kampen mare kendo angeyo gima awacho kuom oganda Luo ni.
2. Mar ariyo oganda ni to osetimo ango mondo jaLuo oyud Loch? Ogandani ema
oting'o nyar Luo maber nego kendo sama ji dhi goyo ombulu to en otingo osiepne moro gidhigo e od math. Nyani oyie
kata nyisi ni Amolo miye ango?
3. Mar adek ogandani ok nyal kata dhi dala mondo inyis min, owadgi,
dagi, kata yuore moro mondo ogo ombulu.Ok onyal kata konyo neno ni min gi kata dan gi okawo ombulu sani kapok ndalo ochopo.
Ng'eny jogi dwaro ni Amolo ema odhi e gwenggi onyis ji okaw ombulu. Jothurwa be ukonyowa
adier.?
4. Mar angwen ogandani ok osekawo thuolo mar hoyo oganda moro mondo ogo ni
Jaluo ombulu. Un uwegi onego unyis oganda moko ber mar Jaluo ka okawo Loch.
5. Mar abich ni ogandani bende ema iyudoe joma kwedo Amolo kata gin to onge
gima gidwaro. Anyalo wacho mangeny kuom oganda wa ma osomo kuom tamowa yudo Loch. To aweyi
ka awachoni in iwuon rangri ane ni in to isetimo ango mondo mi Jaluo ayud Loch.
Oritu ahinya an mogenou,
PADDY C. AHENDA.
NDP DEPUTY SECRETARY,
INFORMATION & PUBLICITY.
|