JALUO.COM
  • NDP, Nwang'o Loch tiende ni ango'?    11-08-1999

    Chak dwe cha, kar tarik ang'wen,  jabura ma Rongo, Migosi Ochilo Ayako, ne oluongo buche moro matin ei Rongo kanyo. To madi gichakie bet piny ni to rawere moko ochopo kod arunge koda ojelni gi pende bende, mit gichako mana swago yawa mane obet e bura ni. Ma ne gihinyo yawagi , ma jomoko kuom jogi, kama otingo jaburani kod jal mariembone nyamburko, Migosi Wyclife Owaka oter ma orwak e osibtal ma Kisii. 

    Jogochogi duto nwang'ore ni ne gin jo NDP bende kendo jatendgi ne jakom mar NDP ma Migori ma en Migosi Ochieng' Ruku. Wachore ni Ochieng' Ruku ne okecho ni jabura oluongo bura Rongo ma ok onyise.

    Koro penjo ma jotelo mag NDP madongo onego dwoki en ni kara Nwang'o Loch ma idwaro Kenya ma omiyo ne giloso NDP en ni ango? An aparo ni Uhuru onego bedi ni ng'at man kod wachne moro ma odwaro wacho kod jowadgi onego obed kod thuolo mar chokore kod jowadgi mohero, sama ohero, kuma ohero. Gima iwacho e radruok kama bende ok onego badhgi, jaluong' bura luongo joma oparo ni nyalo bedo gi tiegruok mar loso gima omiyo burani iluongo. Ka jotelo keto achuna, ni nyaka nyisgi sache duto ma ng'ato dwaro rado kod joge moko, mani ok en nwang'o Loch. Ere gima pogou kod Kanu? 

    Akelo,Nyar Kager


    Go simu manengone yot USA >> Kenya 58¢
                                    Copyright © 1999, Jaluo.com
                                    All Rights Reserved