seme220602

JALUO dot KOM

Od Wadu

SEME OLOSO ARAMBEE KIT MIKAYI

Jodalawa

Mokuongo ahero moso oganda mar luo kar rombgi kamoro amora magintie sani, kendo moloyo to ni Onagi duto masomo nyakalondo mar jaluo dot kom. An iluonga ni Symon Peter Meyo Onyango ma wuod Seme e dhoot ma
Kanyadwera. Ang'eyo ni thoth u ong'eya maber to joma ok ang'eya bende koro biro ng'eya e yor yamoni.

Jodalawa wach riwruok osekonyo pinywa mar Kenya ni ahinya. Ahero lando ni Jo-seme duto kamoro amora magintie, ni nyocha ne Joseme ma Nairobi Okwayo Migosi Raila Wuod Odinga Owad ga Kinyi mondo otelnigi e Arambee mar gero kata timo rupeya ni udi mag somo, kombe, choche kod ng'iewo buge mag somo, ni sikunde 105 manie Seme. Owad ga Kinyi nyocha oyie, makoro Arambee ochiki tarik 6-7-2002. Koro wakwayi ni kain Jaseme adier ma wuod gi Migele wuod Amolo Yamo, kod Nindo Ang'wani maka Nyangaga, kod Thuon Nyagudi wuod Ogambi, to kod Meyo Raruoch Japala wuod ga Adhiambo, Meyo chot Achola !! to chik iti ahiiiinyaaa mondo itim kaka wadwaroni. Kawie kata mana dola 20 kende $ 20.00 mondo ior e account number 0110041147800 e Co-operative bank Ukulima house branch. Ma en account mar Seme Education Fund. Pesa gi wabiro tero e Arambee Kit Mikayi kama Raila nobedie gi Seme duto kar rombgi. Kioro pesa to indik nyingi maler ahinya, bende inyalo orona e-mail mondo ang'e ni iseoro pesa kar nyaloni.

Dhano mangima ma Nyasae onyuolo thagore kinde duto mar dakne epinyka
nimondo oyud konyruok, kendo ng'ama riek temo ahinya mondo olos kar dakne mochwere mondo gik machalo pi mimodho, sikunde, yore mag mitokni, osibtande mag thieth, kod yore mag goyo simu, mondo obed mayot yudo kendo makare. Nyasae bende dwaro ni mondo itim gima kama. Ka chieng' piny ruoth mari orumo e pinyka, to malaika mag Nyasae kod Nyasae Owuon Owuon nopenji nito in wuod Seme marahuma kendo mahero malich kamani, bang'e chien kuma iaaeno ang'o maiweyo ka itimo ni Joseme malong'o. Jowadwa dhogi kik bi mok enyim Nyasae Nyakalaga mawuonwa, omiyo chung' malo mondo wakwani wuod ya Kodongo mondo wager Seme.

Accountni orit gi Joeseme ma opuodhi ahinya. An mandiko oboke ni, a Jaseme
ma Seme ong'eyo maler nyaka dala. Sani atiyo gi kambi mi luongo ni
"Symphony", ma en e Kambi maduong'ie moloyo kembe te mag komputa e Afrika masariki mangima. An jawus komputa mang'ula. Wanbende kod Ngire George Oduwo Nyangasi maen wuod Seme Kiyila to opuonjo e kar tiegruok ma Nairobi University. Ng'ama chielo en Timothy Omindo maen wuod Seme Kokelo; en johala marahuma matimo clearing and forwarding e pap ndege ma Nairobi.

Mogik to wan kod Jakom matin mar Seme Kommunity Nairobi miluongo ni Maurice Ogweyo Ogweyo. En wuod Seme Kochola, Gweng' makopudo manyandeje. Ogweyo en jatich e Telkom kambi mar simu ma Kenyawaka. To Seme oyie nimondo warit accountni.

Dala Seme, sikul ka sikul nyocha wawacho ni ogol siling' 10,000.00 to gin
sikunde 105. Wang'eyo ni gibiro golo kar rombgi. Dhod Seme ma odak Nairobi golo siling' 20,000.00 kuom dhot ka dhot, to gin dhoudi 22. Ae to Joseme miluongo to yie; machalo Adul wuon Onyango, Ogumbo Jadisi Maka Orondo, Laktar Wambura Nyikal, Prof. Odhiambo Aduol, Otieno wuon Orege, Okil Ambrose Weda wuod Kombewa, Nyakwar Jaramba, Isaac Ongota Ojuok wuod Kombewa mamalo, Fred Okulo, Outa Ochoro, Dr Omondi Nyabundi, Odhiambo Kanjejo wuod Kaila, Laktar Achola Ndinaya to kod Onyango Ricardo woud Osat beach e namb Lolwe, gi Meyo Japala Jakanyadwera, gi joma ng'eeeny, jowuok se ni gigero Seme. Wakwayi ni modo ikonywa.

Magi kende jokama Nyasae oritu.

An

Meyo wuodga Adhiambo
P O Box 39246
Phone 254 2 3748300
e-mail smeyo@symphony.co.ke
NAIROBI.

MEDWA PARO: WuonAbila@jaluo.com