• 
• BARUPE MOKADHO

NE AJOS WUOD ATIGA NY'OCHOLA

Ayie ahinya gi tich ma isetiyo e wang' mbui mar JALUOdotKOM. Med
dhinyime kod tich maber ni nikech jothur moko modak oko kaka america lal
ok dwar wacho dhowa nikech gidak kapodi ka giwacho dhowani aming'a.

To mokuongo daher mar goyonu erokamano kuom yao wang' mbui ne Nyikwa Ramogi Ajwang! Ma biro nyiso jomamoko ni wan jok mohero dhogi kendo oherore kaka joluo.

Mar ariyo daher mar leroni ni e migawo mar aboro mar Mwache ei luo ne
indiko maber to nene iweyo mwache moko modak ei Kisumo. Magi gin kaka
Joka-wango modak kind Karateng' gi Kadawa (Kisumo). Jokawango gin mwache mane oa Mumias epiny Mumia Nabongo. Tinde to gise dak kodwa ka aming'a ma sani giwacho dhowa dutote. Marariyo gin jo Kamenya kod jowanamare modak ei Kisumo Kadawa but Lwala Kadawa school kod Nyakune school ei Upper Kadongo Sublocation. Magi duto gin mwache.

Ei migapi machielo yie mondo inyisi Nyikwa Ramogi mwache ma podi ka
ging'eyo modak eiwa kaka manyisigi.

Mogik, ei wang'mbui mar jaluo.com nitiere makosa maneno mar dholuo.
'KAMA JALUO RADE GI JOLUO'   Jaluo en ng'ato achiel. Joluo gi
mang'eny.WADGI bende en achiel koro omiyo en bende nyaka nike kong'eny. Thoth (plural) mar wadgi en WETEGI kata JOWETEGI. Koro
onego obedi ka indike ni  'KAMA JALUO RADE GI JO-WETEGI'

Ean mogeni

Ouma Berntom wuod Omuoyo Ny'ochola
Nairobi Hospital
Box 28449, Nairobi Kenya
Email: xray@nbihosp.org

Wan Wa a Kanye?

Ase bedo ka a somo kaka joluo no biro Kenya to gima kawa gi wuoro en ni nitie dho udi ma odak Karachuonyo ma pok a winjo kuma oae kaka:
        Kamaye, Kamuala, Kamenya, Kodumo, Ramogi gi mamoko
        Konya mondo ange kuma wa ae, 

An Jakamaye E karachuonyo.

Charles Kodi