02-28-2000
JALUOdotKOM
BARUPE MOKADHO 

barupe 12-28-2000

Barupe 12-08-2000

Barupe 10-30-2000

Barupe 09-30-2000

Barupe 09-13-2000

Barupe 09-01-2000

Barupe 08-18-2000

Barupe 08-08-2000

Barupe 07-29-2000

Barupe 07-27-2000

Barupe 07-07-2000

Barupe 06-29-2000

Barupe 06-23-2000

06-01-30

THO WUOD SEDA

Nyar-Kager,

Mani en mana medo malith lith nono ewi ma Migosi Ajuoga ose keto kaa ni.
Nitie achiel kende ma an kod geno ni ne otuch ahinya ne joluowa e tuak ma
Nyar-Kager ne otokonwa.  En ni 'kik wabed ni nyaka watuo kama waluokore'!
Wuod Seda ne omi pii gi onjelo, oluokore, odugoree, mi kane ochopo to ne
owachne mi-osaye (dwero ose puodha ema) ni ochikre kendo ne oramo taa mana ni nyaka to otuo ewi kidino...aaah, nyithiwa, ok dwa pare Ongili, Wuod
Ndiege, Kodhek, to wuo Amabala to gima moko......Nyar-Kager ogwethonwa kanyo ahinya.

Opiyo wuo Olola
Atweng'a dala
colola@hotmail.com


LIT OSIKO
TO mos mogundhu nyikwa Ramogi Ajwang'. To amor mana ni podi wadhi nyime kod tudruok mayore makende mar weche migamo eyamo. To thoth rawere wacho ni two malingling tieko jowa ni kech jo kanyo wacho ni tho odonjo kama rach bin otiekwa. To gima lich en ni two ok landre ekor muya kaka kahera kata lande gi gigo mahuyo kaka midhusi. To twoni en mana mabiro ni kech weche mag achiedh nadi ni denda ohewa kata ni dhiang tho gi lum edhoge kata ni ja dhako achiel en jagoro mar wasumbni. To aparo ni kaber to joluo ne owacho ni otoyo maluor ema ru kendo thuol rach ka odonjo eko.
To gima ber en watem nyiso jowa ni kata obedo ni chon rewere ne pakore
in an chot nya ng'ane to sani thoth odonjo echiemo omiyo ji otem ritoro
kata bed ni dendi ohewi manadi ni kech pok awinjo ni dhano mangima odhi
eod thieth ni podi ok oterore kuom ndalo mogwaro. To rewere ma raga
mapodi ni ye papa mapodi ok onyombo onego oritore maloyo kaka nene kata
obedo ni siwidhe tinde onge ni kech kwach oluwo bondo kendo obiro tieke
nyigwen to ka otimre ka mano to wabiro yudo thuondi gi nyibuche kure e
ndalo mabiro go. Ayaki matieka to ni tiye to kendo okiya nyathi to okiya
wuoro kata miyo to okiya ni itiyegori manadi to ni kech ka odonjo to
orach matiyo ber, ni kech obuk mokawo ring'o to owe choke to aye dendi
lwer alwera. To ji nyalo wacho ni en chola mar nyodo ni ema omiyo ka
ng'ato ose bedo ma ool ahinya to kaduong'ne golo tut marachar to ooyo
magi gin mana twoche mabiro nikch ayaki ose tieko tonge mag remo mageng'o twoche edel.
Omiyo joluo wa kata bed ni gini dhi gi ji duto to watang wuru. To jo
nywol we wuru lworo nyiso nyithindu adier nikech chieng ni gi ywagnu gi
kwong'u malich e kinde mag ywagrok gi mwodo leke. Siwidhe tinde onge
kwonde mathoth to jopuonj man kwonde tiegruok ok nyalo tiyo tij ni kend
gi omiyo waduto wanywakni ni ratego ni ka wapuonjo jowa eyore duto ma
wanyalo. To kik wapar ni en wach joma ni gi nyithindo kende to nikech
nyithindo gin mag ji duto ni kech ok ong'e nga't ma gibiro konyo kata
wan bende jok ma wakony endalo gi ok gin jogo manene okonyo wa ka
wadongo.
Omiyo jo ka nyanam wabed ka wang'eyo ni wuwi biro dala ka oayo kor ka
nindo ok kor ka aora ka nene nundu ndalo machon omiyo nyawawa ma wanyalo goyo en mana ng'iyo timbe wa ma luwore gi weche mag kisera.

Bernhards Ogutu 


TICH MABER MIWUORO

An kod mor mogudho nimar kane asomo oboke mar jokanyanam e ndara mar rieko masani okwako piny ngima, mor miwuoro ne okwaka ti kendo ilo kod sunga ne ochopona, nimar sani asomo computer science University mar Drexel,to kendo apuonjo luo e kar tiegruok maduong mar University of
Pennsylvania. To chandruok ma an godo kaluwore kod kaka ne wagoyo mbaka kod Ngugi Wa Thiong'o, jarabuon ma osebedo ka ochung' ne weche mag siro dhok mag ogendni ma jo Afrika, kalatese kod buge mag referrence yudo tek. Ka nitiere yo ma di ayudgodo buge, kalatese kod gigo madimiya ting'o luo malo, dabed mamor miwuoro.

 Sani andiko Dictionary mar luo kod weche mamoko mag luo embuyi manyien machiegni rumo.  Web pageno biro bedo an interactive page ma inyalo somo luo kendo iwinjo kaka inyalo wache, omiyo ka in kod paro moro tudri, koda.

 E an ja Kendu Bay wuon Owen kata Okoth wuon Ougo .

Dan Okoth
dan_okoth@yahoo.com


WECHE DONGRUOK

TUDRUOK  E PINY MOTUDORE

JO-DHOOT,

Amor ahinya ka ayudo wach mar tudruok kuom Osiepna mang'ongo Odegi Okello Ko jiwo wach Dongruok ma  Odundo Wuod Sidigu  ose golo oko.
Tudruok ma sani luwore gikaka ji-omakre e wi lowo ka.
Ng'e ruok mar ji kod bet gi adiera ni gima ji owinjore ibiro lu kaka owachi
nyalo Tero ji okang' moro nyime.
Kendo mokuongo aduoko ero Kamano maduong' ni jotelo ma ochung' ni
Kar Otieng'[web site] ma wanyalo pimo ewach ka wadak kaka no loswa Joluo. En dongruok maduong' ahinya mondo wamed chualo maj Jaluo.com mondo Oliel matek ekindwa , ogol koyo kendo omed ler.
Awinjo matek ahinya kasomo weche mokalo - Kendo nobed nonro maduong'
Kalure kod wach ma Nyager Oloro owacho kuom Lal Wuod Nyahera.
Gima pod apenjora nga en-ni onego Joluo orang maler kaka jomoko
Tiyo kodwa to bange yudo yo mayot mar tieko wa ! Wiwa chal ga ka wil piyo ?
Kata Joyahudi no temo lalgi  wuod Nyasaye ma miderma !
Wawe wach no gi kanyo to apako wach tudruok makata  wan bende wabiro
Loso agulu moro  matin e buo afrika kama  diamond  pod kunyre ahinya sechegi ka pok owuore.
Kabaselle Ja Asembo kalle ero oweyo Osito kalle loso wa,
Collella Kosala jabar Ochiago duonde ok no lal e 'Hera mar Mbese'
Kata'Pamba Oluoro Chillo'
Okatch Biggy bende nowewa mana gimago

ADUOKO EROKAMANO

OMONDI-OGENGA


KENDRUOK

Adwaro ng'eyo kaka kend joluo ne timore chon kendo kaka itime sani
AN
Okong'o ogutu


 APENJOU YAWA, AKELO NYAKAGER NIKURE? 

Kuom modhial JAKOJOLO, bang' milome mong'ith mar tho mar mosewewa Dr. Robert Ouko, ninyisowa ni Akelo NyaKager Oleng'ore matin nobiro dwogo. Nyaka aa kanyo pok awinje dwond NyaKager. Dipwodhwa maler ni Akelo NyaKager ni kanye? Koso mwamere ka nono to otoche ma Ngong' timo sawo gi ringre NyaKager twakia? Yie inyis wane maler gimatimore. Nyikwa Ramogi Ajwang' dwa ng'eyo wach ni. 

Ajuoga.

Ajuoga antie, ase duogo ka aa pacho. Ne adhi ywago yuoro mogen ahiinya, Florence Adoyo, nyar Karateng', chi k'Obura, Masogo. Ka ne iwinjo ajali mane timre Kericho, e kind Akamba kod bas moro, mane jothurwa othoe miwuoroni, e kama min Omondi bende ne othoe. Wachne ne obuogowa ahinya, to nikech nyote owuon oweyo mang'eny, to kendo yande orito nyithindo 35 ma wegegi oselal e tho ma koro tieko jo thurwani. Omiyo chuny ose bedo ka ool, kata kamano teko koro duogo. Duto waweyo ne Nyakalaga.

Kojolo bende ayudo korito mbui maber, obende aduokone erohamano.

Akelo Nyar Kager.


05-30-2000

KWAYO

Kuom Akelo Nyar Kager,

Mokuongo daher pakou uduto kuom bedo kod nyakalondo ma kama, ma koro wanyalo bende pimoe wechewa duto mag dongruok wawegi. dhiuru mana nyime kod tich maberni.

Mar ariyo en ni adwaro loko dak, adar aa e Kenya ka abiro loka piny mar
Amerika kono kochakore dwe mar opon. Koro daher mana mar ng'eyo kaka kono chal to nikech jomoko to kweroya ni ngang' kik atem kata matin mar biro kono nikech gweng'no en piny chandruok ndii. Koro in kaka nyadendi ma odak e pinyno, in to de iwachna ang'o kuom wachni. Onego bedi ni ka abiro to kara mar buoro mokuongo enobedi e gweng' ma iluongo ni Atlanta, Georgia, kaeto koro anyalo neno kaka abet kamoro amora. Abiro kuom chenro mar oboke maralum ma piny owacho mar Amerika ma iyudoga kuom hawi.

Mar adek, e kinde ma koro abiroe ni yande achako tiegruok moro mar rang'iny ma malo ma iluongo gi dho ngere ni "M.Sc." e pachokae e kar tiegruok maduong mar Kenyatta University. Koro asetieko higa mokuongo mit akadho penj nyowuoyo. Koro e kindeni adwaro timo higa mar ariyo kama koro onego atim gima wasungu luongo ni "research project". Kuom tiegruokna ni yande asomo kute ma kelo tuoche (kata "parasites"). Koro kaka ochuno ni nyaka to abi kono kapok ochopo dwe mar apar, daher mar winjo koa kuomu un nyikwa Ramogi man e gweng' ono kaka ng'ato ka an onego otim.

Erokamano Nyar Kager.

OUMA K"OSEDO


BARUPE MADONJO E JALUO.COM

Aduokonu erokamano maduon'g ahinya kuom miyo yawa thuolo mar somo oboke gi weche mamoko e mbuyuni. Kata kamano daher mar wacho pacha ewi mbuyuni.
Aaparo ni di ne ber ka oyaw "dero" moro kama barupe ma osebudho e mbuyini inyalo reriye, mondo joma gwaro mbuyi onuan'g thuolo mar dhi e okang' machielo moloyo gwaro nyaka barupe ma osebudho e mbuyi kuom dweche mathoth.
Ma nyalo konyo yawa ma nyalo hero dwaro barupe machon mondo oyud kama gidhiye dichiel to gifwambo weche duto ma gidwaro kanyakla.

An
Okollah JaK'Oyeyo


JOMOKETORE E GIR JOWETEGI,

NYAR KAGER IDUOKO NYATHINI KAKA DWARORE MONDO ODUOKE. MANI PARONA DUOKO MANE KER AJUMA OGINGA KODINGA NE ODUOKO MANOSELAL S. OLOITIPTIP NIYA  " I AM A LUO, I AM A KENYAN, I HAVE NO APOLOGIES TO MAKE FOR BEING A LUO ..". JOMOKO KA DWARO SOMO DHOLUO TO ONEGO GIPUONJRE DHOWANI EN ANG'O MOMIYO WAN OK WAKEL KOKO KA JOMOKO OCHAKO GIRGI TO WAN KA WAN GI GIRWA MA JABER KAMA TO JOLIBAMBA DWARO CHUGOREE? GI DHINA MABOR. JACHIEN OGOL KUOMGI. KORO KA WEND DHOLUO MITNE MA OPUONJORE WERO TO
EN ANG'O MA MONE PUONJORE DHOLUO. KA EN GI GIMA BER KATA PARO MABER MACHALO MAR MIGOSI MICHAEL KAMAU MA NYOCHA ONDIKO E JEXJAUO TO MONDO ODHI E OBOKE NO MA OK OCHIDO CHUNYWA. OMERA JOE RIERI KA PONI IN JALUO TO PO NONO NI IJA DHOK MORO TO CHAK MA THURU MONDO ITIM GIMA IDWARE NO.

OUNDO. J. O,
KENYA MEDICAL RESEARCH INSTITUTE,
CENTER FOR MICROBIOLOGY RESEARCH,
P. O. BOX 19464,
NAIROBI.
TEL 254 2 720794
E-MAIL JOUNDO@HOTMAIL.COM



ERE MANYIEN?

Amosi ahinya kageno ni ingima.

An bende angima. Yie imiya tuak ma in godo.
Bang miya tuak mar ouko cha pod ok awinjo moro.
Jaduong piny ne odhi London apoya nono kendo ne ose duogo maji olose.
Whites man Zimbabwe dwaro duogo Kenya to ji odagi ni onge kuma gi dhiye.
Jaduong piny akia ni  wacho ang'o. Raila kod Orengo nyocha orado Ugenya magi
loso maber ma aparo ni dhaw mar gi odok chien. Omera kow na dollar 100 kende
kech nega.
 

      |=====================================||
      | Philip O. Ayombe                                                      |
      | Sonysugar Company Ltd                                         |
      | System/Network Administrator                               |   
      | P.O. Box 107                                                                |
      | Tel. 0387 - 43620 Ext. 2126 or Direct Line  43274    |
      | Fax 0387 - 43245                                                         
      |
      | E-mail:- payombe@sonysugar.co.ke or                     |
      |             administrator@sonysugar.co.ke                   |
      |             network@sonysugar.co.ke                            |
      |===================================== |

 


05-13-2000

TEGO AGULU MAR KANO NONRO

Okwe uru Jokanyanam,
Akawo kinde makendeni mondo atem siro wach ma migosi Adoyo-Adoyo odundo mwalo kae ewi agulu 'database' mar kano nonro mar nyikwa ramogi.  Mani nyalo miyo wakony jowadwa ka chuolo mag lainde makende machalo tiegruok, tich gi mamoko olodhore kamoro...asiro!  Uneno ka Adongo Ogutu Ragama bende olungo matin kanyo ni wanyise kama onyalo golowe ojusine... mano nyiso ni en kod gimoro e agulu ne jokanyanam.  Miyo agulu ni biro miyo wang'e lainde manyalo konyo jowadgi mondo odondie matin tin mag konyruok.  Erokamano jaluo-dot-com kuom tich masironyo.

An Opiyo wuod Olola
Ja-Uyoma Katweng'a---Owila piny madhako.


05-12-2000

PARO
Nyar Kager, nyocha aparo ni mondo watem kaka wanyalo mondo wabed kod directory mar ogandawa e website ma ka po ni ng'ato dwaro ng'at moro
manyalo tiyo tich moro makende to idhi mana e website to iyudo. Ndalo
mang'eny ji osebedo kadwaro joma ginyalo miyo tije makendgi e tiegruok
ma opogore opogore to iyudo ka ok inwang' mapiyo to kare en mana bathi
to ikiya, tem oro wachni ne joluo te man ka to kod man oko. "A Luo
proffessional Directory"
An Adoyo-Adoyo "Jakochieng' Ma Nyamware, Kadibo-Kobura, KANO"
madoyo@hotmail.com
KEMRI,Nairobi.


05-10-2000

DHOLUO KENDE EMA ONEGO WATIGO

En kwayona kaka jaluo kendo nyakwar Ramogi gi tiende, kaka nobedo kar
chakruok kendo kawuono kendo ndalo mabiro bende, dholuo nobedo kaka
okumba mar jaluo kochakore pogruok mane wabedo godo kod oganda mamoko e wuodhwa kane wawuok Sudan nyaka koro sani, onge kaka wanyalo kiko dholuo gi dhowagunda e maling'ling' marwa, mano nyisoni ok wan joluo gitiendgi, kendo wa wuondore. Nonyuoli jaluo dichiel kendo ibiro tho dichiel kaka jaluo, to onge kaka inyalo bedo jaluo nus, kendo jagunda nus. Mano en wuondruok.

Kuom mano daher mar jiwo joluo duto kamoro amora magintie ni jaluo dot
kom mondo twagie mana gi dholuo kende, ere gima omiyo wadwaro tedo
thuondi ariyo agulu achiel? Kadiponi luoro moro nitie kuom joluo ma
okendo mwache ni nyithindgi ok wach dholuo to mano en samuoyo mar
jonyuol nikech ok gi puonjo nyithindgi dholuo.

Kwayo mara en ni Nyar Kager nyalo yawo dir oboke kamoro ma joluo ma ok olony kod dhogi nyalo yudoe tiend weche ma gikia. To ok mar ndiko gi
dhowagunda, kane joratenge oyudo loch koa e lwet jorachere to ne
wayangore ni wabiro yudo lony marwa wawegi, koro ere lony jarateng
moloyo jaluo maok nyal tiyo gi dhogi owuon?

Mago kende Nyikwa Ramogi, okwe uru...
Ogello Mak'Okullo


05-06-2000

TIM MABER

To nyikwa Ramogi atimo ero kamano maduong kwom nwang'o oboke malingling manyiso gima wu se chako ni. To ber mondo umed jiwo chunyu kendo kik olo moro maku nikech chako gimoro yot to rite to tek. To bende kik nyawo maku ka dipo ni ji mang'eny ok winj gima utimo no ni kech wu nge'yo ni yeyo mang'eny ok kony bur.
Daher mondo ka ni tiye oboke moko ma uparo ni anyalo goro ma dipo ka
omedo tich majaber ma utiyo ni to mondo unyisa.
To bende upar jowa man pacho koni ka wu oro nigi weche majiwo chuny
kendo mamedo rieko.
To nyikwa ramogi awewu gi mago Obong'o Nyakalaga mabade dongo mondo oritu. To wu bed ka wu nge'yo ni "gima ber ok rach to gima rach ok ber."

Anka mogenowu,

Adongo Ogutu Ragama.


AMOR

Jaluo

 Amor kuom tich ma osetiyore kani.  Ma nyiso ndongruok mathagalany sidang'!  Nyocha ayudo dhodni 'URL' koa kuom osiepna nyorobi ma awachoni nyaka to amosu e.  Kwe kende.
 
An Opiyo wuod Olola
Jauyoma Katweng'a
colola@hotmail.com

04-26-2000

AMOSOU

Amosou ahinya kendo ageno ni ungima.  Nyinga Okiri nyar Okal, an nyar nyakach Agoro Lukwenyo.  Asebedo Amerka aming'a.  Ne abiro ka higa mar 1989 kendo pok ayudo joluo mang'eny kama adakie.
Amor ahinya mar yudo kama anyalo somo dholuo, asebedo ka okawach dholuo ahinya omiyo sani weche moko oserwenya. 
Erokamano mar miyo jowa mapok odhi dala kama wanyalo some dholuo kendo kama wanyalo wuoye gi joluo wetewa. 
Nyasaye Ogwedhu,
 
En An
Elsa Okiri Nyar Nyakach
 
04-25-2000

SOMB JALUO

Aduoko erokamano mokuongo, ne Obong'o Nyakalaga mar miya thuolo maber ni mondo an bende atuage gi jowetena man epinje maboyo boyo. Mar ariyo aduoko erokamano ne Nyar kager kuom mbuyi ni. Maduong' kata manyien moro mada wachi onge, mbaka en puonjruok ok kwedruok, mbaka en wacho pachi to an bende agolo mara ma thech thech no. Mano e mbaka. Kaka ne andiko e thuolo ma osekadho cha, pod amedo wacho kendo ni ka ineno ka jaluo wadu dhi marach, duoge pacho mana gi och mayom, ok gi akweda ni 'in koro isebayo nyong' wana ne kuma ichopoe!!' ooh-yo ok en kamano!

Koro we aduogi e baruwa mane aduoko mar 'somb jaluo okosekonyo joluo' Amor ahinya ka thura mane ondiko owachoni somo ber ndi kendo joluo ma osetelo duto osomo. Ka ochako kod Musa mane otelo ne jo Israel ka gia epiny Misri, to an amor ndi, nikech gima duoung' mane awacho, ne en ni kata osebedo ni jaluo mosomo moko ok kony jaluo kamano, kik samwoyo makwa gi somo! Wamed mana dhi nyime gi somo. Omiyo kanyo to ka koro thura olero maber kamano to aparo ni wawinjore maber.

Mar ariyo, dongruok en nywako, jatelo nyalo bedo to kawakonyore kode to aparo ni wanyalo dhi nyime maber moloyo. Kaka koro Nyar kager, ochako marwa ni wakonye uru. Ok wawene ni wakichore gichien, ka wang'iyo kuma enogikie! Wapar uru nene, kaka jotendwa mosenindo, ne jorabuon otiyo godo ma otieko wa. Dine Jarusinga nywak keyo gi Jaramogi, aparo ni keyo no dine ochopo tung' giko puodho!

Wati uru gi mbuyi ni mondo wabed machiegni, gi jowetewa man mabor, ji opogore opogore to mano ok onego kel pogruok e kindwa. Pogruok wano ema mondo obed tekowa.

Gimoro amoro ma wanyalo konyo godo jaluo, ema wakel e tawo, obed kado ma joluo duto te nyalo yudho. Ero uru Kamano, jowetena.

Ean jaluo wadu,

Beta Obong'o.


Atimo erokamano mar winjo duto matimore Dayton, Ohio . En hawi maber ni ayudo nonro mar jaluo.com mana e Daily Nation website. Kaka nyikwa ajuan'g man Columbus , OH. Wan bende di bed maber to wanyalo tudore kodu kaka achiel mag jobura mar dongruok kod konyruok ma uchako, Wilberforce-Dayton kono. Yie unyiswa kaka wanyalo tudre mondo wan bende wabed membas mar bura no.
An wuodu
Orony-Omolo (JaRongo)


04-19-2000

(Kein Thema)

Wan Joluo man Germany wasomo Home page mar Jaluo kabisa.
Dhi uru mana mbele.
Mos ma oa kwom Gem Association Frankfurt
Omaya Okach
Adhaya


04-17-2000

WAHOJRE URU YAWA!

Ong'ere ni ka paka oleng'ore matin kama, toyieyo kudho mo yamo ema liyo.
Wamanre uru maber, Nyikwa Ajwang'. Warit uru ot maber nyaka NyaKager dwogi. Kik oyud ka ot olil. Jakojolo, rit ot maber omera. Kinjawo ot to wabiro fuli ka NyaKager odwogo. Kik itia kibrit e ot. Ok apar ni NyaKager dimor kodi koyudo niwang'o ot. Koro tawa mana nyamonge e skel manyocha NyaKager tawacha.
Kapo ni wiyi otowo ndowo, to wabiro mano dwaro ni manyasi wahosi go. Ritri.

Ajuoga.


04-10-2000

"SOMB JALUO--03/09/2000".

Nyikwa Ramogi Ajwang', akwayou gi mwolo mondo udog chien usomie baruwa mano ndiki tarik 03-09-2000. Dhoch no kata an otama loko. Barup Ajuoga mar tarik 02-28, higani aparo ni ne en baruwa makare ler kendo mawinjore ahinya: "SOMO MAR JOLUO OKOSEKONYO JOLUO." Kiwacho ni "...bende nitie jok moko mane oyier ni un somoru mondo okony joluo....? Mano en wach mar migundiya. Mano ok en loso makelo dongruok. Ng'iye lith lwete nigo. Giromre ni? We apwodhi maler; nitie" jok mane opiedhi ni kokel dongruok ne jaluo "[oganda-mono mara mamedo]" Iwacho wach mar Misiri.Ka wuoth nochakore Misiri, MUSA nopiedhi mondo ogol yagi e lwet chandruok gi dhier mar Farao--Musa ne ng'amo somo e ndalo ne. MARTIN LUTHER KING, JR. nopiedhi mondo kony yagi ma jorochere
nobembo ka kod wach mar ubagusi. King, Jr. ne ok jakafiri, nosomo. Ker JOMO KENYATTA, jatelo mokwongo bang' yudo loch e Kenya, nopiedhi mondo otel ni jorotenge modak e Kenya, jaduong' no nosomo kien. NELSON MANDELA,mwalo ka, to ok ineno kotelo no ganda gi, bang' jokabur okwer ni tieko gi, Mandela nosomo.
Nyisae malong'o ka jok mawase yiero mondo odhi ochung' nwa e bunge, ne gin jok mokosomo. Wuodu ma koro ndhogore gi weche mag loso chike sani gi, ok en ng'amofuwo, nuyiere nikech nosomo. Hawi marach to ni sombeno ok kony Joluo e sama walose ni. Sombe no hinyowa. Omera, chiew. We ninda nyora. Mosekadho Moluor DR.ROBERT OUKO, notelo ni joluo kachiel gi jo kenya duto, wuodwa no nowinjo buk e rang'iny mogik. Somo mare ne en somo man gohala ni joluo. Jomo somo,  ka konyore giwegi to gikonyo oganda bende. Mano e tiend somo manawuoye. Ok somo mar "chandruok mako wadu ok moni nindo" Mano somo manyalo hinyo
oganda. Dwoko mari maluwore gi barup Ajuoga en dwoko maonge ndhadho. Somo nyalo ketho kata gero.
Maketho to ok wadwar. Dongruok mar oganda nyalo betie ka uyiero ng'amo somo mawinjo rieko kod chike mar pinyu kachiel gi piny mangima. Kiparo nisomo ting'eyo mana dongruok ni kendi kod dongruok mar jodalau kende,ok apar ni somo nino nyalo miyi mor. Tem winjo gima nandiko e baruwa no.

Ajuoga.


TEM PWONJOWA GI DHOLUO MORIERE.

Akelo NyaKager, Erokamano kuom thuolo mawajowo odhes mawatudre go e Jaluo dot Kom ka. Weche mit ka mane pok adwara nwang'o. Min-Ugenya, adier to ema ber yawa. Awinjo ilo ahinya kasomo, "Ngeche Luo", migago wago e kor yamo ka. Aparo ni nyithindewa, kata joma dongo ma dhowa chando matin, nwang'o tiegruok ka, tiegruok manimba ahinya. Ber ngeche gi en ni gijiwowa kendo gimiyowa tudruok gi chakruok mar Omogi. Adier madwa wacho ema: Loko ngeche gi moko kuom gi ok liw ahinya. moko kuom gi obayo yo sidang'- gima ngero wacho, gitie ngero, ok winjre. Samoro dholuo ma jaloko konyre go ok winjre maber. Ang'o mamonowa keto ngeche e yamo, ngeche mong'ere moyot, ngeche ma nyithiwa madwa pwonjore nyalo mako maber kendo mapiyo?
Ajuoga


03-24-2000

Mos mathoth

Nyar Kager,

Ero kamano kuom miyo wa jaluo.com
Aparo ni gima kama ne iluongo ni nyakalondo. Aneno ka jiman'geny wacho mana ni Nairobi. Luo ne luonge ni Bwore nekech ne en kama ji buore-joma ne tiyo kuro ne chalo joma obworo ma katich ne orumo to gidok dala.
Nyakalaga, obed kodi, kendo omedi mang'eny.
Odhiambo Oyoko, ja Got Nyasmbiri, Koyugi.

03-18-2000

erokamano kuom jaluo.com

Akelo Nyar Kager,
Aduoko erokamano kuom yawo ne nyikwa Ramogi site marahuma kama.
Osiepna moro miluongo ni Noel Okoth emanene chieng' moro godhiambo owachona ni tinde kara site mar jo winam nitiere.
Med uru dhiyo nyime eparo machalo kama. Kawabet kama to eka de wanyal wasigu moseinyo wa nyaka nene wayud loch madala kani.
Oritu masani

An Ochieng Wuod Akal Nya Bondo kor gi Amolo Tinga


03-16-2000

Akelo nyathiwa, 

An kod penjo madwaro ni idwoka. Penjona ema: mikayi notho to achiel kuom nyithinde manoweyo ne en nyako mosedhi katedo. Wuoyi maduong' be nitie pod ngima to nolal kapango. Bang' tieko kweche duto maluore gi kit Luo gi timbe gi, bende nyako ni nyalo loso od min mare? Nyako ni paroni kapo ni
wuon otho sani to mondo oyud kama ikete maber. Nyisa kaka wach ni ditim?

An Opemo nyar Mbeme.

Penjonini ne ohinga dwoko, koro mit aore ne Ajuoga ema oyangoni go kama. Akelo Nyar Kager.

DWOKO !
Opemo nyar Mbeme, 

Erokamano kuom penjoni momiya luya maradier. Penjoni ni ok yot dwoko, to ma egima abiro nyisi e lak seche gi. Mokwongo, imiya weche nus. Ok imiya weche duto matimore kuom penjoni.  Marariyo, aparo ni in migogo koro
onego iwe weche dalau mondo oweteni ganyuolau olosi. Owadu molal kapango no to pod inyalo temo dware mondo inyise paroni. Wach miwacho kuom tho mar wuoru ok ipwodho na maler, koro akiya kata wuoru two ahinya ma dhoge osemoko makoro ok onyal loso kodu kendo nyisou kaka odwaro ni weche otim e dala ne. Maradek, kendo maduong' ahinya, to ni los kod jodongo madongo e anyuolani mondo okonyi loko dhoch ni. In migogo maber madwaro loso dala gi, to kik ikadh kiew. Mano nyalo kelo hinyruok ni in iwuon kachiel gi jogi.

Ajuoga.


03-13-2000

Kuom Jagoro kata Nyar Kager,

Amor ahinya kod tich ma use timo. Ageno ni ubiro dhi kode nyime kendo wan bende wabiro konyowu.
Aneno ka weche mang'eny gin mag dak, mag thum, nyaka mag tet (tedo) kendo kata tuke. Mano ber ahinya nikech weche 'siasa' lilo seche moko tero ji mabor ahinya.
Wago uru mbaka materowa eyo mar mor, kwe, osiepe kendo dongruok. To bende nyaka wabedi gi pogruok - mano ema nyalo tieng'o wa kaka jorateng' kendo kaka nyikwa Omogi.
Erokamano Nyar Kager kuom kelo wendo !
An oganda,
Noel Okoth
noelkoth@mailcity.com


03-09-2000

SOMB JALUO
Jaluo dot kom awinji maler ndi engei mamalo ahinya. Ma wach maber. To gima omako dhako en barup jaduong' Ajuoga kuom somb jaluo. Tiegruok en gima ber yawa e pinje duto, obed jaluo kata mana wagunda. Gima onego wapenjre en ni 'bende nitie jok moko mane oyier ni un somoru mondo okony joluo? Ok awach ni konyo jaluo ka isomo rach! Chopo saa ma koro onego wapenjre kendwa ng'ato ka ng'ato ni an awuon koda a somo, koda ok a somo to akonyo jaluo nang'o?, ok gi ang'o? to eyo mane? Sama wawacho wach dongruok jowetena kik wadhi mabor, onge jok mane opiedhi ni nokel dongruok ne jaluo, en mana in kod an. Ka wachako gi nyathi kich moro e dalawa, to ka itimo solro (harambee) ne nyithi kiye e gweng'wa to achokora gi jogweng'wa mayom nikech mano ethum magoyo ei dalawa.

Wan joluo wasigu gowa koni gi koni, to sombwa ma ok 'kony joluo' kaka jaduong' Ajuoga neneno ema osekonyo jowa moko yude amal moko matin tin, ma oywayo go jowa moko bende epinje ma wantie oko kapango koni. Gima di akwau jodalawa en ni ka ineno ka jaluo moro ma osomo dhika gima bayo yo, to manyie jodongo, moko ariyo-adek owuoye kode. Dipo ka owinje maling'ling oduogo 'pacho.' To ka ogoyo kathirathira, to bende wawacho ni 'onge chiro ma onge gi janeko'. Bende janeko e chiro ok monwa go ohala e chiro gi jowetewa. E piny luo, a chon kata mana jachien bende ne inyalo dil!

Gima mora maduong' ahinya ka asomo jaluo dot kom en ni, wan e yoo, wachako wuoth. Wasedak misri, higni mang'eny kendo wang'eyo ni gima di konywa en jaluo kod jaluo kamoro amoro mawantie watudre wabed tol achiel mabor, wabed okumba ne jaluo mapod 'yom yom' wakonyre. Wadhi uru loka kanan. Onge ng'ato mabiro a oko, en mana jaluo ema nyaka telne jaluo, koda osomo koda okosomo, wuoth ochakore jaluo dot kom. Ka idong' chien ka chi ong'o ng'o to koro chuno ni wana ywayi. Ok ane yo moro kendo!

Twak mit ndi anaweu jothurwa gimago.

An Jaluo wadu,

Beta Obong'o.


03-01-2000

Jandiko,

 Agoyo erokamano ne tich maberni. Nyakalaga mondo omi tijni omed dhi maber. Erokamano ahinya.
 
Mboya

02-28-2000

SOMO MAR JOLUO OKOSEKONYO JOLUO !

Akelo NyaKager,dwokoni luwore kod weche masomo e barup Ker Opere monondiko tarik 26 dwe mar ariyo ka. Aparo ninotemo wacho ni Joluo osomo ndii. Paro ni osechanda ahinya nyaka nyoro asom weche gi e Jaluo dot kom. Akiya gima omiyo jokAjwang' oluoro adier. Akiya gima nadier otimonwa. NyaKager, adier ema:
SOMO MAR JOLUO OK OSEKONYO JOLUO NYAKA NYOCHA KENYA YUD LOCH. SOMO MAR JOLUO OSE HINYO JOLUO MOLOYO. Kapo dapenjie Joluo mangima kawuono ni onyisa gik moko ariyo kende ma Joluo mosomo osetimo ni Joluo. Ok apar ni nitie gimoro
mochomo yoo. Onge. Joluo mosomo osetimo timbe madongo e piny Luo masamoro wach somoni bwogo mana ringra abwoga. Jowa duto mose negi e piny Luo, nonegi gi Joluo "mosomo". Oke Godhiambo onegi nikech Joluo mosomo ne ok dwar mondo ng'ato ologi gi rieko mar telo. Dr. Ang'awa onegi kod Joluo mosomo. Ker Omori-Chif Adita mar " Daily Nation" onegi kod Joluo mosomo. Dr. Robert Ouko, ma wach thone ibiro romowago ka ndalo mabiro gi, onegi gi Joluo mosomo. Chif Mito, nonegi gi Joluo mosomo. Koro pwodha maler gima somo mar Joluo ose konyowa go. Nyisa dongruok e piny Luo ma jogo mose somo osekelonwa. Onge. Ja-od bura maduong' e Nairobi nyocha olero ni choke mag jomoko manose tho manego jowete gi nono onego kuny mondo oter e kotini. Nyikwa Ramogi Ajwang', wawere uru kod wach mar chokegi. Ka wadwaro chako kunyo choke, yawa, Nairobi bor. Wachakuru kunyo choke e Nyanza. Choke nitie e Nyanza ka .monego kuny
mondo oter e kotini. We uru wach choke nyikwa Ramogi. Wan kod choke malich ahinya. Joluo mosomo osehinyowa mokadho. Sani jomaketho telo mar Joluo gin ng'ano giri? Magi gin Joluo mosomo matelo osecho e wigi, makendo giparo ni ka ok gitelo to telo onge. Koro onego Joluo tang' ahinya. Nikech watiekore kendwa kapok wasigu ochopo. Kapok wadwaro jomahinyowa, onego wang'e malong'o ni jok mahinyowa, kata jok mose hinyowa, gin jowa-adier ema ber. Ng'e uru maler ni wan kod jotelo mandhoke, majomgundya, majomima, majorikni, majomalidhi, machangarara, marasiche, mayom yom, momemore ahinya. Tang' uru nyikwa Ajwang'. Weche ok yot kodwa. Non uru wach teloni maber ahinya. Wan gomamo sidede mang'eny motwo ni loch kata telo to githoe. Makapo ni iriwe nyimgi to "thuru ero". Onego wagol pil yath man e wengewa, kopok watemo golo manie wenge mar jomoko. Od JokaNyanam ochido, kendo olil maradier. waywe uru odwa kapo wasiemo ute mek jomoko mochido. Somo mar Joluo ose chudhowa ahinya.
Kamano e somo to kara somo rach yawa. Nyakalaga olag kuomu kuparo dongruok mar Joluo.

Ajuoga.


02-26-2000

Ero Kamano

Agoyoni erokamanao nya thurwa kuom dwokonwa dholuo. Nosechopo kamoro kanyo ma dholuo nosechako lalna. Koro kata kabudho loka higni mang'eny, gini michakoni biro miyo wiya ok wil gi dhowa. An jaluo moa Gem Uranga.

Nyinga to  David Reuben Ger, wuod Awiti Ger 


02-21-2000

KWAYO MARA KOR KA TIEGRUOK

Kuom Jochung' mar JOLUO.COM,
Amosou ahinya ka ageno ni un gi kwe mar Obong'o Were Nyakalaga. An eri
omiya muche pod ayueyo.
Gima duong' momiyo andikonu obokeni en ywagruok mara kodok ka wach mar medo tiegruok mara e okang mamalo to aonge yor nweng'o maber. Kuom sani an kod Certificate mar CPA-I, to agombo mondo adhi e University e piny mar Canada. Ere kaka unyalo konya un ogandawa mosekalo nam mondo an bende achop e okangno ?
Yie uduoka ka ulerona kaka unyalo konya.

An Jaluo ,
David Obiero Opondo
C/O P.O BOX 81651,
MOMBASA.
rdc@recoscix.com


02-18-2000

NYIKWA RAMOGI KOD DHOLUO !

NyaKager,
Atemo somo jaluo dot kom pilepile. To gima ayudo mawang'o iya ema;
Joluo duto mandiko ka chandre kod dholuo mane pok adwaro anwang'o.
Akwayi nikiyie to nwang' jaluo asili ma nyakwar Riat aswa, manyalo chungo
kendo piedho dholuo maber kapok iketogi e yamo. An koraseol kod somo dholuo mochotochot.
Hap Ruoth, NyaKager.
Ajuoga.


02-16-2000

Jaluo Website

Akelo, Nyar Kager,
Ago erokamano kuom website manyien ma ikellonwa.
Okang'eyo ndiko dholuo maber, lakini we atem matin.  Suggestion ma an tie go ma inyalo medo e website en ka inyalo bedo gi kama ji nyalo keto nyingi kod email address mar gi mondo ji nyalo temo rango ka gidiyud address mag osiepe gi ama wade gi mapok gi neno au loso go e muda mang'eng.
Mar ario, di nyisae kama da yud cassette mar Poxy Pressure manitie wendene mar "Dhako Kelo Wich Kwot" kod "Otonglo".  Adak Nairobi, to asetemo dwaro cassette ni lakini okanyal yude.
Carol


02-04-2000

Ayil Miwuoro...

Nyar K'Ochieng',

To mano kuma wach ni omoroe chunya miwuoro.  Daher nyisi ni agolora gi chuny achiel ni an kanyakla gi osiepena ma abiro nyiso wach mamit ni, wabiro miyi sapot kaka dwarore.  Med yawo wang' nyikwa Ramogi kendo item ahinya wachni ochopie kind oganda Luo mang'eny... kachiel, kendo kanyalore, gi owetewa duto tee mayudore ei piny mangima. An nyar Ugenya, Kager, dhoot ma k'Anyango, atiyo Narobi.
Erokamano.
Jayne A. Oyugi < joyugi@hotmail.com>


Nyar Kager

Amosi ahinya, I will not even attempt to write in luo. Just wanted to say
"You go girl".  The Jaluo.com site is fabulous. Keep up the good work. 
PS:  An bende an Nyar Ugenya, an Nyar Kager Oloro Twega Otamba maber.
Have a good day.
Sheba Odongo


02-02-2000

Atimo erokamano maduong' ni nyikwa Ramogi ma ochako gin maeni. To
nikech obiro miyo dhowa dongi kendo kitwa kod timbewa gaki e piny
mangima. Ngat mane ofwenyona Jaluo.com ok en  ja  Kenya kata ja Afrika,
to mana odiero moro. Aneno ka yawa moko ywagore ni dholuo tek, anto
amedo kwayou ni obed mana dholuo lilo. Ok aberie e dholuo ahinya to
agenoni jaluo kom biro konya.
    An wuod Uyoma, sani to antie Austria. Abiro tudra kodu tielo momedore.

Odhiambo Austine Radol <csac3017@uibk.ac.at>


01-28-2000

Dear Akelo Nyar Kager,

amosi! wade ga man amerka no ng'isa about site mar luo ni ma aneno ka timo
maber ahinya! an student e nairobi university, to nyocha for assignment mar sociology class, japwonj no miowa penjo ni wandik chakrwok mar tribe marwa, according to mythology. koro adwaro penjo ka eng'eyo chakrwok mar luo, story mar ramogi and nyathi maneno swallow bead etc etc, nikech daher ngeye, to akia rumo mare.

ero kamano, nyasaye obed kodi!

sharon


01-27-2000

Akello Nyar Kager
To inni Ijaluio mong'eyo dhowa manimba mamit kendo maliu maduogo chuny ka pi soko jokaDaudi.
To kendo iparo timo tim sironyo mong'ith ma dabed kodi machiegni todayogra kodi sidang'.
Nyakalaga mondo omed tayi idhiyo nyime kod lando thowa ni loka Ulaya kuro.

Aweyi gi matin gi
Ogude Gideon(Bsc. Inf.Sc(IT)Moi University),
Senior Data Manager,
CDC/KEMRI.
P.o Box 1578
Kisumu, Kenya.
Tel-254-035-22983
E-mail Gogude@kisian.mimcom.net


01-27-2000

Nade wuod luo.. An adwoko ero kamano ahinya kuam tich mitimo ya page mar Jaluo.com. Kawuono ekaahango limi kanyo ta adwoko ero kamano mathoth.

info@majama.com
inyalo limowa kar ka http://www.majama.com


01-26-2000

Opak Ruoth Jaluo,
Gima itimo en gimo duon'g e histori mar Joluo gi Africa ma ngima. Amor kodu
kabisa "and keep up promoting the Luo Culture"

Haile Okuku


11-16-1999
Whoever you are
thank you for such an idea of "Jaluo" but don't you think that it's a good
idea to make some interpretations for people like me who are not Jaluos.
this days in Kenya there is a jaluo christian song that's to hit in the
streets " wonuwathi X2 kayesu wonuwathi chemungima" or something like that
but folks like me just sing because it's interesting but dont know the
meaning. introduce an interpretation page may be in English or Lugha ya taifa

thanx
Joe
edutrain@nbnet.co.ke

Migosi Joe,
Awinjo wachni. Gima aneno ni itim en mani. Ka dholuo mitni, to mana kaka ne ikawo thuolo mar puonjruok dho odiero kendo oswayo bende nenore ni ing'eyo, koro sani onego ikaw thuolo mar puonjruok dhowa ni. Ininwang' ni en dhok mamit wacho kendo winjo sidang'.
Kwee
An Akelo, Nyar Ugenya ka Ger, "whoever you are" no to in ema ing'eyo kuma iayego. To bende ok othaga, anyar Luo, nyar lowo rateng'.
jaluo@jaluo.com

11-17-1999
Dholuo en achiel kuom dhok ma iwacho ei Kenya

Akawo thuoloni mar lero ne Rawera moro mayot mane obukore mana ka ng'ok rafuok mit chako monjo oganda manie jaluo.com ni kaber to mondo walokne weche duto gi dho oswayo kata dho ngere; en wach mar donjruok e gir jomoko kaok ogwelie, Omera Joe kiyie to mondo ichak puonjori dholuo to
kotekni to mondo in bende ichakie joe.com ma iwachoe mana dho-joe kende
mondo wan be ka wadwaro ng'eyo gima indike to mondo wapuonjre dhokno.

Kendo en mor maduong ni Rawerani ohero thumbe dholuo mano nyisoni ohero
dhokni en mana ni ok olonye ahinya. Kuom mano Nyikwa Ramogi kik chunyu
buogi mago gin e joma waluong'oni ASOT GWEND MUGA; madonjore e weche moko mana gi agoko. Kendo magi ema waluong'oni ACHUOGRA KA ITE; ka ng'ato gima owachi otamo to otemo mana ni mondo ji bende owinjie ni joe gini bende nitie, joe ni bende en nying jaluo adier?

Aduoko erokamano ne Akelo nyar Kager  kuom duoko mamit mane ondiko kuom wach rawerani. Mogik daher mar kwayo Joe mondo olok ane weche mane ondiko gi dholuo to nikech anto ok alonyie dho-ngere kata dho-oswayo ni maler.

 Ogello Mak'Okullo



11-12-1999
OKWE URU UDUTO NYIKWE RAMOGI AJWANG'

En morna maduong' ahinya kuom yudo abila ma jaluo nyalo winjoe weche
manyien kendo romo kod jowetene mamoko modakie tung'e pinje mopogore, to
moloyo en mar somo dholuo mano nyisoni warito chikewa kendo wiwa pok
owil kod nonro marwa. Kata obedo ni wan mabor gi dala kamano.

Adwoko erokamano ne moluor Migosi Mathews Anyumba Juma ma ose tuda kod
oganda mamoko e jaluo.com. Daher mar penjo jotelo mag chenroni ka bende
inyalo losie dir oboke kamoro ma oganda duto nyalo ketoe nonro margi. To
nikech nitie yawa mang'eny ma ok ang'eyo kaka anyalo yudo.

Mago kende,
Joseph Ogello Okullo
Arlesheim. Switzerland.

Migosi Okullu,
Mor maduong' kuom yudo barupi moa mana loka Switzerland. Mano piny ma awinjoga awinja to pok achopoe.
To wachni to wawinjo. Kendo mana kaka iwachono, wayiego, kendo wasemedo "NONRO". Koro or aora wachnino. Wabiro ketoni go kanyo. 
Kwee
Akelo, Nyar Ugenya ka Ger
jaluo@jaluo.com



                                Copyright © 1999, 2000 Jaluo.com
                                All Rights Reserved