09-30-2000
PENJO KORKA KWER
AMOSOU DUTO NYIKWA RAMOGI
AN KOD PENJO MATEK KENDO AKWAYO JOGO MONG'EYO KWECHE MAG LUO MONDO OKONYWA
NG'ADO RIEKO. PENJO MARA ENI NYAMINWA MA CHOGO NYASAYE OKAWO TARIK 25 DWENI E
DALA KAMA NENE ONYUOLWA KA BABAWA. GIMA TIMORE ENI MAMAWA KOD BABAWA BENDE OSE
THO,TO OWADWA BENDE NYOCHA OTHO HIGA MOKALO MAKATA NYATHI KATA DHAKO OK OWEYO.
NYAMINWA MA KORO OTHONI EN E CHOGO E ODWA KENDO NYOCHA POD KA OKENDE. GIMA
CHANDOWA EN KAMA: INYALO IKE KANYE TO NIKECH EN MIGOGO. KALUORE KOD PARO
MA AN KOD NYAMINWA MA A LUWO MODAK KODA SWISS KAENDI NENDE WAPARO KAWE MONDO
WADHI IKE E DALA NYAMINWA MA OLUWO MAR ADEK KATA E LOPENA MAN KISUMU, MA POD
KA OGER. NYAMINWA MA ALUWO TO OSE TIEKO GEDO KENDO EN KOD DALA MADUONG KA
ACHIEL KOD LOWO MADUONG!! KA NYOCHA WATEMO PENJO NGATO TO NYISOWANI JAOD
NAYMINWA MA MISUNGUNO BENDE NYAKA BEDIE CHIENG MAR IKO E DALANE MA KENYA.
NYAMINWA KATA AN WAN KOD NYITHINDO KEND WADAK SWITZERLAND TO NITIE KWER MA
NYAKA JI LUOR KENDO TIM KAKA IDWARO. GIMO MIYO ARINGO KUOMU NYIKKWA RAMOGI ENI
JO DALAWA OSE THO ORUMO MODONG GIN JOMA TAYO JI E MUDHO KENDO OK GIWACH ADIER,
KORO E MOMIYO A KWAYOU NI MONDO UDWOKA KA POK OROMO JUMA PIL MA WA DHIYE DALA
KISUMU, KENYA. DINE BERNUA AHINYA KA WA NYALO IKO CHOKWANO E LOPEWA MOLOYO
TERE KABURINI KATA E BUNGU KUMA JI OK ODAKIE. AGENO WINJO WACH MOA KUOMU
ATIMO EROKAMANO AHINYA NI JOGO DUTO MA OSE BEDO KA TIYO MATEK MAR TUDOWA E
PINY MANGIMA. AKWAYOU NI UNGUONA KA DHOLUO MARA NITIE KOD KOSA MOKO,
KATAKAMANO ASEBUDHO AHINYA KAPOK ANDIKO DHOLUO.
ORITU NYIKWA RAMOGI
BEATRICE ATIENO OKELLO/NYAR ALEGO KOGELO <beatrice.schnelli@bluewin.ch>
An nyagem Yala kod jagem Yala wayie gi mbui maru mar jaluo dot kom.
Akwayo mondo umiwa weche manyien e piny luo saduto. Wan sani wan
Mombasa ema iyudowa.
Owetena, Mirembe uru
Amor mar yudo mbui mar Oganda ei piny achiel niendi. Ato ipaka ni Okemba
Jakamreri, Agolo neno mond akumba mar jokoria no ugol ei lendo mond
uketi marwa . Neeuru kakoro ni piny Finland kae giparo nono ni mano e
marwa joluo.Neeuru ka walando mana Jo koria . Abiri neno lokruok ei yorwa
mar mbui nie.
___________________________________________________________
Mos kod Pak
Aoronu mirembe, mos kod pak mathoth nyikwa Ramogi kuonde duto ma untie.
Wan bende wangima dalagi Clinton koda Hillary osiepne. Yamo jaloko tinde
aneno ka Monica oling' mos.
Jokama aneno gi wang'a ma ayie ni ber oromo asunga. To ma kaka utudowa e yor
otieng'. Utimo maber jothurwa. Jaluo.kom en paro mamalo aneno ka uporonwa
gik machon ma wiwa diwilgo. Erouru kamano. An ka awuok ka to adhi chwalo
wach ni kar twak otudore.
Joab Zephaniah Magara
Boston, Amerka
Thuond weche, Oganda dwaro kony:
Mokuongo, aduoko erokamano kuom yawo dhod rieko ma uyawo ewi yamo. Sani
koro nyikwa Ramogi Ajwan'g nyalo bedo eduol ewi yamo. En rieko mang'eny.
Nyasaye omed moko.
To gima duon'g, kech ma kidho nyikwa Ajwan'g edala kaa emadwaro ni mondo
wariw wiwa waduto mondo wakony nyithindwa. Wouth mane wuod Alogo ochako
koriembo ombogo jarachar to Obon'go oome kapok otieko. Kama ubetie nyikwa
Ramogi Ajwan'g, par uru kendo. Ero yawuotwa tero dhia'ng modho, wakowgi uru
te mondo wakal olalo.
To kamibede par dala!
Pod wan e bungu.
MIYA PACHI! YIE IMIYA THUOND LUO MADONGO MIGAWO MAR 1-16.
Nyakwar Obonyo Kibadho.
KONYO CHIEN
Kuom James A. Siwo
Amor putu kuom yudo thuolo mar loso kodu. Gima utimo berna.
Katakamano daher mar loso iwechegi:-
SOMO
Un kaka jokanyanam man oko daher ni mondo ubed kaka jogam. Yie une ni
nyithindwa ma okadho penj to ok nyal kaw ekuonde tiegruok madalaka uyudnegi
yo ma ginyalo dhinyime kodo tiegruokgi kuonde ma untie.
Mar ariyo en sikunde mani ei luo. Sikundewa ok oger mabeyo nikech chan
ma jowa nigodo. Yie une kaka unyalo konyo sikundewa korka yo mar gedo.
Sani wanyalo wuoyo ekor yamo nikech nyakalondo miluongo ni computer.
Ka wanyalo konyo sikundewa kod nyakalondoni to dan’g bed maber ahinya.
OHALA
Iwacho ni jaluo ohero weche mag kedo ne piny moloyo ohala. Sani
mwanduwa machalo kaka Rech, olembe,(pineapple, etc), sukari, gik michweyo
kaka agulu, adita, okapu gi mamoko ogendini moko ema oro
epinje maoko! Mani ok gerwa kata matin!!
Daher kwayo ni nyiwa giyawuotwa man oko mondo omany chirni ne mwanduwagi
mondo yawa one kaka ginyalo terogigi oko mondo wabedgi mwandu.
THIETH
Waduto wan’geyo ni ei Kenya watelo ne ogendini etuo mar ayaki kod tuoche
mamoko.
Akwayo yawa man oko mondo omakre gi jomanigi n’geyo etuoche mopogore
manyalo konyo ogandawa. Ka wanyalo chako riwruok machalgi Lions Club
kata Rotary Club mar waindi to aparo ni wanyalo neno kaka diwageng' tuoche
matieko ogandawa.
MIGAWO MAR NGO
Wan’geyo ni piny owacho konyo jopiny otamo. Pinje maoko sani ok ter
pesgi ne piny owacho nikech gin’geyo ni pesago biro manadonjo ekiroho mar
joma otenore gi telo maduong'.
Wan kaka jokanyanam wan kod riwruok ma ok otenore gi piny owacho (NGO).
NGO yudo kony koa kuom solro manie pinje maoko.
Daher kwayo jowa ma oko mondo utudwa gi joma nyalo miyowa solro manyalo miyo
yawuotwa kod nyiwa man gi NGOs mondo okony thuchewa.
Mogik, erokamano amedonu kuom keta kama wanyalo romoe kawamedore paro mar
gero ka Ramogi Ajwan’g.
Yie uorna HONNI MANE OTIMORE EI LUO NDALO MACHON
MIGAWO MAR ACHIEL NYAKA APAR GARIYO.
En an momiyou luor,
George Banja.
Penpals/Lonely hearts column
Be ing'eyo kaka yudo mon keta chwo tinde tek? Yie mondo uchaknwa
'column' ma wanyalo wuoye gi joma ni kendgi ka wan. Duoka e
kodede@yahoo.com
