JOKA-WANGO

Nyikwa Ramogi kawuono ayudo penjo mowuok kuom Mig. Joab Apollo kuom wach mar Joka-Wango. Openjo ni Joka-wango en ang'o kata gin ng'a gini?

Dwoko: Joka-Wango gin anyuolawa mane oriwore gi mwache modak malo Mumias, gi dho-Abaluhya to iluongogi ni joka-Nabongo (Mumias Nabongo Wanga). Gin joka Mudama mane odhi ogerore ei mwache. Moko wacho dholuo, moko bende okikore wacho dho-Maragol.

Wanga en wuod Amolo to olal ei mwache nyaka sani; en owadgi Le, Omia kod Marama; Marama to sani wacho-Maragol (joka_Kombe). Kata kamano gin joluo molal. Wanga wacho dho-Mumias. Kuom mano jok'Amolo gin; Wanga, Marama, Le, Omia, Turi kod Owila. Turi ogero piny Odemba Kagose mane okedo ne joluo ahinya, Turi sani odak Tanganyika, Owila ogero Uyoma., Wanga odak Mumias, Marama odak Kakamega dalagi Martin Shikuku. Le gi Omia ogero Asembo.

Joka-Wango gin Joluo molokore mwache kendo sani gidhum. Kuom mago duto agenoni nyikwa Ramogi ma moko bende biro yudo puonj kuom wechego, adwoko erokamano maduong' ahinya ne Mig. Joab Apollo kuom penjno.

Mig. Ajos wuod Atiga
Wuon Abila, Jaluo dot Kom