KANYADA

Kanyada gin oganda mage? Ere kaka nochakore?

Mano penjo ma Mig. Odhiambo Omolo wuod Rongo dwaro mondo oyud dwoko mare eyo mong'ith, kuom mano akawo thuoloni mondo aler tiende kaka negichakore ero som kodwa Nyakwar Ramogi!

Anam Lwanda onyuolo yawuoyi ang'wen; Boro, Ger, Ragak gi Ralek.

Bang' tho Anam Lwanda to noweyo ka wuode maduong' miluongoni Boro osegoyo dalane, omiyo yawuote duto nodong' e dala Boro kaka owadgi maduong' ma koro odong' e lo wuon. Ka noyudo gidak kanyakla gimoro notimore machal mana gi mane otimore Lira chande. Nyathi Boro nomuonyo tik Ger, kendo Ger nochuno Boro mobaro nyathine ma gigolo tigo, nyathino notho. Mano nokelo sigu maduong' ahinya ekind yawuot Anam Lwanda.

Ragak gi Ralek noringo oweyo dalano kaluwore gi gombo mane osetimore e kind Ger kod Boro. Kane gisedar Ragak nodhi e dala Miyawa kendo noloke kaka misumba (omwasi). Ralek to nodhi milambo gi chiege achiel miluongo ni Nyada mano ema oloso gweng' masani iluongoni Kanyada.

An mogenou,
Mig. Ajos wuod Atiga Ny'Ochola
Wuon Abila, Jaluo dot Kom