03/18/2006


WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


;Hit Counter


MUHORONI
Jaod bura ma muhoroni Mig,Ayiecho Olweny, nyoluwo ni jotelo mag riwruok ma idendoni O-D-M(Machunga) chano mar timo nganyo maratipo e gwengego ma Nyanza. Maa bende tiende en dhiro piny owacho mar N-A-R-C(Lihudu) mondo omi okaw ondamo ne achich moko ma iparoni gin jonjore ma piny owacho onyiewo koa e piny mar Armenia mondo obi oneg Raila.

KASIPUL-KABONDO
Jopuonjre ma bende idendo ni community health workers, nyoro oyudo sith ma kende e magawo moro ei Oyugis. Jopuonjre gi ma biro puonjo oganda ma egwenge go e yor ritruok kod tuo mar ayaki (AIDS) yande osir kod riwruok ma ok mar piny owacho (NGO) ma bende idendo ni Jam Christian Intergrity Project. Yande okwanyo rawere mawuok e oluora ma Kasupul divison,. Ma bende nyoyuoro chenro go nye gin D-C, D-O, kachiel kod jalo ma ochung ne thieth egwenge ma Kasipul

KISUMU
Oganda ma temo mondo oyud oboke mar japiny kata Identity card nyo bedo kod ngur esama nye gifwenyoni kata osebedo ni piny owacho yande oseyawo chenro no ma onge omuom ma ichulo, jotich  piny owacho ma ekar kepo ma Pand-pieri  pod kawo omuom oling mia achiel kuom ngato ka ngato. Katakamano ka ngyo ong’ong’ jotich piny goeko, nyegi kwer ni ngang’ ok gikaw omuom kata matin.

HOMA-BAY
Lakteche ma e gwenge ma Rachuonyo ,sani koro opedho nonro maratipo mar temo nono tuo magalagala ma yande osenego rawere ariyo, Evaline Aoko kod owadgi Brian Odongo egwenge ma Lela. Min rawerego Mik,Dorsila Atieno, pod nie kind Akuru ga Asumbi  e od thieth ma Homa-bay district. Ruoth gweng Mig Nyangori Ogada osepuoyo ahinya tich ma lakteche temo tiyo e gweng’ noero.

HOMA-BAY
Weg nyamburko moa e gwenge ma Mbita kod Homa-bay sani osesiemo ni gibiro ng’anyo ka obila ma e apaya ma Homa-bay nyaka Mbita ok nyalo weyo kawo omuom kuom gi kata gionge ketho. Bende nye gi medoni nitiere obila moko ma gingeyo mayande tiyo e gweng’ ma Magunga ma dho gi mit kuom kawo asoya  to sani nyocha owilgi Homa-bay.

RACHUONYO
Jopuonj ma dirom alufu ariyo,osefulo ni giparo mar weyo riwruok mar K-N-U-T bade ma Rachuonyo kaluwore kod mibadhi ma giwachoni  ongirore e riwruokno. Kabende gisiemo chenro mag loso ik ne jopuonj ma bende idendoni B-B-F gi e seche gi ose lwar. Katakamano temo tudruok kod jalo ma en jagoro e bad burano ma Rachuonyo ne ok nyalre ni kech otuo kendo en e od thieth.

MASENO
Bwok nyotweyo od lamo ma St. Phillips Nyabera e sama wendogi ma oyiedhi neochung’ kendo ochiwo ywagruokni chiwo mar sadaka ma olandi opogore kod chiwo mane ogolo,ma bende ne mia achiel to oland mana piero abich kende. Katakamano jakweno ok ne nyal hulo ayanga kuma omuom moko ne odhiye.

 
An ja fwamb weche Eliud Audi.


   
Joluo.com

Ka in gi mari moro ma di wandik ka to orni
Akelo nyar Kager, kata wuon Abila, kata Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved