03/19/2006
WECHE MOKADHO
JEXJALUO ****
;
KISUMU
Jood bura ma wuok e Nyanza, ma otenore kod duond bura ma
obalo kod piny owacho ma idendoni ODM (Machunga), nyoro ngeso opedho
ng’anyo
maratipo e boma ma Kisumo. Ng’anyoni ma nochakre saa ariyo okinyi e
chiro ma
Kondele kendo no kere e gwenge Kisumo
Siti. Tiende en temo dhiro piny owacho mondo omi oriemb
achich moko ma
iparoni piny owacho ondiko kendo nyocha otiyo godo e monjo ut fwambo
weche mag
(standard kod K-T-N) e boma ma duong ma Nyorobi. Mabende oyuoro
ng’anyono gin
Mig. Raila Amollo Odinga ma Langata,Ayiecho olweny ma Muohoroni, Gor
Sungu ma
Kisumo Siti kaachiel kod Anyang’ Nyongo ma Kisumo Karateng’.
KISUMU
Jaduong luo Mig. Riaga Ogalo kod jagoro mar Luo
Council of Elders Mig. Adera Asawa, sani
osesiemo piny owacho mondo owe mieno jotend luo koda chilo mar mibadhi.
Bende
nyogithiaro ni dine onge Mig. Raila Amollo Odinga mane owachoni kibaki
tosha e
kinde ombulu ma higa alufu ariyo kod ariyo,ker Kibaki dine ok onyono
loch.
Kendo gimedo ni kambi mar loso kuong’ ma bende idendoni
Mollasses, ei boma
ma Kisumo yande onyiew kuom pinyowacho e yoo ma ratiro.
RACHUONYO
Lakteche matimo nonro e gwenge ma Kasipul divisen ei
Karachuonyo, nyogolo yuak ni kata obedoni tuo mar ang’iew otwere
e
gwengego kendo osenego ji abiriyo, oganda ok ter jotuo e ute thieth .
Ka
giwachoni kit luo ok oyie golo jotuo mag ang’iew oko mar ot kendo tiyo
gi yedhe
ma ok mag kit luo, lakteche gi ma odhier nono nyomedo kwayo ogandago
eko mondo
oyie odhiya-adhiya e ut thieth nikech piny owacho osenyiewo yedhe
ma
thiedho tuono kendo nitiere e ut thieth.
Jajuok moro nyodhi iro min Omollo Kanyunja e otieno ma tich ang’wen. Kata kamano weg dala ma rawere motegno nyoro ong’we tipone, mit giluwe. Ee seche manye weg dala ogolo kode aputh njiri, uno motwe mar moyo nanga oko nyong’awo ngute, ma oruombre piny elela sikwap. Weg dala manye odhier nono nyotoye mana nyiero. Koro nye giweye maok gigoye kata matin. To nye gisieme ni kik oduog ido e dalano kendo. Min Omollo to pachone ni Marera, ei Karateng’.
Jafwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.