03/23/2006
WECHE MOKADHO
JEXJALUO ****
;
KISUMU
Riwruok ma ok mar piny owacho kata NGO ma dendore ni OSIENALA (osiepe nam lolwe) nyo ochiworeni gibiro siro puonj ne oganda ma wuok e Nyanza eyor rito aluora mag gwenge ma Nyanza e bwo chenro ma idendoni ENVIRONMENTAL EDUCATION. Kanye otwak ne galamoro mag jopuonj ma Nyanza e boma ma Kisumo, jalo matayo chenro mag riwruok noero Mig Obiero Nganga, nyoluwo ni wachni en achiel kuom chenro mag kelo dongruok e gwenge ma Nyanza kor ka somo ma bende yande osefwenyore ayanga ni gwenge ma Nyanza ok osebedo katimo maber kaopim kod gwenge ma moko e pacho mar Kenya. Twagni nyolos ne jopuonje ma wuok e Nyanza e yor temo nono kaka di thul somo e gwenge ma Nyanza.
HOMA-BAY
Jopur mag pamba e gwenge ma Homa-bay, nyoyudo kothe mag pamba manye ochiw kod piny owacho. Kama bende en chenro ma piny owacho temo chiero pur mag pamba mayande osepodho kuom higni mathoth. Kanye giduoko erokamano, achiel kuom jopur Mig Nehemia Osike, nyomedo kwayo piny owacho mondo otem olos nengo mar pamba e chirni ka owachoni nengo man piny mar pamba ema osemiyo jopur ok nyal loso puothegi e yoo ma kare. Bende koth oduma nyo ochiwnegi ka otenore kod kech mayande okwako gwengego.
RACHUONYO
Migawo mag thieth odiochieng ma kawuono chanjo oganda e gweng ma Kakelo ei Rachuonyo. Ma lure kod ng'engruok mar tuo mar aruodhi e gwengego ma bende osenego ji abiriyo e kinde ma osekadho. Kanye ochiwo lerni kansila ma e gweng'no Mig Oyieko nyokwayo oganda mondo owuog kar rombgi mondo omi giyud chenjo makamano ma ok chule otonglo kata matin.
KISUMU
Jaod bura ma kisumu ma milambo Mig Gor sungu ,nyokwer enyim doho maduong ni kata obedo yande otelo ne nonro mar mane oselal Mig Robert ouko, ne ochiwo mana leche mane oyudo kuom joneno ma ok omede mare. Ma luore kod donjo mayande odinjne kod Mig george Oraro ni nohangne wach ni ongeyo tie tho mar Mig Robert Ouko. Doho maduong' osechoro mbele odiochieng' ma burano biro dhiye mbele.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.