03/31/2006

WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


;Hit Counter

WECHE MOA e GWENGE  ma NYANZA

NYANZA
Riwruok ma ok mar piny owacho ma dendoreni Red Cross Society, pod dhi nyime kod pogo kony ne oganda ma yande oula oyweyo utgi e gwenge ma Miwani, jua kali estate.Ma nyo olu kod jal matayo chenro mag riwruokno e gwenge ma Nyanza Mig Philemon Majiwa. Ka bende nyegi pogo oduma madirom gunde mia achiel mayande ochiw kod piny owacho. Bende yudoreni piny Kenya pod ni kod rem mag kony kalure kod oro mayande obetie chakre dweche auchiel ma osekadho. Magi nyoler kod jal maochung e lo riwruok mar United Nation Food Program e Africa ma ugwe Mig Rodrigo Rato.

NYANZA
Obila e gwenge ma Nyanza sani koro manyo ringre jolupo adek manye onimo e nam Lolwe otieno ma nyoro. Ler manye ochiw kod achiel kuom jolupo go Mig David Ndege]nye leroni yie jolupo go ne otuomore kod yie mar jolupo ma wuok e piny libamba ma Tanzania saa aboro otieno ma nyoro.

NYANZA
Riwruok ma ok mar piny owacho ma dendoreni OSIENALA sani oseyawo thuolo mar tiegruok ne sikunde mag primar kaachiel kod secondar e tind rito alwora mar pi. Bende giseketo chenro mag tero jopuonjre e chulni ma opogore  opogore e dhowath nam Lolwe kalure kod chenrogo.


HOMA BAY
Jal ma ochu'ng ne chenro mag riwruok ma ok mar piny owacho ma dendoreni AMREF,nyosiewo jogo matayo chenro mag rito nyithi kiye mondo omi okwa manyonge e riwruoknoero. Ka bende omedoni riwruok no osebedo ka chiwo kony ma dirom milion a'ngwen  ne migepe ma opogore ma rito nyithind kich e pacho ka, jalni nyoyudo twak e romo mar galamoro e kar idho nyamburko ma Homa Bay esama nye riwruok moro nyoloso nyasi mar puojo oganda kuom ritruok kod tuo mar ayaki.

NYANZA
Piny owacho sani oseluwoni tuo mar a'ngiew koro osemuoch e pacho ka . Kanye olero wachni laktar James Nyikal nyoluwone oganda duto mondo obed kod hikruok kendo ochopi e ut thieth mapiyo esama gichichni tuoni odonjo e kindgi. Kendo omedoni piny owacho ni kod hikruok makare mar dhawo kod tuonieri. Bende yudoreni tuoni yande osethinyre e gwenge go ma Rachuonyo e kinde machiegni ma osekadho kendo lal kod  ngima rawere abiriyo.

KASIPUL
Bura ma tayo chenro mag dongruok e gwenge ma Kasipul sani osechiwo manyonge madirom milion apar kod a'ngwen ma ibiro tiyogo e yor kelo dongruok e gwenge goeko. Omuomgi nyochiw e lo jaod bura makono Mig Paddy Ahenda ma bende nyoluwoni en owuon ema obiro nono chenro ma ibiro tigodo kod manyonge gi eki.

KISUMU
Joohala e boma Kisumo kawuono chano 'nganyo kagikwedo chenro manyien mag solo osuru e pachoka ma bende idendoni Tax Register ka 'ngenygi luwoni ok owinjore kodgi kata matin. Bende nganyo makama biro timore e gwenge ma opogore e pachoka kuomgi Nyorobo, Nakuru kod dho wath chumbi ma Mombasa.

NYANZA
Riwruok ma dendoreni RE-AGROFORESTRY sani oseyawo chenro mag puonjo oganda ber mar pidho yien e gwenge ma Nyanza ka bende chenrogi osechakre e gwenge ma Nyakach  kod Rachuonyo. Chenroni bende osir kod riwruok ma ok mar piny owacho ma dendoreni Swedish Coperative Center.

RACHUONYO
Buch dongruok e gwenge ma Rachuonyo sani osedwoko manyonge madirom milion apar  kod a'ngwen e aguch piny owacho ka luwre kod ikruok mane ok gi ikore mar tiyo kod omuom gi esechegi. Omuomgi maneonego ger godo distrikt ma duong’ ne oduok nikech jobura go ne ok otudre e sama kare kod jogedo.

WECHE TUKE

Tim mar adhula ma dendore ni Gor Mahia, sani osego fwayi madirom alufu piero adek kod mia abich nimar ne giketho ratiro mar tuk adhula e sama jopakgi osebedo ka kelo tulo e tukegi maodhuro. Kata kamano jakom mar timnoero Mig Erastus Okul osekwedo ratironi ka owachoni jopak e ma oebedo ka kelo tulo ma ok jo tugo.



Ja fwamb wechegi en Eliud Audi.

Joluo.com

Ka in gi mari moro ma di wandik ka to orni
Akelo nyar Kager, kata wuon Abila, kata Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved