04/03/2006
WECHE MOKADHO
JEXJALUO ****
;
NYANZA
Piny owacho mar France sani osesingo omuom ma dirom bilion achiel nukta abiriyo ne munispal ma Kisumo, ka omuom ni ibiro tiyogo e temo thulo chenro mag kambi mar keyo pi kod minyaga ma dendoreni Kisumu Water and Sewage Company mae boma Kisumo. Bende omuom ma dirom milion mia adek kod piero a'ng'wen osechiw mondo omi ochak godo chenrogoeko. Magi oseler kod jatend migawo Mig Raphael Wanjala.
NYANZA
Duke ma otiap nyoro olor e boma ma Kisumo kaluwore kod ng'anyo manye otim odiochieng ma nyoro kod jo uso e pachoka ka gikwedo chenro mar solo osuru ka itiyo kod masin mabende o'ngere kaka electric tax register. Kata kamano piny owacho to onyonore manani nyaka ti mana kod masindnoero nimar jood bura ne osepwodhe. Kendo bende ose mi jo ohala thuolo mar higni ariyo ma osekadho mondo omi gibed kod hikruok mar tiyo kod masindnoero. Kata kamano pod nitie bura e nyim doho maduong' mane odonj kod weg ohala moko ka kwedo chenro mag tiyo kod masindnoero.
NYANZA
Kembe ma rego niang' e gwenge ma Nyanza sani osekwa mondo gibed ka gisiro chenro mag rito alwora mag gwenge ma gitiyoe. Magi ywach moa kuom Mig Evans Kidero ma bende tayo chenro mag rego niang' e kambi ma Mumias.
HOMA/BAY
Jotelo ma e gwenge ma Nyanza ka otelnigi kod Mig Philip Okundi,sani osechayo ahinya tim njore ma sani ongirore e gwenge ma Nyanza,ka bende gisiemo gwenge kaka Marindi, Rangwe, Rodi Kopany ka gwenge makoro njore otimoe newa matamre gi nono.
RONGO
Jaod bura ma rongo Mig. Ochilo Ayako, nyoro okwayo piny owacho mondo oyie oruch gowi ma kembe ma rego nia'ng nitiere godo esechegi. Abende omedoni kembe ok nyal tiyo e yo makare nikech piem kod sukari ma igolo e pinje ma oko mabe oseketho ahinya nengo mar sukari ma iloso e pachoka.
HOMA BAY
Migawo mar rito chiayo kata (livestock ministry)sani osechako chenro mag nego guogi mag sudhe ka luwore kod muoch mar tuo mar swao (rabies) e gwengego ma Sofia, Shauriyako kod Makongeni ei boma matin ma Homa Bay. Chenrogi osesir kod Mig Stephen Maina ma tayo bad migawono e gwenge ma Homa Bay.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.