AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

KISUMO
  Jal maochung' ne migawo mag gige machon kata 'Minister of culture'migosi Suleiman Shakombo,oselero ni piny owacho e bwo migawono mar gige machon oseketo tenge manyonge ma ibiro tiyogo e gedo mar od kano gigo machon ma bende ong'ere kaka Musiam e boma ma Kisumo. Nyoriko otwak e nyasi mar neno gige machon e boma ma Kisumo odiochieng'ma nyoro.
  
NYANZA
Oganda mawuok e luo nyanza, oseseyo ahinya jotelo mag siasa mawuok e gwenge go mondo omi oti kanyakla e yor kelo dongruok e luo Nyanza ma ok mana dondruok lilo.Oganda gi nye wuoyo kaachiel- kaachiel kod jofwamb weche e gwenge ma opogore opogore e luo  Nyanza. Bende wi twak nyoro onwang'o ni somo e gwenge ma Nyanza ok nyal chopo e ondamo ma owinjore e kinde ni kalure kod medruok mar tuo ma koch mar ayaki kata 'Aids' e gwenge ma nyanza.
  
OYUGIS
Obila e gweng' ma Koyugi okinyi ma kawuono ne omako rawere moko ma nie sikund tiegruok moro e gweng' no kaowuok e danje kata 'Disco'. Rawerego nyaka gi esechegi pod nie od ang'ech ma e gweng'no ma Koyugi.
      
NYAKACH
Riwruok mar jodong gweng' ei Nyakach kocha, nyoro oseyo jotend bura ma obalo kod piny owacho ma ong'ere kaka 'Liberal Democratic Party' mondo e kinde ni magichomo yiero jotelo kik bed kod tim mar chuno oganda kod yiero jalo ma ok gin godo kod geno kaka gisebedo ka gitimo e kinde ma osekadho, ka gimedoni jogi e kinde mang'eny ok osechopo singo margi kod oganda . Nyegi twak e lo jagoro margi moluor John Rasaru Gome.
  
MIWANI
Doho moro e boma ma bwore,osechungo uso mayand osepang mar puothe mag kambi ma osepodho ma ong'ere kaka 'Miwani Sugar Company' nyaka chop e winjruok chieng tarik piero ariyo kod aboro e dweni e nyim doho no. Puothe gi yande oselos chenro mag uso mag gi tarik apar kod adek e dweni.
  
KISUMO
Riwruok maotenore kod dund bura mar Liberal Democratic Party e gwenge ma Nyanza ma bende dendore ni 'Lakeside L.D.P' ose poro duond jaod bura ma Lang'ata mabende en jakanyo mar burano migosi Raila Amollo Odinga ni chenro mag yiero  mondo orenj mana kuom jokanyo kata 'Delegates' , mabende obalo kod oporo maigoyo kod jakanyo machielo migosi Kalonzo Musyoka. Paroni nyochopie kod jokombe dwond burano ma okwako gwenge ma Nyanza.
  
SUBA
Piny owacho osepuodho komiti moro mondo omi ochop e gwenge ma Lambwe kod bunge ma Kodera mondo otemare timo nonro ne muoch mar maugo ma osebedo ka kinde ka kinde monjo gwenge go. Komiti ni oriwo jokanyo mag piny owacho kanya-achiel kod jokanyo mag riwruok ma ok mag piny owacho kata NGO.
  
HOMA BAY
Jal ma ochung' e lo migawo mar somo e gweng' ma Homa Bay migosi Habraam Ruto,osechiko jolimbe mag sikunde kata 'School Inspectors' ma e gweng' no mondo ochop e sikund primar maong'ere kaka ' Wiga primary school' mondo otim nonro kuom wach mawachore ni yande japuonj maduong' ma tayo sikundno otimo tim mar anjawo kod japuonjre ma ja kilas ang'wen mabende jahigni apar kod ariyo. Kata kamano japuonjnoero nyo ok oyudre machiegni nikech monj mayande jonyuol osemonje go e juma mokalo mit oringo olal nono.Bende wachore ni yande osechiwo manyonge madirom alufu piero ariyo ne jonyuol nyano mondo omi giling' kod wachno.

KANYADA
Rawere ariyo nyoro ong'ielo orengo e sama nyegi goyo abal e wath moro ma ong'ere kaka 'Nyambare' ma e gwenge ma Kothida. Rawere gi nyomoko e kut mit ging'ielo orengo ka nye ng'ato ok oyudogi kendo resogi. Ringre gi nyoseter e kar keno. Ler ni osehul kod ruodh gwemg' no migosi 'John Omano'.
  
  HOMA BAY
Yudore ni jowuoth ma wuok kendo dhiyo e gweng' ma Homabay pod medo mana bedo kod pek mang'ula kalure kod chwodho ma osetweyo apaya ma dhi e gweng'no bang' koth ma sani burore nyowuyo e gwenge ma Nyanza.Masira kakama ose ketho ahinya chenro mag wuoth e gwenge modhuro e luo Nyanza kalure kod chenro ma ok ni kare mag loso apaya e gwenge ma Nyanza.
  
KISII
Masira marach mar ndara nyoro otimre e odhiambo ma nyoro e wang apaya ma e gwenge go ma Keroka. Kata kamano nye ok oyangre e lela gi esechego kwan mag jowuoth manye onindo e badgi.
  
KISSII
Obila e gweng' ma Kisii gi esechegi osepedho menyo ne jonjore moko manyocha omwocho kod musdola mit onego jariemb nyamburko moro manyocha oriko oting'o ringre jal ma osenindo kaitero e gwenge ma Homa Bay. Masirani wachre ni otimre e sama jonjorego ne odino ne nyamburko no wang' apaya mit jariembo otemo dok gi katoke e sama ne okwoye kod magina e agoge mit otho tikli.Ringre jariembo no nyoseter e od kano ringre ma 'Rangema Hospital'.

Weche gi ofwamb kod Eliud Audi  

Ka in gi mari moro ma di wandik ka to orni
Akelo nyar Kager, kata wuon Abila, kata Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende, iwinjo?

Inyalo oro twak kod weche manyien ne: Mig. Ajos wuod Atiga
WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK