11-14-2000
JALUO.COM
  • WECHE MOKADHO
  • AGAJA
  • KUYO-  *****
  • BARUPE  
  • WECHE DONGRUOK
  • MBAKA
  • NONRO
  • JEXJALUO
  • NGECHE LUO  
  • THUM
  • TEDO
  • LUO KITGI GI TIMBEGI
  • NYIKWA RAMOGI
  •  

     

     

     

    Nwang' e-mail ka jaluo.com

    SIGENDNI LUO

    SIGAND NYOMBO E POLO

    Chon gilala le modak e thim noparo mondo gilos riwruok maber kendo mondo gibed e achiel. Wachni ne en wach ma thoth lee duto noyiego kendo ne gineno ni en gima ber ka koro gichako kendore mon. Gima ne pod chendo matin ne en oledhi ma lee moko ne nitieregodo.

    Ka winjruok nosebedo maber koro ne joka lee ochako bedo motegno kendo ne gidak gi kwe maber ahinya.

    Chieng moro mbuyi wuon thoro (usi) ne kwayo koluwo thoro mare mane opo kochopo yo polo. Wange nopo komako nyiri mabeyo kono omiyo nohero ni ber koloso gi jogi wat maber.  Ka mbuyi nodwogo pacho notero wach e kom bura mar joka lee kendo bura nokalo ni mano en gima ber ka mbuyi nyalo miyo gilos wat gi jo polo. Wach ma ne bet ka tek ne en gero mane nitire e piny jopolo. Okebe morito polo ne nigi mirima ma ger ma ka ikwinye to onyalo rodhi mi kee kaka mihudhwe ma yamo tero kipiedho cham. Kwiri mare ne ger ahinya!

    Jogi noparore ma ne giyie ni mbuyi nyaka nyombi. Ka ne oselos wuoth, mbuyi koro nodong ka ngat ma tere wuoth otame nikech bor mar piny. Lee duto nodagi ni polo bor mak mana Opuk wuon koti mane oyie ni ka mbuyi oyie tinge e thoro to obiro tere wuoth. kata kamano chuny mbuyi to ne ok orwake to nochune ni nyaka oyie.

    Opuk ne en ngat mane osewuotho alanda kendo nongeyo chike mopogore opogore. Nose dhii e thim moyugno ma jobilo achiel achiel ema ne nyalo chopoe. Nosewuotho nyaka e bwo pii piny, kuonde thidhna to gi lowo motwo omiyo ne en ngat mane ongeyo kweche mopogore opogore to gi chike mag pinje mane gigoyo godo tong. Opuk ne en ngat ma rahuma mokadho, mak mana oledho gi timbe mag mihia ema ne odhuro godo. Humbe nongere mana ni "Opuk jernimo ma wuotho alanda".

    Ka wuoth nogik, mbuyi ne oyie. Jodongo nochopo kendo ne gigwedhogi kapok giwuok. Mbuyi noyie tingo opuk e thoro mare. Kane gigik e yoo, opuk noparo kaka welo mag oche ne irwako gi koth chiemo mopogopre opogore. Omiyo nokone mbuyi ni "nyiwuodha be ingeyo chik polo?"
    "ok angeyo", mbuyi nodwoke. "Polo jii lokoe nyinggi, omiyo nyaka ikaw nying manyien". Ka ne mbuyi owinjo mano noyie aruya kendo nokawo nying "Wuon thoro". Opuk mane oyudo ongeyo gima otimo to nokawo nying oche. Wuoth nodhi polo kendo ne gitundo maber.

    E kar angich welo Okebe mar polo norwako wende gi nyasi maduong kabisa. Nokelo koth chiemo mopogore opogore. Kane pok welo ochako gago to nyiri mane okelo chiemo nowacho ni oche koro gaguru. "Iwinjo?" Opuk nokone mbuyi mari ma olos ne wuon keny pod biro. Mbuyi noyie mayom. Opuk nogago kendo noyieng andisa ka mbuyi to kech gwaro iye.

    Kinyne kane nyuka odonjo, opuk noruyore gi penjo ni "migago gi ukelo ne ngaa?". "Oche", ne gidwoko. Omiyo kendo e sani opuk eme ne ogago ka otielo nyoyo dhoge opong gi nyoka kopiro e bamne kendo oboyo agwata.

    Mbuyi ne iye owang kendo kane openjo opuk to rakoti nodwoke ni "ooyo wuod maa we ager denda in mari pod biro". Gikanyo mbuyi nowuok kendo noloso keny kende motieko kendo opondo gi thoro ne odok thurgi.

    Opuk kane ok oneno ka mbuyi odwogo nowuok rire piny kendo nokone ni nyiwuodhe osedhi nikech tim mar oledhi mane otimone. Opuk nochako ywak kendo gikanyo mirima nomako okebe mar polo moriembe matek kakone ni ok adwar ngat ma achach kaka in omiyo dog thuru ka pok adiemo.

    Opuk nochako paro ahinya gima dotim. Nomiyo wange mochako lwar. Nolwar dichiel. Nolwar, kolwar ma noparo ni ok obichako lwar kendo. Paaaaaa! Opuk nolwar e lowo ma dier ngye oyiech kaka onget mar kalara. Notuore kuom ndalo ma thoth ka nyamreche temo thiedhe. Kuom hawi maber nochango, mak mana kode ema nochango kobarore. Nyaka kawuono pod opuk nodong ka dier ngeye obarore.

    Siganani puonjowa bedo joma ber. Inyalo ketho nyingi sama tin mipoka koro kata jii orwaki e ogandau to ok girwaki gi chuny achiel nikech mbala mar kido marach mane inyiso. Kaw uru sigana kuom opuk ma olethe nomiyo dier ngeye obarore nyaka kawuono.

    Jagoro en Arreddo Nyang kibaa Ramba(arreddo.nyang@mailcity.com)


    Ka in gi mari moro ma di wandik ka to orni
    Akelo,Nyar Kager 
    jaluo@jaluo.com
    Daher winjo dwondi in bende, iwinjo?




     

    Waparo mar paro jotend Luo mosekelo pogruok e piny Luo chakre higa 1900 nyaka 1999 e gweng'u  kata ei Luo duto. Koro wakwayou uduto ni par uru ane jogo ma di uket nying gi ka kod weche duto ma ung'eyo kuomgi mondo uor ni jaluo@jaluo.com 

    WENDO MIWA PARO

                                    Copyright 1999, 2000 Jaluo.com
                                    All Rights Reserved