03/01/2006
GRANTS
WECHE MOKADHO
;
LANDO TICH MAR RITO PINY KENYA.
WUON ABILA.
TICH NITIE KENYA E HIGA 2007 MAR RITO PINY MAR KENYA.
Jopiny lando tich maber mar rito piny Kenya higa manyien 2007. Gik ma idwaro en ni nyaka ibed ja higa 35 kadhi nyime.Kendo nyaka ibed ngat ma timbene ose bedo kaber,ok in jakuo kata jamriambo kata jamaundo kendo nyaka ibed jakenya.
Nyaka ibed ni ingeyo somo kendo ndiko dho wagunda bende iwinjo kendo inyalo ndiko maber kod osuayo bende nyaka inge kendo inyalo wacho kendo ndiko. Chudo biro bedo maber ahinya, ibiro yudo ot nono, ibiro yudo nyamburko kod jariembo mongith ibiro miyi kendo jorito mag ogul mama man kod bunde biro bedo ka riti maber seche duto otieno go diechieng wegpiny biro miyi. Kain kod riwruok maber mar Dongruok kendo ibedo achiel jokanyono ma piny ongeyo kendo inkod opande ma Kenya kendo ise dak maber mapok ibedo kod tuo maloko paro mari kata neko ne osemaki kendo in kod kama intie ma odhiali kaka jakanyono ma kar dhialno bende Nanga nyaka bed ni ongeyo.
Nitie jok ma kik keth sechegi ni dwaro tijni. Achiel kuom jok ma ok dwar etijni en ni NE ISE BEDO JAKANU SANI KATA NDALO MAOSE KADHO, ISE BEDO JA LDP NDALOGI KATA NDALO MAOSEKALO,ISE BEDO JA DP NDALOGI KATA NDALO MAOSE KADHO,ISE BEDO E FORD KENYA KATA FORD PEOPLE SANI KATA NDALO MA OSE KALO,IN WAT JOKA KENYATTA EYO MORO AMORA KATA WAT MOI EYOO MORO AMORA,IN WAT KIBAKI EYOO MORO AMORA, ISEBEDO E RIWRUOK MAR MAUNDO MAR KWALO OMUOM MAR PINY,ISE BEDO EKENDO MORO AMORA NYAKANE KENYA YUD LOCH 1962,OK ISE RIWORI KAKA JOMAUNDO MOA EGOT KENYA KOD TIMBE MAG ANJAWO MA JOPINY OK OYIE GODO KAKA KAWO LOPE KATA MAYO JOCHAN.
GIGEGI KENDO POD OK ICHAMO ASOYA EYOO MORO AMORA .
Oboke mag dwaro tijni,biro yudore ka jopiny ose neno ka inyalo rito gi.Ibiro wuotho koni gi kocha ka inyiso jopin ni inyalo rito gi eyoo makare.Ngato angat ma timbene oriere nikod thuolo mondo oyud tijni.Onge wach mar Osiep ,jothuru kata jogwengu kata jokabindu kata oganda maru to timni ema miyo ibiro yudo tijni. Bedo jatelo onge ngat mane onyuol godo, bende bedo ni ngato nikod pesa omuom ok ochuno ni en ema nyaka orit piny. Thoth jomuando ok gin jokma ohero ji to gin kod achaya e chuny gi . Thoth jomuando ne ok oyudo muandu go eyo maber to jomoko ne gin jomecho kendo jomaundo to ok giduto ne gin jomecho to nitie jok mane otiyo atiya matek magi yudo muandu jok ma oyudo muandu gi yo moriere
gin jokma beyo kendo githothoro konyo jowadgi thoth gi ok ochayo ji.Koro tich ero koro biro, jopiny oter jok ma thuondi ma jo adier mondo otelnegi.
Erokamano uru joka Nyar Nam.Nyasach Omogi Awando Otelnu Uyier jok mabeyo to ok jokma wuondo jopiny.
Jandikoen
Odhiambo Omolo Jakamagambo (KoderoBara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.