03/20/2006
GRANTS
WECHE MOKADHO
;
MON ARIYO MANE LARO DICHUO.
Chon gilala ne nitiere japith moro mane nikod mon ariyo. Ngatni ne ok ongeyo kaka idak e doho.Kata kaka inyalo rito doho.Hawi marach ni Ngatni ne en ngat ma oyudo tiegruok maber ma bende piny owacho bende ne chaloni oluore. Jopiny ne Odhiale ma omiye tich mondo obed ruoth orit piny. Nenore ni Kongo mar Amuna kata Achuaka kod yiend abara bende ne ok rachne ahinya. Chieng moro kane omer sidang to opo mana ka chiege maduong kwero dhako matin ni in ok ne onyuomi to ne in mana jabayo maduaro chiemo to Chuore ka ne owinjo wachni to ne ok oduoke to ne oluongo jopiny ka onyisogini en mana kod dhako achiel machielono chalo ni ne oromo mana kode kwonde ma imadhoe Kwong.Kare hawi maber ni kaka dhako matin ne oyudi eyor chode oyudo ich kod chuoreno to kaka ne en nyako ma ok onge
ndache, nyinge, thurgi malongo obed dichuo kata dhako iluongo ni(aru piny)
ne Nyathi owuokie. Koro nyathi odongo ka ongeyoni wuon mare to ruoth. Ngima nyathi manyakoni obedo magalagala nikech min gi ne kelo chuo eot ma opogore opogore moko jo Wagunda moko bende mana jo thurgi gini otimore manyathi manyakoni otieko tiegruok e Mbalariany Min mare bende kane jaode mane ruoth chande okwedo koro seche moko en bende okwalo chuo manyare okelogi.Koro gi lawo dichuo kod nyare.Nikech wich kuot koro dhako matinni ochako riasore ni ogoyo siasa tonyare to chodo kama rarieya. Wachni timore epiny moro ei Africa kendo koro jopiny medo penjo ni kare laro dichuo nyalo mana kelo koko ne oganda moko?Dhako ochot to nyare bende ochot to bende gin joka ruoth. Jothurwa ma to itimo nango?Ruoth bende kaka tim otame nikech yawa gi omako nyare gi mingi tete.Yawa moko
penjo kendo goyo dhogi ni yaye to angomatimore kangane? Doho rito tek to chode bende ok riwe godo. Wagunda ma chodo min nyako kod nyare koro wigi tek ma kata wuon dala ok nyal kwerogi ni joratenge ok tim timbe magalala go..TIEK GI WIYI KUOM SIGANANI.
Par ahinya kapod ok irieyo Doho.
Tho tinda aduog arom kod Nera.
Jandikoen
Odhiambo Omolo Jakamagambo(KoderoBara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.