03/23/2006
GRANTS
WECHE MOKADHO
;
WUOYI MATIN NDUGA KAWAORE
Aneno ka iwuoyo motegno kaka wuod Onagi. An awuon ase temo wuoyo ahinya ni onge ngat ma biro geronua thurua kawan ok wagere. Ma egima ose bedo katimore e thurua ma omiyo pinje moko yombowa.Mokuongo Yawa mane osomo chon mane oyudo tiegruok e mbalariany mamalo ne oweyo telo mag gwenge gi ne jomane yutogi tin,yawa gi ne odar odhi odakie boma makata thuchegi ok dhiye. Mar ariyo thoth Onagi maneni kod somo maber ne ok kony jowadgi neen mana sunga kod kongo gi mon Mar Adek Onagi mane otemo yudo tiegruok maber ne ochayo yagi mane onge kod tiegruok malongo. En wich kuot ahinya ka yawa mane oyudo tiegruok chon gi wigi ne owil
kod kumane giaye . Ne gisomo mana egwengegi magi dhi kod some nyime magi yudo tiegruok kendo tije bende ne giyudo mabeyo ahinya ka Kareru, Kuonde mabeyo mag kano Omuom, Kuonde tije machalo Oro oboke kod kuonde moko modong mane chudo maber. Yawagi ne olal gi mondegi oko makata yuochegi gi kia kata nyithindo bende gidak godo oko makata dholuo nyithindo kia kendo ok giwachgi kodgi En wich kuot.kaiyudo ka nyathi Luongo min mare ma onyuole ni '"MADHE " to Wuon mare oluongoni " FADHE" Nyathi dongo makata wedene okia. Kar nyiso nyathi ni meru
ok inyal luongi ni Madhe to en bende okonyo nyathino kaen bende openje ni to kara Madhe odhi kanye? To miyo bende kobiro oyudo kawuon nyathi owuok to en bende ochako openjo nyathi ni to kare Fadhe odhi kanye kar kwero nyathi ni wuoru ok iluongni Fadhe. Yawa gi otemo duoko anyuola chien miwuoro. Ere kaka wanyalo gerore ka ok wadhi dala? En wich kuot ahinya ne oganda mar Onagi nikech ka ok waparo malongo to pod Mwache biro tiyowa ndalo mabiro.An awuon ase bedo ka andiko ahinya ni yawa wabeduru motang, piny dhi nyime to wan anyuola mar Onagi wadak chien.Wase neno ber yudo tiegruok e ranginy mamalo eyore ma opogore , koro otonglo mayudo matin wager godo kuonde ma nyithindewa yude rieko Gima iyudo Ka Onagi pod yuago ni Mboya okewgi Odhiambo da bedie to dikoro anyuola
osetimo mangeny. Mboya ne otho chon miwuoro to pod anyuola ywage.Wase bedo kod jotelo man kod omuom ma oloyo omuom mane Mboya nigodo to ich lit kod sunga miyo ok wanyal chiemo kod jowadwa. En wich kuot ahinya kuomua wan Onagi kawasiko waneno mana kaka Atwara tiyo kodwa to wanto onge ondamo mawase kawo mondo omi Mwache oluorwa. Nyaka walok kaka wadak eka wabiro dhi nyime kod dongruok. Tiegruok kata yudo ranginy nyalo mana nenore maber ka ikonyo jothuru kod gero thuru.Anyuola owek lal oko to watem wadog dala.Thoth ji osebedo ka paro ni ngima mar
boma ber,Ooyo maen miriambo boma ok en dalgi ngato to en mana kar tich. En hero mar ngato mondo odag kama berne to thuru ber moloyo kama idhi ingiewe lowo. Wapar matut nikech iyudo ka thoth jokma goyo siasa gidak eboma to ka gidwaro yudo telo korka gidok dala wuondo ji kagiduaro ombulu to bange togidok eboma makata idware ok inyal kata nene. Maen wuondruok, jopiny owe yieni joboma niduogo wuondogi gi chumbi kod omuom moro matin maok bi konye ndalo mabiro. Jokman kodji edala kata yawa madhi limbe thuchegi kata jokma dok ga dala ka oyudo yueyo moro matin ema onengo oyier etelo nikech gi ngeyo chandruok majini godo edala. Aparoni atemo siro ahinya oboke mane oa kuom Ndiga Kawaore ewach mar kaka wanyalo gerore ethurwa.
Erokamano ahinya ne wuon Abila. Obongo nyaka laga okony jokanyar nam nyikwa
Omogi Awando duto kamoroamora ma gidakie
Jandikoen
Odhiambo Omolo Jakamagambo(KoderoBara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.