03/20/2006

GRANTS

WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 

Gem En Ye Dier Pinyluo. En ye loka gi Luanda Magere Wod Gem.

Migos Apindi, eri duoko mara.
 
Nonro ma chakore gi "U" oa ei loso mar dho Luo.  Kware gi daye Joluo ma chon ne joweyo ote ma nyaka chieng' ni nyikwagi ma kiny.  Omiyo ka ne gi miyo kamoro nyiny, to ne gi tumo kama gi loso kod jo ma kiny.  Ei Kano, ne gichako kamoro ni Ahero, mondo oganda ma kiny kik wigi wil ni nyaka to Joluo o bed jo ma o herore kinde duto.  Ugag.  Gago tiende chiemo.  Ugag, uchiem kar ma udak ye ni, ubed gi cham to kod njamni mang'ey ndalo duto. Urom, ka oa kuom romo mar oganda. Uhembo (kuom dweche adek ma dhako yach, iwacho ni ohembo), tiende ni ogeno ni nyathi biro). Uholo, ka oa kuom holo gimoro, bel kata cham ma ibiro duoko ni omer.  Uhol, kik ubed joma ka jowetegi chieng' oketho cham mar gi, ma gikwayo u kodhi to utamore migi.
 
Un kata An, Un kata A.  Jaluo loso kuome oganda duto ka chako nying loka mare.
 
Nyinge kuonde duto machakore gi U wacho gimoro ma kware gi daye Joluo ma chon ne oweyo. Kaka wach ma ok dwar mondo wich owil kodo.  Unyal, Unyala -  mano en wach nyalo gik moko duto ma utumo.  Lowo duto ma bang'e ka ne Joinglis ose biro to koro olok ni Manyala gin mag Luo.  Ma kata kawuono nonro gin mag Luo.  Ugenya, Ugunja.
 
Ulawe (ulawo gimoro).  To m'oloyo, nying lowo chal gi mar dhako, mano ema omiyo orumo gi "a" kama lowo no ema loso.  Uyoma ( lowo wacho ni mondo urite ma ber mondo obed ma yom kinde duto.
 
Loka mar Gem to ema ne en ga DIER Pinyluo.  En lowo ma kwako Kakamega duto kany achiel gi e wi got malo kar ma Nandi tinde odakye.  Lop Gem duong' ma ohingo kata mag loka duto ei Pinyluo.

Gima an da wach, to en mana ni Luanda Magere ne en wod Gem. Gem ne en lloka ma lach adier.  Maseno en dala Joluo, kendo nyinge won won, en Matheno.  Nying no ne kware gi daye Joluo omiyo lowo ma kanyo ka luwore gi Luanda ma dongo, kendo ma ogangore ahinya niketch gi thenore.  Tiende ni Luanda ma theno Luanda wadgi.  To kata mana kindeni, ka irango ma ber to iyudo ni Luanda podi nitie maduong', kata madong'o ma othenore.  Kite ma ng'ongo otheno ma tindo.

Gem ema ne kar ma Jolweny (Joluo duto ma nyalo dhi e lweny) chokore ka po ni lueny ne chiegni betye gi dho ot moro ma ne temo ndhuso lop Luo, kata ma ne kwalo njamni mag Joluo.

To koro gima ne ogoyo Pinyluo piny, ne en biro mar Joinglis.  Niketch, ka ne kondo mar Pinyinglis koro owalo ni Pinyluo ni e tiend loch, ne loch oweyo mondo dho udi moko obi mondo oma Joluo lopgi.  Kanyo ema ne koro Abandu ochako lor ka oa yor Kongo ka kalo gi yor Uganda.  Joinglis ne owego mondo gi dhir Joluo mos mos ka gimayo lowo.  To kata kamano, Jo Gem ne ogore kodgi ahinya ka temo riembo gi.  To mak mana ni, Joinglis ne onego Joluo ma mono gogo mondo ondhus lop Luo.

Ei opedhpiny (continent) ma ngima, onge loka ma ne ose gore gi wasigu ma maye lowo e yo ma tek ila ma loka mar Gem ne ogore.  Omiyo, owinjore mondo kik wiwa wil ni jo Gem gin Joluo kendo kendo lop Gem duto en mar Pinyluo.

Jogem gin jog Luanda Magere.  Ka wa lero wach gi to wa wacho ni e dho Greek Ma Chon, Gem en Gamo (nyukta ma duong' mar "G" ma iluongo ni "gama".  To kendo wach gamo ni oa kure ei piny Gem?  Oa e wach mar luanda ma rabede ma ero ng'eny ahinya ei piny mar Gem.  Luanda go oting'ore oting'ore, ma ka po ni iduaro kawo kidi ma ni malo ma ogik, to nyaka to ipar mondi kaka ibiro gamo kidi no.  Omiyo onge gi ma nyalo miyo wa wapar ni Jogem di bed dho ot moro nono ma ok en mar Luo.  Gin Joluo ma nyaka to kony mondi oyud lopgi ma ose bet ka jomacho ndhuso mos mos kendo imayo gi.

Gik ma rach ahinya ma nyaka to rie , to gin mana wach Thuolo to kod kiewo gin mag Luo.  Awacho kamano niketch Pinyluo ok nyal wok e nyono ma onyone to kod mharo ma okwake e yore duto, ka podi oweyo lop Pinyluo ma ne oma Jogem.  Kendo di a med nwoyo ni, nyaka to Joluo ong'e ni sigand Luanda Magere ema en ranyis ma ok ruchre kendo ma huarowa ni gima en mar Joluo en mar Joluo nyaka chieng', o bed Thuolo mar Pinyluo, kata lowo ma en mar Luo.  Di aher tieko wach ka alero ni ng'at ma dhok mare en dho Luo, ka podi dhok moro amora okwano ye, en Jaluo.  Dhowa ema en ranyis mar bet marwa.  To dhowa no nyinge en dho Luo.

 

An Nyarluanda


Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com      wuonAbila@jaluo.com      awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved