04/03/2006
GRANTS
WECHE MOKADHO
;
MAERI EN HERA MOGUNDHO NONO.
Aduoko ero kamano ahinya ne anyuola wa ma ose kwayo mondo Joluo ongere duto epiny mangima.Anyuola ma ratipo ma iluongoni Migosi TIRUS OTIENO OKOLAH OMOLO ose timo maber ka ofulore ne yagi duto ka owacho maber kaka inyalo yude kendo kaka Joluo onengo oherre.Joluo ne jo hera ahinya kendo jonyadhi miwuoro.Jaluo ne ok nyal weyo wadgi chandre kendo ngat ma wendo ne Joluo ohero ahinya.Hera nenitiere ekind Joluo nyaka chakre chon ema omiyo negilimore kagin kod hera echunygi.Wach mar Abara Mach mosiekoni to kare oa kanye MA JALUO PANDORE NI OK ODWAR YANGORE ELELA NE JOWADGI TO TIMBENE BENDE OK ORIERE MALER?Kawa nono wuoth mar Joluo ka gi wuok Sudan gi Chopo Uganda Moko ochopo e got Ramogi ne gikere epinje duto Moko ne odhi nyaka Tanganyika,Kenya, Uganda, Sudan. Jothurwa joluo duto gin wede.Kik icha wadu to temo konyo wadu.Nyocha awuoyo ahinya ni Joluo moko koro ose lal ma ok dwar winjore kod Joluo wetegi.Maen kido marach.Kik ibed kod tim moro mar achach kata Juok to tem hero wadu ahinya. Ka ineno ka
nyuola mari maen Jaluo nikod chandruok sud bute machiegni ine yo ma onyalo yudo godo konyruok.Wawe uru Sunga. Kwedruok,Juok,Miriambo,Kwalo.kod moko ma Joluo odagi.Wabed uru Jobura ma kweyo ma ok koko ekindwa to kik iling giwach ma ineno kadhi hinyo anyuola mar Joluo.Bende kik iwinj ka jamwa moro tugo kod kitua( Luo
kitgi gi Timbegi) ma ok ikwere.Joluo gin johera kendo jok ma oheroji. JOLUO DUTO EPINY MA NGIMA GIN WEDE.Bed jawat kik ibed jamibadhi.
Aduoko mana anyuola man Tanganyika wuod thurwa itimo maber. Med lando ahinya ni koro Joluo nyalo todore eyore duto embuyini.
An Jandiko
Odhiambo Omolo Jakamagambo(Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.