04/12/2006
GRANTS
WECHE MOKADHO
;
KA JOPINY OK OTANG TO KIBAKI DHI DOK E TELO
Ase bedo ka aneno kuma piny ochomo to nenorena ni Kibaki goyo abal mar nimo to ji ok ne.Biro dong e bugwa mar Piny Owacho ni Jokenya ne oketho sechegi mar yiero Kibaki kaka jatelo mar Piny. Ngatni yom yom, ongeng, osungore, Paro mare bende tin,ohero dhoodgi ahinya,ohero osiepene, kendo wedene, kaeto mogik ochayo jok mane oyiere mondo otenegi.(Pombavu).
Nenore ni Osiepua ma Wuoi ma ratiro ma iluongo Kalonzo otemo wuondo kod Omuom mondo owere kod Jomachunga mondo Okonye goyo Raila Odinga.Kapiny ngiyo Ayanga donge uneno ka Okuyu temo serogo maling ling mondo apog Jomachunga. Ayie ahinya kod Kamotho nikech ochung kar tiende.Olentimama bende ochung kar tiende,Jo Abandu Pod ok onenore maler kama gintiere,Yawa ma jo Nam mar Chumbi bende nenore nigin kodwa to pesa Joge Kibaki tiyogodo mangeny mar ngiewogi.Yawa man Kericho kagi bende ok ochung kodwa ayanga.Omuom tiyo ahinya kendo Okuyu tiyo matek
ahinya mondo Kibaki odogie tich.Joluo bende uneno gik matimore epiny Kenya?
Kisera dhi nyime maling ling kendo Omuom tiyo ahinya.Okuyu oramo chuth ni loch ok wuogie eluetgi. Maeri ekaka Joluo nindo aninda nyaka gipomana ka ji ne ose dar makoro giluwo aluwa bang ji. Okuyu nikod kisera maling ling. Yawa duto kuom yawuotwa ma otelo wuoth uru tim uru limbe ei Kenya duto kendo bed uru jokisera mongith.Okuyu wuotho ahinya kendo gi chiwo omuom sidang mondo gi yud telo kendo. Raila Odinga kod Lange dhi uru limbe maling ling ka usero. Yawa ma jogot nitiere ma oyie kod Anyuola mar (Magere) kaka Wuod Magara maen kaka ja Luo nikech osomo mana ei Luo kata dholuo owacho maber ahinya.Kik Raila weye kende nyocha aneno ka yagi dwa tugo kode nikech ne oweyo Nyachae, Raila gini otem Lime eseche duto nikech wadwaro gi mondo gikonywa. Okuyu ok oling to Omuom chodore malach e kind oganda moko moko okony Okuyu.
Chiw paro mari mar miyo Jaluo oyud telo mar rito Kenya.
Nyasach Omogi Awando Otelne Joluo duto epiny Mangima
Odhiambo Omolo Jakamagambo(Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.