05/02/2006

GRANTS

WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 

WUON ABILA
SANDO NYITHINDO MA NYIRI KOD MACHUO.
Piny owacho ose nono matut ni nyithindo matindo kata rawere mangeny ma ose wito ngima gi kuom sand eyore ma opogore opogore.Pod ok wachopo kama ngato ka ngato ongeyo hakia mare (HumanRights). Wan kod chandruok maduong ahinya kuom wede kod jok moko mawuondore ni onyalo. Maeri ekaka Sando nyathi chakore.Wuoro kata Miyo ok ongeyo kaka ginyalo rito nyathi eyo makare nikech Kia (Ignorance)
Mama moro mawat kata man kod osiepne moro moa e boma biro wuoyo kod Jonyuol nyathi ni gima nyathino timoe dala onge to onyalo dhi Kode eboma mondo odhi omiye tich kata konye eyor yudo Omenda kata  omuom.Omedo nyiso jonyuolgi ni kata gin bende gibiro yudo sabun kod chumbi kod otonglo moro matin dwe ka dwe. Dhakoni kawo nyathini  dhi godo, thoth nyithindo ohero boma kata joma dongo mangeny nikod paro ni boma ber nikech tije yudore kendo ngima mar boma bende yot nikech oyudo taya, pii kod modong.Nyathini ka dhi donjo eboma ok oyud puonj motegno kuom tije ma imiye ma bende thoth gi ohewe nikech pod otin maimiye mondo otim  ne pod ok otimogi engima mare kaeto boma bende obuoge (Change of environment) ,samora en japidi orito nyathi matin,ei pidi kaeri bende en jaluok ot, en jatedo
to tedo bende pok ne otedo nyaka nene, en jadhi eduka ngiewi gik moko machalo chak kod kuon(Makati). Nyathini biro chako tich saa apar gachiel mar otieno to onindo saa abiryo motieno.En kod chandruok nikech gimoro amora ma okethore ei ot ka kata olal to en ema iluongo nyinge. Nyithindo wetene ma oyudo otka bende ochaye ochako omiye nying ma bede ok mare kak AGUMBA, MUSAGO, ORUDO kod moko ma ok anyal wacho.Nyathi manyakoni igoye, iyanye,chiemo bende ok oyud maber, Lewni bende ok ngiewne malongo (Mutumba) kar nindo ok oyud maber, sikul bende ok
odhi, kata otuo ngatma winjo wachne onge,ei odni kanitiere nyithindo machuo
to nyathini giloko mana dhako kaeri.Maeri en sando nyathi ngato eyo ma ok ber .
Nyathini dongo kendo opong mana eotka to dichuo bende (mangaa) kata Arupiny to ipo mana ka nyathini nikod ich kendo chuor dhako mane odhi oomo rawerano dala ema omiye ich.Nyathini ok bi fulo wachni nikech luoro kaeto iriembe etich odok dala kaluo to sandruok ma oneno to lich e boma.Machielo en nyithindo machuo mawede gi kawoni dhi kwayonegi kata ritone gi wudi, gin to thoth gi tamo wang kaeto ringo dok thuchegi.Onge tiende kawo nyathi ngatoigolo e somo ni idhi miyo tich kendo isando.
Piny Owacho ochako onono mofwenyo yoo machielo ma iwuondo godo nyithindo manyiri, Ka nyathi ose tieko skul odwaro mondo oyud konyruok eyor dhi nyime kos tiegruo. Joluo mangeny ahinya man kod tije mabeyo thoro keto chike moko maricho kaka ni anyalo konyi yudo tich to mana ka ibedo chiega, kata anyalo teroi e tiegruok to  mana ka iyie ibedo chiega maen anjawo ahinya ekind Joluo man kod tije mabeyo. Iyudo Jaduong moti kawo nyathi ngato mapod tin maromo gimeke tonikech en kod nyalo kendo bedo ngat ma ngongo koro otiyo kod tin mar nyathi ka owuonde ma oketh ngima nyathini kabisa.Maeri en sando nyathi.
Mogik kendo Otimore ahinya epiny mar America. Nyithindo manyiri kata ma chuo moko biro America ka onge watne malongo. Kagi donjo kuom samoro osiepne mane gin godo e skul. Obiro oyudo kapiny opogore ahinya. Nyathini samoro obiro somo samoro bende ogajore agaja ma odonjo America. Nitiere chuo magin ketho nyithindo manyiri madonjo America mawelo etich magi tiyo, giwuondogi nigi biro konyogi yudo (Green Card) kata yudo (drivers Lincence) ka nyathi pocha to en kod ich. Nyithindi machuo bende nikod chandruok nikech kaka ichako dak America tek miwuoro.Moko donjoe kongo, moko dere, moko bende duogo dala Kenya. Awuoyo kaka wuod luo kendo neno chandruok manyithindo neno ei America.
In janyuol, yie ikaw thuolo mar ngiyo ngima nyathini. Nanga(Government) onengo okaw ondamo mager ne yawa ma ketho nyithindo kata sando nyithindo. Gima awchoni in iwuon inene kata ei odi kata ngatma odak e bath odi ka nitiere nyathi ma isando. Luong ogul mama ikony nyathino.Maeri en mana ngado rieko kik ngato kawe marach . Medwa mana paro mari kaka inyalo kony nyithindogi.

Jandikoen
Odhiambo Omolo Jakamagambo(Kodero Bara)
=====================================================

 
Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com      wuonAbila@jaluo.com      awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved