05/02/2006
GRANTS
WECHE MOKADHO
;
Nyikwa Ramogi en adiera ni jaluo ongeyo go thum ahinya, kendo ogoyo gino
koketo chuye duto tee, maka bila moko ongeyo nyaka sani ni jaluo tuomo
gino tuom mayore. Koro nochopo okang manochuna ninyaka adonje wang
jothumbewa majoluo. Mokwongo nonro manatimo noyudo ka Ramogi FM temo ahinya mar yuayo nyaka jothumbe man piny maok winjre kasiko goyo
thumbegi mondo mi ginbe giwinjre, ero kamano ne Ramogi. Kaluwore kod
nonro masenyisou ni nyicha atimo mag jo benga magwa, noyudi ni thoth
jothumbe, ok okawo tijno katich to gikawe ka gir mor. Thothgi thagore
moloyo aganda maonge tich, tonikech kaluwore kod wende magiwero,
fuot-fuot ahinya chalo budho, tiende nionge puonj kata matin magi miyo
oganda makanitie to tin, thoth wende gin weche hera. Kane watemo keto
wende masani kod machon eratil to ne wayudo ni wende machon ohewo masani kod puonj ahinya, kende gi ngiewore ahinya. Kane wapimo jothumbe e
kidienje mopogore to mae kaka ne duoko chalo.
1.Owino Missiani noyudo 99.9% ewende mag siasa, to wende nyiri noyudo 47% to chwo 65%.
2. Jery Jalamo kendo noketie kidieny machielo, wende siasa 5% wero chuo 85% Nyiri 78% towendege noketie kidieny mar dengo, Jery jalamo nikod duol
mamit ahinya mar de-ngo, mawende mane oyudni jo piny nohero ahinya gin
Suba Nyiri beyo to gi thum magalagal, kod Ayiecho Olweny.
3.Atomy Sifa, wende siasa 5%, Nyiri 56% chwo 85%, mawer majopiny nohero ahinya en "Odudo" noyud kawend-no nikod puonj kuom mond yawuowi mochayo deyegi kod kweregi.
4. Osito Kale, wende siasa 5%, chwo 90%, Nyiri 80% to wende mane jopiny ohero ahinya en "Nyasaye to ber" kod Asembo Piny Maber.
5. Musa Juma, Wende siasa 15%, chuo 80%, Nyiri 95%, to wende mane jopiny ohero ahinya ne-en Mercilina.
6 Princes Jully, wende Siasa 20%, Nyiri 60%, Chuo 95% mawende mane jopiny ohero ahinya ne-en Dunia Mbaya kod Aroko.
7 Emily Nyaimbo, wende siasa 2%, Nyiri 60%, chuo 75%. 8 Dolla Kabari, Siasa 70%(Johny Garang), Nyiri 78%, Chuo 89% mawende mane jopiny ohero ahinya ne-en Walter Dibogo kod Atoti. Jothumbe modong nokete Kidieny mar "C" (Others) magin 46%.
Kidieny "B" mag jothumbe maok onuoyo thumbe magi ahinya kendo ni kod
puonj malongo ne gin,
Owino Missiani
Musa Juma
Osito Kale
Koro jothumbe manying-ggi onge e kidieny "B" gin jogo mothoro nuoyo
weche (Monotomy) magi tiyogodo ethumbe mamoko, koro gino ema kethonwa thum. Wamire kinde, kata obedo ni ingeyo wer manade to miri saa mondo ilos wend-no mo-ngith kabisa eka igole eyamo. Nitie kidieny mane ok
wanyal golo nikech nyalo ketho nying-ggi, mago negin jothum mawero
thumbe mag anjawo maok inyal winjo kod jok miluoro. Jowa majothumbewa,
wekuru ero nuoyo gik mau sewero, kod weuru wero gik majowadu osewero,
kuweyo mano to unuyud kau goyo thumbe mamit ndi. Nikech thumbe mau goyo sani pod ok nyal pim kod thumbe mane mosenindo Dr.Collela Mazee,
Ochieng Nelly. Ouma Omore kod Awino Lawi ogoyo, pod oweyogi mabor ndi.
Wegeno ni lokruok biro bedo e-nduma masani.
Oritu
An Jawinjou
Philip Ongili
Ja-Kendu-Bay
Phillipongili@yahoo.com
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.