05/19/2006
GRANTS
WECHE MOKADHO
;
Nyikwa Ramogi afwanu kamoro amora mauntie epiny ngima, kawuononi ochopo e okang madua donjo e wang joma mon. Kingiyo kochakore kod puodho mar eden, ngama dhako emane ochako pisruok mag njejruok, mathuol nowuonde mochue oruako nyaka dichuo eketh mar chamo olemo mane okwergi. Ngama dhako kik itug-go, dhako riek kathuol. Kane Nyasaye ochwe piny. Noketo dichuo kod dhako, nongeyo gima nomiyo ni nyaka dhako bedi. Usebedo kauwinjo kilando e nyaka londo magwa ni nyithindo matindo, chwo mako tiacho pile, en wach marach ahinya kendo ok ler kata mana enyim Ruoth.
Magi duto timore nikech timbe mag joma mon. Mokuongo, iyudo ka dhako
maduong mawiye ler ahinya, oruako long moride nyowuoyo, mogolo gi-ge
othinyore oko ka opich abisidi, to eseche gogo odua wuotho atua mabor,
kendo ongeyo maler ni jitonene, long oride manyaka siruache neno okotee,
jo thurwa kech opogore, nitie joma winjo kech mar chiemo, kod joma winjo
kech mar dhano, nikech kata sero nyiri ok yot, mondo mi iser nyako
mabolre ka thuol monegi, mayie ni ayie, jayadha itiyo iwuoyo molawo
orumo edhogi duto kod weche mag miriambo, tonikech kata mana ngama nyako nikiwachone adiera to bende ok oduar. Thothji nitie makata sero gikia,
koro koseneno dhako moruakore kama, to wuok kanyo kawange otimo mudho mandiwa, en koro odwaro ngama inyalo luong ni dhako, tonikech ok onyal yudo kama otoye mirima, mano ema omiyo, otingo paro maneoneno kaka dhako chande ne dende onyiedhore oko, kaeto ochwe omako nyathi matin otoyo mirima kuome. Kamaa osetimore, to joma mon achielgi ochako wacho ni chwo nyaka puodi mondo giwe timbego. Un mon emanyaka ulokru uwe timbe mag (maundugo) anjawo mag ruakruok eka mako joma nyiri biro rumo, to kaok ulokoru amedo leronu nionge lokruok manobedie wach mar bambo nyithindo manyiri. Ahinya e towns kaka Nairobi kod mamoko, nyithindo manyiri otop tee wuotho mana duge, kariambo to orna messege. Ruakri mowinjore, kochuni ni nyaka iruak long, to ruak gimoro moweyi thuolo maok ogolo oboti oko tee, mano rach, akwerou makata ugouuuwi, neu chako keth kichwe piny to utimosidi ok udua weyo timbe marichogo, kata muma wacho maler ni, dhako nyaka ruak mana law dhako to dichuo nyaka ruak mana long. Use romo kod chwo adi moruako law dhako ni dhigodo wuoth? Koponi iyudo to mana janeko, to koro un udwa mondo waketu e grup mane joma mon? Iya owang ahinya kod mondwa masani, bed uru kaka minewa machon, lokuru pachu.......................................
An JB.
Philip Ongili
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.