06/05/2006
GRANTS
WECHE MOKADHO
;
To kata kamano, to kendo gi luor mogundho ne pache no, weche mowacho go onge gi mise kata mapuot. Wach mar ni lewni ma mine rwako ema medo lando bembo e pachoka osetimne nonro kendo oyud ni ok en adiera. To kata de bed ni en adiera, ok ang'eya kaka Ongili owuon nyalo winjo ka miyo moro oneno dichuo ma ogombo to nikech dichuo no ok onyal yudo e yor riwruok e pien, odhi to omako nyathine mawuoyi gi thuon. En gima oyangore maler ni nyathini onge kaka wachni omake e yo moro amora kendo makosa ne ma kende en mana ni onyap koro itiyo kode gi joma tek moloye. Ma njawo ratiro mar ng'ato e yo marach mogik kendo onge pogruok e rachni kata otime ne nyako kata wuoyi.
En adier ni e oganda nyaka bedie jogo ma ni malo, moko ni diere to moko ni piny e mwandu, teko, rieko to gi weche ma moko. Ma emomiyo nyaka warit ratiro mar ji te e oganda ka wadwaro kwe. Ongili onego parie ni ka ji te ma oloye e yo moro amora a nigi thuolo mar tieko kode mirima saa asaya ma gimoro owang'o iye gi. Dodag ngima bila mane?
Nyithindo gin e chuny oganda kendo wechegi onego mak chunywa duto. Wach bambo en tim anjaw ma ok onego ung lwedo e yo moro amora. To mogik, apuoyo ji duto, to ahinya chuo, ma neno bambo kaka tim anjaw ma nyaka wariwre mondo watiek e oganda. An awuon ang'eyo chuo mang'eny ahinya ma ungo chanro mar tieko tim anjaw ni lwedo. Jaluo.com isomo gi ji mang'eny omiyo kapok wachiwo pachwa to wapar ahinya gima wadwa wacho.
Nyasaye ogwedh nyikwa ramogi duto!
Adhiambo Nya Kanyamuot.
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.