Jiwo Wach Mane Nyar Kanyamuot Owacho!

WUON ABILA
NYAR KANYAMWUOT OWUOYO MABER ADIMBA.
Nyar  Kanyamuot puonjni ber kendo ageno ni anyuola mar Onagi neno gigi kod wanggi.En nyuandruok ahinya kendo wich kuot kuom Jodongo kata Mine moko mabende otamo wang kod timbe magitimo. Weche magiwacho. Ka ise bedo ngatno mangongo temie dimbori kod kaka iruakori, kuonde ma idhiye, osiepema iwuotho godo kod kuonde budho ma idhiye. Piny owacho ose neno ka timbegi dhi nyime ekind oganda.Yande awuoyo ahinya kaka timbe mag anjawogi koro timore kuonde pango kod pinje ma oko mag wazungu kata Wagunda e kind anyuola mar Joluo.Ne awuoyo ahinya kuom ruako welo. Ne nyithindo manyiri kod yawuotwa matindo okora koro ngeny. Yawa maricho koro thoth matichgi en mana rundo nyithindwa manyiri matindo kod omuom moko manok ma onengo otimgodo gimoro manyalo konyo e ndalo mabiro.Nitiere jowa mangeny ahinya ma gimoro amora ma wadgi timo to ok odwar kendo otemo ketho maeri ok bikonyowa, wariwre uru wakony jopiny. Ase neno ka atemo mondo wariw paro maber e kindwa wan Joluo to nitiere yawa ma ok dwar mar wadgi en ema odwaro mondo owinje to gik ma owuoye to onuoyo mana gik ma anyuola ose bedo ga kawuoyoe..
Ok aluongo nying ngato kata wacho thurgi ngato to anjawo machalo kama wawe uru. Nyar Kanyamuot med mana puonjogi.In nyar Luo chuth kendo idagi nyuandruo kod anjawo.
Nyasaye oriri maber
Jandikoen
Odhiambo Omolo Jakamagambo(KoderoBara)