06/18/2006

GRANTS

WECHE MOKADHO

AGAJA  

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 

LIMBE MAR RAILA E PINY AMERKA (NEW JERSEY)

Ogello Okullo

Jandiko: Mig. Ajos Wuod Atiga

Amor gi weche ma jopiny osendiko kendo oorona kuom limbe ma migosi Agwambo timo e pinje maoko, mak mana makuowoni to aneno ka chalna mana gi tuk kalongongo (tuk nyithindo). Kik wakaw loch piny obed gir tugo kata mbaka migoyo kar tuomo andiwo. Jomoko paroni piny irito gi oganda achiel!

Ooyo mano ok en kata matin. Jaluo kende ok nyal rito Kenya, Jalang'o kata Okuyu bende nyaka yud mana teko mar dhoudi ma moko mano ema waluongo gi dho ngere ni; Government of National Unity ok Government of GEMA kata KAMATUSA Unity. Jaluo riek to jaluo wuondore, Jaluo ohero owuora, Jaluo ohero sunga, Jaluo rieko kendo osomo to gidagi riwruok makelo dongruok.

Yande andiko wach moro higini moko mokadho kaka joluo luwo bang' Joka Odinga ka Rombe pod amedo wachonu ni en adieri. To Agwambo owuon to wuod Piny kendo en gi Kwiri mar rito piny mak mana jogo man bute samoro temo wuonde.

Joka Nyanam parieuru higini mosekadho kik watem chumbo wuod Luo (Agwambo e Mach) Yieuru utem rieyo weche tir, penjna en ma: Ere kaka ng'ano ma uluongo ni Ker moyiedhi e loch ma biro nyalo temo romo e kachiend ng'ato achiel kato uluongowa ni mondo wayuor budho mano en anjawo koso en wuondruok ni warikni to kare warikni!

Wechegi chalna mana gi moko ma yande otimore ndalo loch wuod Odongo ka yande ochopo ni riwruok owuok okende g'Agwambo (Raila) to yande jok'Owiny moko obikore ting'ore ni gin ema gidhi rwako ji madonjo e Siwandha mar budho Kasarani, bende gigo nochomo kuro?

Rawera moro bende yande owuok e piny mokiwogi Onjiro Nyamande (Switzerland) ka timore ni en e ma odhi mako bath Agwambo bende wechego nochomo kuro? Kendo nothiano kowachoni en ema Agwambo semiye teko mar riwo Joluo e piny ngima, mago duto gi ma moko nokadho kayamo.

Kuom mano daher Nyiso Joluo man e piny Amerka ni kik wuondruok bedie wach siasa ma sani dhi nyime Kenya. Temuru bedo gi chenro makare kendo moriere tir!

Wuon Abila, Jaluo dot Kom.

KMM...
Weche ma andikogi meduru somogi mwalo kanyo e barup Odhiambo Omolo ja-Kodero Bara (Rongo State House).



WEK URU WUONDO RAILA

Piny owacho penjo ni ngat ma dwaro rito piny kaka President to ipandruok godo nango ei Hotel? Joluo duto ohero Raila koro ere tiende romo kode Hilton Hotel mabende ichule mana omuom eka ibedie imadhie kata mana pii. Piny Owacho nyalo bedo mamor ka opuodhi kendo olandi ni Raila biro New Jersey romo kod Governor kod jotelo mag dongruok e New Jersey maeri ineno ka nitiere weche ma ochomo yo. Jopiny dwaro neno picha Raila ka oromo kod Wuod Bungu  (George Bush)maen Jatelo ma America kaka jotelo moko romo kode Piny mangima neno. Yawa ma wuondo Raila gi kata mana jotend kama gidakie ema kiagi Members Mag (Congres) kata mana (Senators) ema kiagi koro to gilando ni mondo ji odhi orom kod Raila ei Hilton Hotel. Ma Wood bridge Ei New Jersey to kata mana Mayor ma Wood bridge bende ongeyo ni Raila nitiere dalane? Nitiere kuonde mangeny mag piny ma inyalo romie kod Raila kaka (Convention Centers) kaen gima olos malongo to gigi (Governor)ema loso.
Jopiny dwaro neno Raila ka oromo kod Mama machalo Oprah Winfrey, Barack Obama,Kod jok ma piny ngima ongeyo kendo oluoro to kendo gin mana joratenge kaka Raila magi ejoma nyalo konyo Raila bedo President to ok jok ma wuondore NI RAILA ONGEYE NE ONINDO ODE. PINY OWACHO ODAGI SIASA MA JOLUO GOYO  EI AMERICA.. BER MONDO YAWA MA WUOTHO KOD RAILA YIE URU UKET RAILA KAMA OROMOE TO OK SIASA MAR EI OT KOD KUONDE MADH...Wanyalo bedo mamor ahinya ka Raila oromoe kata mana kod Mayors, kata Pastors, jotugo mag (Basket Ball). Wechegi awuoye kaka achiel kuom yawuot Luo maneno tugo ema ngeny ewach mar chopo Raila e piny America.Romo kod Raila Hilton to biro  konyo  Joluo kod ango? To en wach mane ma Raila biro nyiso ji ma pok ji owinjo? Wangeyo ni Raila dwaro bedo President koro owach mana kaka Mwache maok dware inyalo wuo godo.
Nyasach Omogi Awando Otelnu Uduto .
Jandikoen
Odhiambo Omolo Jakamagambo.(Kodero Bara)



=====================================================

 
Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com      wuonAbila@jaluo.com      awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved