06/18/2006
GRANTS
WECHE MOKADHO
;
Mig. Ajos wuod Atiga Ny’Ochola Oseduogo!
Wuon Abila
Nyikwa Ramogi Ajwang' akawo thuolo ma kende mondo
amed dwokonu erokamano kendo jiwo oganda duto mosebedo ka kudho mach e duol
nyaka chakre thuolo mane adhi e tiegruok. Kuom mano Obong'o Nyakalaga mondo
olagu ndalo duto.
Gima awuoro ni Joluo mor g'odundu mar JALUO dot KOM kendo sani ma aloseni
oboke ma yande odonjo nyaka chakre thuolo mane abedo maonge nyalo romo 2000
(elufu ariyo gi dire) omiyo kik une marach ni pok aduoko weche mane upenjo
en mana kinda abiro temo ketogi e kor yamo mos mos.
Kawuono to ok ana wach mathoth en mana rwako oganda duto e od twak ABICH
jodongo kendo medo jiwo Joluo duto e piny mangima ni kik chunyu dog chien
kata samuoyo kik maku eyore duto mag dongruok e piny Kenya to moloyo e LUO
NYANZA, LUO TRANS-MARA (Shirati), Uganda to gi dir Sudan Ma milambo. Mago
duto gin anyuolawa.
Sani koro Wuon Abila oseduogo kendo an gi hilo mar tuomo tiend weche ma nyocha
jopiny osepenja kendo otemo lose. An kenda to ok anyal gero Mbui mar Jaluo
dot Kom mak mana ka un bende uriworu e achiel.
Mago kende!
Mig. Ajos wuod Atiga Ny'Ochola
Wuon Abila, Jaluo dot Kom
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.