07/21/2006

GRANTS

WECHE MOKADHO

AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 


Dong'ruok Mar Kaluo

    Ayie gi wach Omondi Opon to gi owadgi, Adem Tumbo ni Rarieda dwaro dongruok. To bende onego wang'e ni ok en Rarieda kende ma dwaro Dong'uok. piny luo duto dwaro dong'ruok. Gima onego koro wapenjre jokanyanam en ni, jo-od bura ma ne wayiero osetimo nwa ang'o. onego koro wang'ii ji mabiro konyowa mondo wan ji matindo ma koro dongo obed gi 'hope' ni kata kiny atieko somo, to nitiere kaka anyalo yudo kama asoe wiya, to bende nyithinda biro yudo gima gichamo.

  Ang'eyo kwom adier ni nitiere ji mang'eny ma ok ohero jaod bura mar Rarieda Mig Tuju, nikech weche ma en go gi Mig. Raila. Lakini daher penjo niya, nitiere jo-od bura adi e piny kaluo ma osetemo tich matek kaka Mig Tuju osetimo? omiyo dibed mader ndii ka wayiero joma biro konyo wa, to ok mana ji mabiro pako jotelo mamoko majuluo. En Adier ni dibed maber ahinya ka jotendwa obiro kanyakla mondo gi bed gi dwol achiel ma ginyalo konyowa godo, lakini apenjo niya, kuom higni gi duto, jotelo mawan godo osebedo kawacho gi dwol achiel, to pod ok wanee dongruok. Anyalo paro ndalo mane Lwak, Yala, Ogande, Ng'iya, Maseno to gi sikunde mamoko ei kaluo ne gin sikunde mabeyo e Kenya mangima, to sani gidok chien. En Ang'o ma jotendwa osetimo mondo sikunde gi odogi e okang ma negintiere e higni mokadho go?

  Aparo ni wang'ni onego waket jotendwa piny mondo gigannwa gik moko duto magisetimo nwa to gi mapod gidwaro timo, mondo wandikre ni kapo ni ok gitimo mano, to okwabidewo ni Agwambo ema ne owacho ni wayier ng'at makamono, mondo kik wayiere kendo. Osechopo kama koro timo gikmoko mana nikech owachnwa ni watim biro hinyowa. Onego wayier ji ma wang'eyo ni biro loso ngima wa obed maber.  Ayuak ahinya ka aneno ka dana onge gi pi modho, to nam wan go maduong' mokadho, jowa onge tich, to rech opong'o nam, jomoko nono ema chiemo e wiwa.

  Oneno wapenjre koro niya, wadwaro jo-od bura mabiro dhi goyo koko mang'eny Nairobi, koso wadwaro jo-od bura mabiro konyo wa mondo ngima wa obed maber.

  Onego wang'e ni kata obedo ni Agwambo en wuodwa, en jo-od bura mar Nairobi, kendo sani kapo ni obedo jatelo mar kenya, to obiro bedo jatelo mar joKenya duto to ok joluo kende, omiyo onego wadwar jotelo mabiro tiyo nwa, kendo mabiro konyo wa, ok mabiro goyo koko mangeny ma ok konywa.
 
            Abom Jarambira

=====================================================

 
Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com      wuonAbila@jaluo.com      awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved