07/13/2006
GRANTS
WECHE MOKADHO
;
ONAGI KORO LOKRI ONG’ADI.
Ase bedo ka ndalo duto asomo tiegruok ma wuok manyien e yore ma opogore opogore ma konyo dhano mondo kik yud ayaki. Nyoro ni ne asomo wach ma nuoyo somo ma yande asomo chon ni chwo ma oter nyangi ok yud ayaki mayot ka chwo ma osiko kod pien nyim gi. Kata awuon ne akawo gi kiawa, to kata kamano wachni koro jorieko onwoye ahinya ni en adier. Wachni en wach maduong’ ahinya ne anyuola wa kendo di ber ka opore malong’o ne jothurwa duto.
Research motim gi joma riek e yor tuo ni Kisumu kod kuonde ma moko oyango malong’o ni ng’ado nyim dichuo duoko yudo tuoni piny ahinya kuom joma chwo. Nimar dichuo ma nyime pod ni gi piene, nyime ja ridhre ka otimo hera. Bende ondoyo chokore ei pien man umo wi nyim. Koro ka jawadgi ma gitomo godo hera ni kod tuo, bedo mayot mondo tuo odonji kod kuonde ma oridhore kata luwo atuchi mar nyime.
Adieri jothurwa, wachni en wach maduong’, nimar jowa ose tho ahinya maloyo
kabinde ma moko ma itero nyangi. Miyo yo moro amora ma dikony jothurwa duoko wach tuoni chien onego warwaki kata ok en kitwa.
Chwo duto ma joluo ber mondo odhi ongadgi, kata pod gitindo kata gise bedo
jomadongo. Walok uru kitwa, waterre nyangi.
Wachni inyalo somo kaka oyangi gi dho ngere ka:
http://news.bbc.co.uk/2/hi/health/5165118.stm
(Circumcision could cut HIV risk - July 10, 2006)
http://news.bbc.co.uk/2/hi/health/4371384.stm
( Circumcision reduces HIV risk - oct 25, 2005)
http://news.bbc.co.uk/2/hi/health/4719409.stm
(Circumcision helps to halt HIV - July 26, 2005)
http://news.bbc.co.uk/2/hi/health/3570223.stm
(Aids risk cut by circumcision - March 25, 2004)
http://news.bbc.co.uk/2/hi/health/827835.stm
(Circumcision call from Aids doctors - July 10, 2000)
http://news.bbc.co.uk/2/hi/health/782656.stm
(Circumcision cuts HIV risk - June 9, 2000)
An,
Odundo jaKarateng’
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.