Ere Gima Somo Konyo godo Jaluo?

Weche Motelo:
Nyikwa Ramogi sani koro ochopo kama wuondruok onge, en mana golo weche e lela! Ubiro somo mwalo kanyo weche ma wuod Ogambo Rongo (Dhiamby wuod gi Kula Waya wacha Sing'enge g'Omeny Taya lose. Kik ng'ato kaw wachni kuodgo kore ni en ema iloso kuome; ooyo...! Gini oriwo yawuotwa mosomo duto, kawe kaka puonj kata injili.

Kar chakruok mar Jaluo dot Kom yande atemo siemo jogo ma ketore ni gin ema ginyono buge ma tara gana kata dholuo gikia wacho kata ndiko, mamo to in ema omaki kikawo dho wagunda iloko obedo dhou!

Kuom ranyisi jorachere somo kendo yudo digri (degree) mana gi dhogi giwegi! Koro penjri nito bende anyalo wacho dhowa (Dholuo? Bende anyalo ndike? Bang mano penjri nito ere gima somo konyigo? Kiseyudo dwoko kendo ineno ni somo ber koro kaw weche moko man mwalo kanyogo mondo otayi kuom dak mar ndalo mabiro.

Yawa mosomo yieuru mondo ukonya kuom goyo lwenyni, parieuru pacho kaluo, yie uban tie longe mondo ukaw rapur udhi utem puro cham manyalo konyo jopiny, kata kamano tinde omuom oketo piny mayot ibiro wachoni in gi jotich mano ber bedogo to kata man Apala wuod Lando ondiko jotich e sambane to en bende otemo tiyo kodgi kanyakla mondo one kaka weche dhi nyime, to mar jaluo to omuomo wang'; Jaluo mosomo sungore! Ting'ore, ng'adore, liekore, wuorore, kawore, rwakore....KMM....! Yie mondo waket dhier tenge kuom kinda gi sinani mar dok pacho kendo loso nyakrundu (puodho) moro matin, kendo item keto kothe mag cham manyalo konyo jopiny e ndalo kech. Gin kaka; kal, bel, ng'or, olayo, dek, mito, osuga, marieba (mwogo)...kmm...

Ne yawa mane osumo dak loka piny Amerka, Ulaya, Ugwe madiere, Amerka ma milambo gi kuonde ma moko yie mondo itudri gi jodala kendo idog item konyogi gi yore mag dongruok. Oro omuom kende to ok nyal konyo, nimar wich e dhano, tiende ni paro nyaka ji konyrego.

Atimo erokamano ne ng'at ma or Dhiamby wuod Ogambo kuom limo Abichani kendo yuorowa gi weche maliet liet e wang' Odhiambo, dhi mana nyime wuod Rongo! Wan kodi!

Ajos wuod Atiga, Wuon Abila
...........................................................................................................................

WUON ABILA
WICH KUOT KOD WICH MADINY NG'ENY NIKECH KIA MAR OGANDA JAKELO CHANDRUOK.
Weche ma ose bedo kadhi nyime ei Kenya dwaro paro matut.Mokuongo chandruok ng'eny nikech Jotelo mawase bedo godo tugo kod paro mar anyuola mar Joluo kata Onagi.Onge ng'at ma biro konyo Joluo to gin giwegi ema nyaka gilok kaka gidak kod Yawa moko mathoth gi gin Mwache.

Tugo ose bedo ahinya nikech Wuondruok kod Sunga kod Ich malit ma Jaluo ok dwar gir wadgi.Gima duong ma Jaluo dwaro en kaka onyalo yudo omuom e yoo mayot. Jothurwa Omuom en gima iloso kendo ber ka kuok owuokie eka inyalo ngeyo ni yude tek. Kik ikwal gir ngato kata obedo ni Mwache ose bedo ka kwalo jopiny endalo ma ose kalo to maeri ok en kido mar Joluo.

Apenjo Joluo ni en Kanye mane owachie nika ise yudo tiegruok to koro kata puodho ok idhi? Nyaka nene Joluo ne Puro, Lupo kod pidho Jamni.Dhier omedore ei piny Luo nikech Yawa ma otemo yudo tiegruok ok ohero wach mar Puodho . To Tong Gweno to mitnegi miwuoro, gi hero Chak, gi heroalot kendo gi hero Ringo ahinya to ok ongeyo ni gigi duto wuok kuom Jopur.

Ber chuth dak kapango to yawa waparie chien wadog wapur puothe mag Bel, Kal, Njugu, Nyim,Oganda, Oduma kod kothe machalo Kahawa, Niang, Pamba kod moko maok akuano.Nyaka wan wawegi ema walok kit dak marwa mondo wabed kod dongruok. Ok ber mondo wabed ka wakuecho.

Kata obedo ni idak ka pango yawa wayie watem duoko dhier chien ei oganda marua mar Onagi temie ibedie kata mana kod Diel, kata Rombo,kata Dhiang ka idok kadala,kapango bende ber abera to wapar uru chien kumane waaye.Madho Kongo kod Wuondruok ok bi konyowa. Tho koro ngeny to nyaka wabed kod chiemo kadala kuonde ma waaye.

Piny Owacho koro ose neno ka yawa mane oyudo tiegruok koro wigi owil kod Puro kothe manyalo duoko kech chien ei piny Luo.Tii kod Omuom to tem bedo kod chiemo e Pacho maeri biro seche moko inyalo kata bede kod omuom moko manok e bengi ma ikano nikech ok irund cham.

Jothurwa en mana jiwo kendo ngado rieko kaka wanyalo kelo pogruok e piny Luo.Kik ngato kaw ni wechegi en owuon ema Piny Owacho wuoyo kuome to in bende kel mana paro mari maber mondo Joluo okonyre.

Nyasach Omogi Awando Otenu Uduto .
Jandikoen
Odhiambo Omolo  Jakamagambo(Kodero Bara)