RARIEDA DWARO DONGRUOK
  
  Ayie ahinya gi weche ma Migosi Adem Tumbo ooro e mbui ni. Somo oseyudo ni wan joluo wahero raha man'geny ma ok konywa kata matin. En raha makelo mana thagruok e piny luo. Kaluwore gi weche moa Rarieda, adiera ema ber to adiero to ema kelo wasigu. Wuod Tumbo owacho maber ndi, Molur Migosi Tuju osemedo mana chandruok e piny Rarieda. E sani nyithindo ma minegi kata wuonegi osenindo n'geny matamore gi nono. Sendi mag CDF mane jogwen'g kwano ni nyalo loko piny pok one nyaka sani. Sikunde mane waparo ni inyalo los kaka Ramba Sekondari ok yud kony kata achiel. Yawa ! Jothurwa, ere kaka wenge wa nyalo yawore e yiero mabiro timore e higa manyien? Moluor Migosi Raila Odinga ne owachonwa e chiro ma Aram kane odhi romo gi jo Rarieda niya "Onge kaka wanyalo ore mondo odhi ogore ka ok wamiye okumba". Manyiso ni nyaka ngato ka ngato bed tiyare mar goyo ombulu e higa manyien.
  E piny Rarieda joma osekelo dongruok ema wadwaro sani. Miyo yawuot gwen'g chan'gaa ok bi konyo kata matin, kelo Prince Julie mondo ogo thum e skund katholik ok kony kata matin. Jorarieda modak Amerka mayande osolo pesa mondo okony godo mine ma chwogi ayaki osenego wapuyo ahinya. Jorarieda madwaro donjo e od bura nyaka nyiswa maendeleo magisekelo e pinywa mokwongo. Moluor Raila Odinga nyocha owachonwa Amerka ni Rarieda wachne tek, kendo wan'gni n'gato ka n'gato tho mana thone. Erokamano kuom thuoloni.
  
  Omondi Opon