Kama jaluo rade gi joluo wadgi

07/13/2006
GRANTS WECHE MOKADHO AGAJA KUYO BARUPE WECHE DONGRUOK MBAKA NONRO JEXJALUO NGECHE LUO GI GWENG' THUM TEDO LUO KITGI GI TIMBEGI SIGENDNI LUO THUOND WECHE ;	Jakom Mar Od Bura Maduong' ma Kasipul-Kabondo Yako Mwandu Jo-piny (CDF)! Atimo mos kuom somo wach mane ondiki e gaset mar Daily Nation Newspaper dwe 11.07.06 kuom wach mar Mig. Paddy Ahenda kaluwore gi tich ma koro osechako tiyogo jogo mane otere e kom od bura (Bunge), ma gin jo-Kasipul-Kabondo. Paddy bende inyalo ng'eyo ni ACHAM AYIENG' NONEGO SUNA? Kata kamano in to koro pok ibulo ng'or e kom mane opodni mana dweche moko adek mokadho, kendo sani isemana chayo jopiny itiyo mana gi pachi iwuon kod jo-kiyaka moko man bathi. Paddy Ahenda yande oyier e Kom Od Bura maduong' ma Kasipul -Kabondo dwe mar adek bang' tho Mig. Peter Owidi dwe mar apar g'achiel higa mokadho. Wuod Asembo dhi mos in ka-oche gini biro yombi. Gima omiyo andiko wachni en kuom Omuom mar CDF ma konyo dongruok e gwenge, ma koro sani Paddy Ahenda oseloko kaka mwandune kendo opogo mana jogo mohero. Kar Apisi (office) mayande oketi Achuna K'Oyugi bende ogolo otero mana e dalane kendo kipenje to othiano ni dongruok chakore gi e dala. Kare Oyugis to ok dala? Paddy yie idwokwa, we kuodo wich eseche mane onego ilos nyingi ne yiero mabiro. Koso iparo ni onge jogo moromo mak mana in kendi? Kuong mondi lojno yande obironi apoya mak luchi ochote, mano bende e kaka osewuok kuomi mapiyo. Par diriyo JA-RIKNI JA-MUOD NYOYO GI KUOYO. Wuod Asembo, ICH LIT NONEGO OKAL TAKO! Kit iparni jogo makonyi yeko nigi ombulu moromo teri! Yie idog chien kendo ikwa jo-piny ng'wono kuom weche ma isebedo ka idiro ka sanjuri, in ka nyocha oyieri kar tero wach jo-piny e Bunge to isemana chako siro weche jo-chode man e od Bura Maduong'. Jogo misiro wechegigo to ema osebambo nyithindwa matindo to wechegi iumo auma nikech gin jotelo. Yie ilos nyingi nono to jo-piny biro jwangi. Kata LDP ma iparo ni nyocha oteri bende ok aparni yande in ja-kanyo mong'irore! Ker Riaga Ogallo yie yie ilosgi Mig. Ahenda kuom timbe marichogo nimar jo-piny ng'ur! Wach mogik jo-piny ywak omiyo lok pachi nono to lemo mar Od Bura biro bayi e yiero mabiro. Jo-Kanyanam kwe kende! Mig. Ajos Kudbiri wuod Onjinyo River! Wuon Abila ===================================================== Joluo.com Ka in gi mari moro ma di wandik ka to orni Akelo nyar Kager, kata wuon Abila, kata Awino Rayier jaluo@jaluo.com wuonAbila@jaluo.com awinorayier@hotmail.com Daher winjo dwondi in bende, iwinjo?	IDWARO TICH? Inyalo oro twak kod weche manyien ne: Mig. Ajos wuod Atiga WuonAbila@jaluo.com GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. WENDO MIWA PARO OD PAKRUOK

Jakom Mar Od Bura Maduong' ma Kasipul-Kabondo Yako Mwandu Jo-piny (CDF)!

Atimo mos kuom somo wach mane ondiki e gaset mar Daily Nation Newspaper dwe 11.07.06 kuom wach mar Mig. Paddy Ahenda kaluwore gi tich ma koro osechako tiyogo jogo mane otere e kom od bura (Bunge), ma gin jo-Kasipul-Kabondo.

Paddy bende inyalo ng'eyo ni ACHAM AYIENG' NONEGO SUNA? Kata kamano in to koro pok ibulo ng'or e kom mane opodni mana dweche moko adek mokadho, kendo sani isemana chayo jopiny itiyo mana gi pachi iwuon kod jo-kiyaka moko man bathi. Paddy Ahenda yande oyier e Kom Od Bura maduong' ma Kasipul -Kabondo dwe mar adek bang' tho Mig. Peter Owidi dwe mar apar g'achiel higa mokadho.

Wuod Asembo dhi mos in ka-oche gini biro yombi. Gima omiyo andiko wachni en kuom Omuom mar CDF ma konyo dongruok e gwenge, ma koro sani Paddy Ahenda oseloko kaka mwandune kendo opogo mana jogo mohero. Kar Apisi (office) mayande oketi Achuna K'Oyugi bende ogolo otero mana e dalane kendo kipenje to othiano ni dongruok chakore gi e dala. Kare Oyugis to ok dala?

Paddy yie idwokwa, we kuodo wich eseche mane onego ilos nyingi ne yiero mabiro. Koso iparo ni onge jogo moromo mak mana in kendi? Kuong mondi lojno yande obironi apoya mak luchi ochote, mano bende e kaka osewuok kuomi mapiyo. Par diriyo JA-RIKNI JA-MUOD NYOYO GI KUOYO.

Wuod Asembo, ICH LIT NONEGO OKAL TAKO! Kit iparni jogo makonyi yeko nigi ombulu moromo teri! Yie idog chien kendo ikwa jo-piny ng'wono kuom weche ma isebedo ka idiro ka sanjuri, in ka nyocha oyieri kar tero wach jo-piny e Bunge to isemana chako siro weche jo-chode man e od Bura Maduong'. Jogo misiro wechegigo to ema osebambo nyithindwa matindo to wechegi iumo auma nikech gin jotelo. Yie ilos nyingi nono to jo-piny biro jwangi.

Kata LDP ma iparo ni nyocha oteri bende ok aparni yande in ja-kanyo mong'irore! Ker Riaga Ogallo yie yie ilosgi Mig. Ahenda kuom timbe marichogo nimar jo-piny ng'ur!

Wach mogik jo-piny ywak omiyo lok pachi nono to lemo mar Od Bura biro bayi e yiero mabiro.

Jo-Kanyanam kwe kende!

Mig. Ajos Kudbiri wuod Onjinyo River!

Wuon Abila