07/14/2006

GRANTS

WECHE MOKADHO

AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 


Bende en Adier ni Tero ji Nyange (Nyangu) Nyalo Siro Ayaki?

Kaluwore gi oboke mane Mig. Odundo jaKarateng'ondiko dwoko en ni; Ee en adieri ni nduso pien nyim dichwo nyalo geng'o (siro) Ayaki. Mak mana anto gi pacha en ni onyalo siro to kik ipieth wiyi ni Jaluo dot Kom lando ni koro kose ndus pien to Ayaki ok nyal maki; ngang' gima duong' en ni ritruok ema nyalo konyi maber chuth.

Kendo tiyo gi Rabo Yunga (Condom) eyo ma kare ema dipo ka okonyi. Kare ka ngado pien nyim nyalo geng'o Ayaki to mwache dikoro ok tho gi tuoni; nimar thoth mwache induso iwgi kapod gitindo.

Atemo siemo Joluo kuom ndusi pien Nyimgi ni wach moro yande otimore Kabondo but chiro Chabera kane oyudo jo-din mar Nomiya otuch gi rieko moro ni kapok oridh (ongad) pien nyim chwo to ok nyal wargi, omiyo jodongo yande otemo kaka ginyalo mondo omi otergi nyangu, kuom hawi marach moko ne rembgi ochwer radar ma achiel kuomgi nong'ielo orengo (otho). Nikech gini nitimo apanda gotieno.

Gini ber mana gi jo-matindo to otikriri ka Ajos wuod Atiga kama to nyalo nyumore e mach mi adek leng'o lewa kayiem nono! In ma sani isomo wachni yie item lando ne jo-piny adiera mantie kendo misewinjo kuom Ayaki to gi wach tero ji Nyangu.

Kamedo siro wach kuom tero ji nyangu en gima ber nimar pien nyim bedo motegno koro kata tich odhi matek to nyim dichwo ok onyal ridhore mapiyo mano miyo kute mag Ayaki ok nyal donjo e del.

To ne jogo maok oter Nyangu yot mondo pien oridhre nimar oreprep, koro seche ma in bende wuoyini ogoli oko kendo ichur kiyudo nyadendi kendo iwuoro kaka mit ema negi molap logi ema chwer (kare mitni ema iwinjo kendi), kare esechego pien ridhore kendo kute mag Ayaki ema donjo e del.

Puonj ne jogo ma pod ohero KUONJA ONJA, ni bed motang' iting' RABO YUNGA (condom), kik ikete e kirowo (ofuku) mar abam kendo kik liet goye, nimar ofuku machien nyalo ketho muya moboyego, liet bende nyalo miyo okethre koro kata iparoni iritori to kare onge.

Puonj ne joma mine kik ng'ato wuondi ni dende oloye mit ochwe oriyore kuomi
kapok iikori (tiendeni kar tich pok ogolo pige mondo omi nyim odonje mayot),
Joluo temo hero nyiri ma thergi otwo nimar giwacho ni nyako ma golo pi dende ok mit (odhiek) kendo giwacho ni chuodho yoro tek, mano miriambo! Eseche ma nyako golo pi dende korka nyiso ni oseikore mar kawo gi dendi.

Un joma chwo weuru rikni yie utimo hera mar mulruok gi dhodhruok kapok idonjo kuom nyawadu. Joma mine thoro inyore ka ponono dichwo odonjo kuom kapok ogolo pi dende, tiende ni pok obedo thuolo (fuyanga) mar chako tich otanda.

Puonjni okete ne joma dongo, omiyo nyithindo matindo kik kawe kaka gima ginyalo timo eseche ma pok giromo bedogi osepegi ma nyiri, kata nyiri matindo ma pok oromo bedo gi yawuoyi mosiepegi. Kata kamano en puonj ne ji duto, jonyuol okawe kaka gino ma nyalo konyo ji duto.

Wach mogik kuom AYAKI en ni yadhe onge, kendo onego ji maromo mia ariyo (200) nyaka mia abich (500) e piny Kenya odiechieng kodiech. Omiyo nyaka watang'uru kendo waritre.

FAGILIA TO PARIE ODI!
An gi wer moro ma kawuono adwa puonjou matin:

I am safer because I am using condom,
I am safer because I am sober YAWA...! X2



Wuon Abila
Ajos wuod Atiga Ny'Ochola

=====================================================

 
Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com      wuonAbila@jaluo.com      awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved