11/18/2006

GRANTS

WECHE MOKADHO

AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 


JALUO DOT KOM KORO OSE LOKORE WAGUNDA DOT KOM

 WUONABILA

 ANGO MA OMIYO JALUO DOT KOM KORO OLOKORE EN DHO WAGUNDA DOT KOM?

Piny owacho penjo ayanga ni ango ma omiyo Jaluo dot kom koro lokoreDhowagunda dot kom? Jaluo dot Kom ne ochaki kod paro maber mar yawa mariek mondo omi dhowa kik Lal. En wich kuot ahinya ka wa wawegi watugo kod dhowa ok wamiyo dhowa Luor. Wan Joluo ema nyaka waher dhowa mondo omi kik dhowa mamitni Lal nono.  Angeyo ni wan kod Yawa mangeny ma wacho kendo bende wigi ok kuodi ka giwachoni ok onyal somo dholuo kata ndiko. Thoth Yawagi ema yande awuoyo kuomgi ni gin Joluo ma olokore athongo. Lal mar dhowa en lala mar kitua kod timbewa. Onge jok
man kod timbe mabeyo maromo kod Joluo kaluwore kod dak margi. Joluo Johera ahinya, Joluo Josunga ahinya, Joluo Joluor ahinya, Joluo jo Nyadhi ahinya, Joluo luoro wich kuot ahinya,Joluo oherowedegi ahinya, Joluo jok ma thuondi ahinya kendo Joluo riek eyor somo ahinya  kendo Joluo ohero tiyo  matek kagirito godo oganda margi kod mangeny ma ok akuano. Wan kod timbe moko maji yudo ewi dongo ka luwore kod jok ma odak godo kara kama odakie. En lal maduong ne nyathi ka ok ongeyo dhok ma min gi kata wuongi wacho. In kaka janyuol tem ahinya ipuonj nyathi dholuo kendo ber mondo nyathi odongi ka oneyo ni en Jaluo to maero ok omono nyathi ngeyo dhok moko ma ohero. Thoth nyithindo mawanyuolo ma wadak godo e kuonde pango ok wash dholuo maber nikech jonyuogi ne ok ochako wacho kodgi
dholuo kagi tindo. Wach machielo makelo chandruokni en Kia mar jonyuolgi.
Jonyuol samoro paro nika nyathi wacho mana dho Wagunda (English) kata
Oswayo..(Kiswahili)ni mano koro nyathineno opogore kod moko man ka dala.
Jothurwa kik watug kod dholuo.In kata An ema nyaka rit dhowani. Jaluo dot kom en kar romo maber kendo mbaka mitie miwuoro to nikech wawachoe dhowa kendo en kar kuothwa  kendo wanyalo wachoe maling ling ekindwa wan joluo  maJomua ok onengo onge gik ma wawachoe, Nitiere dholuo ma iye makata obed Jamua machalo nade ok onyal ngeyo kajaluo wuoyo kod wadgi bute. Nitiere dhochii  to kendo jaluo nyalo wuoyoni gi wadgi kod ngero ma  iye  ma in iwuon koro itieko mana  kod wiyi.. Jothurwa an to atemo mana jiwo dhowa mamitni ni wawe wuondore kod dho Wagunda to dhowa to otamowa kata wacho kata ndiko.. Kik ngato moro kaw wechena gi oket ei chunye ni mit en ema awuoyo kuome, ooyo anto adwaro mana mondo Jaluo.com owachie mana dholuo mongith chuth kawa puonjore godo. eyore ma opogore opogore.

Nyasach Omogo Awando Otelnu Uduto ei Piny Mangima

Jandikoen
 Odhiambo Omolo Jakamagambo(koder Bara)

=====================================================

 
Joluo.com

Ka in gi mari moro ma di wandik ka to orni
Akelo nyar Kager,        jaluo@jaluo.com Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved