11/19/2006

GRANTS

WECHE MOKADHO

AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 


WAN JONYUOL EMA WAPUONJ NYITHINDO WECHE DONGRUOK


WUON ABILA

WAN JONYUOL EMA NYAKA WAPUONJ NYITHINDO DONGRUOK.

Piny owacho koro ose neno kendo nono matut ni both wuok kuom Jonyuol. Weche ma andikogi gin gik ma adiera kendo gitimore ei thurwa ahinya. Ok lokruok nyal bedie kain kata an ok oyie siro luedo. Jothurwa lal ose bedoe ekindwa wan oganda ma Joluo. Kaok ipuonjo Nyathi kaka piny wuotho eyo makare to piny ema biro puonjonigodo.

Endalo mogwarore kata higni mogwarore mose kalo wach moro yande owuok kawuoyo kuom Mond yawuoyi ma riembo deyegi ka odhi timo limbe kuonde tich kata kapango. Pod gitimore nyaka kawuono. Wechegi ne omedo timore kendo moko ne okelo kata tho kata weruok ekind dhako kod chuore. Negi dagi chuth ni deyegi ok bi tim limbe kapango kendo thoth gi ne oketo rageng ma iluongoni rangach ma ondiki kod Lwedo maduong ni  GUOK KINY KATA  NI UMBWA KALI. Ei odni gwok ne onge dhako emane Umbwa Kali. Mine Chuogi kane odonjo to igoyo kuome yath manengo Lwangni ni DOOM kENDO CHIEMO MANE ONGEYO NI WUODE OHERO KA ODONGO BENDE OKELO DUTO NE IPUKO EI PIPA  KA DHAKO WACHO NI MAGO GIK BIRO NEGONE NYITHINDO .Onge wat
chuore mane nyalo donjoe ode kaok oyiene.Negikawo chuogi kata mondegi ma gi dhi gi dak godo chuth kapango makata dala kaluo ok gi dhiye. . Nyithindo bende dongo adonga maok Opuonj  Kata Onyis yomakare mar yango kata ngeyo  jodalagi kata wedegi. Ne en dak marach maka oponi wuoth owuok ji dhi kadala to duto rumo mana dala gi dhako. In iwuon kaka dichuo ok onengo iyie gima kama otimre kuomi.

Wuoyi ema beto dala to ka dhako ohewi ma ogolie dalau to dalau to ngat mane
mabetoni? Thoth yawa mankod timbegi kata ot gi  onge godo dalagi. Anjawo machalo kama giko mare en dwanyruok kendo wich kuot ahinya. Kaen nyathi manyako to okia kata owetene kata nyiminene kata  jo thurgi. Yande atemo wuoyo kinde ma ose kalo kuom Jothurwa makoro olokore kendo otamore ni  gin to ok gin  joluo.

Yawagi ema koro nyithindegi olokore dak kod nyi gweng gi kata wede gi kendo ginyuolo godo nyithindo, nyako okia kata  jothurgi kata wedene en wuoi ma oyudo to mana chuore. Nyathi dongo ka okia Kwar mare , Okia dagi  Okia Owetene. Okia minene. Kata wuoyo kodgi okia. Wigi  tek to wang gi bende tek makata ikwere gimoro to ok owinji  Ayany to ongeyo duto . Eseche gi to iluongogi ni Dotkom kata Odudu ngute yom.Jathum moro ni Atommy Sifa Ma Wuod Kanyaluo Komwoyo Ogonegi thum mamit ahinya. Kain iwuon ise dagi thuru chuth to koro jomoko to biro dage machalo nade? Dongruok chakore ei dalau. Jothurwa wabeduru motang kawa puonjo nyithindo weche mabeyo kaka gi nyalo dak kod wedegi kod muolo. Joluo wek uru galoru kuonde tije to tem matek ibed kod giri moro tenge kata ot moro matin maka
ingielori to jothuru ketie kapok gi kunyi. Mine bende owe matin ma ikonyo godo dala ok ni en mana Chapat kod BlueBand. Wabed uru motang ne ngima ma biro nyime. In dichuo tem idhi kadala ingeyo godo kaka gweng chalo. Wapuonj uru nyithindo Luor (respect) kod ngeyo wede duto kod kaka dhano onengo odagi e piny.kod jomoko ma ok gi ngeyo.Dak mari mochanore in iwuon ema nyaka ilose. kamoro amora ma idakie.

Wechegi andiko ka ok aluoro wachogi kendo gin adiera kikparo chandi ni dipo
kain ema awuoyo kuomi to ok en kamano. Inyalo tiyo kodgi ka gibeyoni to
kagirichoni bende inyalo mana weyo maok itiyo kodgi. Nyasach Omogi Awando Okel Ber Kod Kwe Ne Joluo manie Piny Mangima

Jandikoen
Odhiambo Omolo Jakamagambo(Kodero Bara)
 

=====================================================

 
Joluo.com

Ka in gi mari moro ma di wandik ka to orni
Akelo nyar Kager,        jaluo@jaluo.com Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                            Copyright © 1999-2006, Jaluo dot com
                                All Rights Reserved