PIEM RUOK MAR NYITHINDO E PENJ.

WUON ABILA

Piny owacho dwaro ngeyo gima piemruok mar nyithindo e penj kelo godo konyruok ne yawa ma joluo. Piemruok en gima ber nikech omiyo ingeyo godo ngat ma otimo gimoro maber moloyo nyawadgi. Nitiere piemruok mar ngwech, nitiere piemruok mar opira mar adhulo, nitiere piemruok mar nyithindo manyiri mar gamo mapira, nitiere piemruok mar obuongo kaka obuongo tiyo kendo paro. Dhano ne Nyasaye ok ochueyo machalre to ngato ka ngato ochue kod pok  mare owuon. Piny owacho koro temo nono gima omiyo nyithindo iketo mondo opiere kod obuongo gi to gi yudo rieko e sikunde ma opogore opogore maok chalre? Wan kod sikunde mag kuondedak maka pango (towns) to kendo wan kod sikunde man ka dala. Thoth sikunde man kapango nikod udi, kuonde bet, kitepe, kod jopuonj  ma ngeny ma oloyo sikunde ma kadala kaluo. Nanga (Government) pod ok okawo thuolo mondo oger sikundegi machalre kendo oket jopuonj maromre e sikunde duto. En samuoyo mar Nanga (Government) mondo oger sikunde machalre ei Kenya mangima chakre kilas achiel nyaka apar kod ariyo. Onengo gigergi machalre kendo omigi jopuonj mabeyo kendo otiegore cuth kendo kuonde bet mag nyithindo ber kod buge mag ndiko kod somo nitiere chuth. Gima chalo kama ka otim to koro ber ka Nanga( Goverment)oketo piemruok e penj. Ok en gima ber ma Nanga ose bedoga ka timo mar lando ni Alliance Boys ema obedo namba achiel to gik ma miyo nyithindo kalo penjgi to onge Agulu Boys High school kata Ajiko Girls High School. En wuondruok sidang kendo en hinyo nyithindo ka ok giyud duto ma onengo Nanga (Government) omigi..  

Omuom masani Kibaki tugo godo go onengo oger godo sikunde mabeyo mondo nyithindo oyud somo mongith chuth. En dwanyruok ahinya eyor somo man Kenya. Wagunda ne oketo sikunde moko ni beyo ma oloyo moko to onge ngat ma ose kawo thuolo mondo owuoe wachni.Nyithindi tiyo matek to en mana konyri kendi ema miyo idhi nyime kod somo. Mogik kuom piemruok mar nyithindo e penj, yawa man kod omuom bende ngiewo ni nyithinde gi penj koro ere tiende keto piemruok?

Med piny owacho pro mari e wechegi to nikech gin gik matimore ei thurwa Kenya to onge ngat ma dwaro wuoyoe.Anto eri awuoyoe kendo apenjo anyuola duto.  

Nyasach Omogi Awando Otenu Uduto e Piny Mangima.

Jandikoen
Odhiambo Omolo Jakamagambo (Kodero Bara)