KORO WACHIK URU ITWA

Pod ayuoyo mana e weche mag loso skunde e piny mar Kenya. Ok en mana Nyanza kende, kata e piny mar Jo Baluyia, Wakamba, Mombasa, Rift Valley, moloyo to Mbita kama telo ma oluor nitie.

Ok angi wach moro kode, to mine ywak malit ma okadho.Telo, dhi mondo ipenj gi e ni en wach mane ma gi dwari ni mondo idhi I los kodgi. Ji oyie kodi. Tem ane e ndalo mabirogi mondo idhi dala. Koro yawa u timo nang'o ka nyithindo ok nyal kony mondo odhi nyime gi weche mag buk?

Kik upar ni chieng' moro nyithindo go ok no bi penjo u? Sani koro un udich gi weche mag dwaro dhi nyime gi mwandu ma useloso? Bende ber adiera? Nene u wachonwa ni udhi gero skunde, loso kuonde thieth gi ng'iyo mond liete. Jo telo adi ma ose dhi ma otimo mano? Nitie kuonde ma mago osetimore maber kaka Kisumu Rural, Rangwe, Migori, Kasipul, Bondo, Githunguri gi Rarieda.

Ok awuo marach to akwayo ji duto mondo obed piny kapok gi ng'iyo jotelo ma gi dhi yiero. An kaka ng'at ma ohero weche mag tero nyithindo nyime e yor somo, akwayo ni mondo oyier ji ma nyalo ng'iyo wachno. Nitie Ji ma osepuonjo kinde duto e skunde kata ma gise puonjoe, bende nitie kata achiel kuomgi ma wach mar dok chien mar somo e piny Nyanza chando?

Ng'at ma kamano ka owuok ni odwaro to akwayo ni umiye ombuche. Kik obed ng'at ma dhoge rach, ja mima, ja guondo, ja chode, kendo obed ng'at man gi ode. Obed ng'at makare e nyim joma dongone kendo ma o luoro anyuolane. Kik obed ng'at ma ja sunga kendo ma nyorore kama otiyoe.

Koro nyithi Kenya, watem uru. Wamed dhi nyime gi timo dongruok kinde duto.Weche madongo mondo olure gi weche somo, gero kuonde thieth, konyo mond liete, konyo nyithindo ma okalo penj to ok nyal yudo kaka ginyalo dhi nyime. An kaka achiel kodu, abiro temo e gweng'wa kama onyuolae.

Ka ng'ato nigi wach mar kwero kaka awuoyo, to obed thuolo mar kwera. An Migosi Apollo Anyango.

An Migosi Apollo Anyango.