BENDE JOTENDWA LAMO NYASAYE MONDO OMIWA LOCH ADIER ? 2007

01/02/2007
GRANTS ARCHIVES AGAJA KUYO BARUPE WECHE DONGRUOK MBAKA NONRO JEXJALUO NGECHE LUO GI GWENG' THUM TEDO LUO KITGI GI TIMBEGI SIGENDNI LUO THUOND WECHE ;	BENDE JOTENDWA LAMO NYASAYE MONDO OMIWA LOCH ADIER ? 2007 NE JOLUO PINY GIMA An kaka jalo ma Nyasaye ose miyo ting' mapek mar lamo ne oganda luo piny gima kuom kinde mathoth,kendo mose bedo nyime kakedo ne lokruok mar chike e pinywa mar Kenya. An kod luoro ni oganda wa to moloyo Jotendwa,jowa mosomo kata modhier ok omiyo Nyasaye luor kata matin, kendo kinde mathoth giloso chokruok mag gi dalo Sabato,kendo kuonde magawa mag miel kod kong'o ema gi thothie, to kuonde lamo to gi weyo nono. Miel ber kata madho kongo ok rach to ber ka Nyasaye bende wa miyo kinde mar lamo. En adiera ni piny luo duto nene wase weyo lamo nyiseche mamako, ma kindeni en mana lamo Nyasach Israel, mayudore ni nene nikod kwerewa kod tudruok matut ahinya, nimar chike wa kod honi mane timore e piny luo, chiegni ahinya kod andiko mar Muma Maler e kitape machon. Omiyo onge Jaluo manyalo ng'isowa ni nitiere nyasaye moro ma wanyalo lamo mondo ogolwa e twech mar tend Mirieri, nek kod dhogruok mag atwara. Jotendwa, ogeno kuom nyiseche mamoko, kendo gi keto Nyasaye kando,Jonabi kata joful wach mag Luo, ok omi luor, kata konyo gero kanisnigi kaluo. Jotendwa kata jowa man gi mwando ok odewo wach Nyasaye, omiyo mafundo ose medore kuom rowerni masani Josiasa moko tiyo godo kuom chwado Jodongo kod mon maok oyie lowo gi.Kendo jotendwa golo pesa mar rodho ji to mar gero kar lamo to onge. Koro e wachako inga mar dwaro loch, ogendni duto koro dhi kuom nyiseche gi mondo okonygi giyud loch, joluo to biro dhi kuom Nyasaye mane ? Got Ramog koso jabilo moro e piny Tanzania ? Mani e wach mar fweny ma Juogi Maler (Roho Maler) omiya mondo aket ne Joluo duto tete kod wuodwa ma wasero ne telo: 1)NYAKA JOTENDWA KWA NYASAYE EMA OTELWA E LWENY MABIRO NYIMWA MAR DWARO TELO, 2)RAILA NYAKA BED KOD ODIECHIENGE MAG LAMO KOD JOKRISTO (SABATO KATA JUMA PILI),KENDO GI WE DHI LIETE KOD CHOKRUOGE MAG SIASA ODICHIEGE MAG LAMO. 3)JO-LUOCOME MA JODOLO BENDE OYIE OLAMNE RAILA PILE MONDO ADHOKE KIK HINYE. )MOGIK RAILA OYIE OKED NE CHIKE MANYIEN (REGIONALISM) KAPOD KA JI ODHI E YIERO 2007. Weche wa mag INJILIGOSPEL inyalo somo www.jaluo.com Ruoth Yesu ogweedh oganda luo duto tete piny gima kendo walamo nu mondo wayud lokruok inga ni 2007 ! Jadolo Okoth Otura, LUOCOME-KANADA. ===================================================== Joluo.com Ka in gi mari moro ma di wandik ka to orni Akelo nyar Kager, jaluo@jaluo.com Daher winjo dwondi in bende, iwinjo?	IDWARO TICH? INJILI GOSPEL GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. WENDO MIWA PARO OD PAKRUOK

BENDE JOTENDWA LAMO NYASAYE MONDO OMIWA LOCH ADIER ? 2007

NE JOLUO PINY GIMA

An kaka jalo ma Nyasaye ose miyo ting' mapek mar lamo ne oganda luo piny gima kuom kinde mathoth,kendo mose bedo nyime kakedo ne lokruok mar chike e pinywa mar Kenya.

An kod luoro ni oganda wa to moloyo Jotendwa,jowa mosomo kata modhier ok omiyo Nyasaye luor kata matin, kendo kinde mathoth giloso chokruok mag gi dalo Sabato,kendo kuonde magawa mag miel kod kong'o ema gi thothie, to kuonde lamo to gi weyo nono. Miel ber kata madho kongo ok rach to ber ka Nyasaye bende wa miyo kinde mar lamo.

En adiera ni piny luo duto nene wase weyo lamo nyiseche mamako, ma kindeni en mana lamo Nyasach Israel, mayudore ni nene nikod kwerewa kod tudruok matut ahinya, nimar chike wa kod honi mane timore e piny luo, chiegni ahinya kod andiko mar Muma Maler e kitape machon.

Omiyo onge Jaluo manyalo ng'isowa ni nitiere nyasaye moro ma wanyalo lamo
mondo ogolwa e twech mar tend Mirieri, nek kod dhogruok mag atwara.

Jotendwa, ogeno kuom nyiseche mamoko, kendo gi keto Nyasaye kando,Jonabi kata joful wach mag Luo, ok omi luor, kata konyo gero kanisnigi kaluo. Jotendwa kata jowa man gi mwando ok odewo wach Nyasaye, omiyo mafundo ose medore kuom rowerni masani Josiasa moko tiyo godo kuom chwado Jodongo kod mon maok oyie lowo gi.Kendo jotendwa golo pesa mar rodho ji to mar gero kar lamo to onge.

Koro e wachako inga mar dwaro loch, ogendni duto koro dhi kuom nyiseche gi mondo okonygi giyud loch, joluo to biro dhi kuom Nyasaye mane ? Got Ramog koso jabilo moro e piny Tanzania ? Mani e wach mar fweny ma Juogi Maler (Roho Maler) omiya mondo aket ne Joluo duto tete kod wuodwa ma wasero ne telo:

1)NYAKA JOTENDWA KWA NYASAYE EMA OTELWA E LWENY MABIRO NYIMWA MAR DWARO TELO,

2)RAILA NYAKA BED KOD ODIECHIENGE MAG LAMO KOD JOKRISTO (SABATO KATA JUMA PILI),KENDO GI WE DHI LIETE KOD CHOKRUOGE MAG SIASA ODICHIEGE MAG LAMO.

3)JO-LUOCOME MA JODOLO BENDE OYIE OLAMNE RAILA PILE MONDO ADHOKE KIK HINYE.

)MOGIK RAILA OYIE OKED NE CHIKE MANYIEN (REGIONALISM) KAPOD KA JI ODHI E YIERO 2007.

Weche wa mag INJILIGOSPEL inyalo somo www.jaluo.com Ruoth Yesu ogweedh oganda luo duto tete piny gima kendo walamo nu mondo wayud
lokruok inga ni 2007 !

Jadolo Okoth Otura,
LUOCOME-KANADA.