Drama on CDF abuse

RADIO SPOT

DHOLUO DRAMA

“JADABAL MATHIRINGINYI”

JANDIKO AKECH OBAT MASIRA (MISANGO ARTS ENSEMBLE)

SIGNATURE TUNE

FX Opening and closing door

JAKOM: (nyiero, rwako wendo) machiegni, migosi moluor. Waseriti e bura kuom thuolo malach. Ang’o mane otimore ni in Migosi Moluor?

MOLUOR: (nyiero) Jakom, ne kaka luya ochama rondi. Weche siasa ochuyo chieng. Iketho nyingwa ni okwatie gi omuom maber mag BI WAYAK MWANDU PINY maidendoni B.W.M.P.

JAKOM: Jogo ketho dhogi. Sani wan edho wath, kendo dho wath lach. Ma e sawa mar modho kendo luokruok. Migosi Moluor di wabed jonekni ka wawito thuoloni (nyiero).

MOLUOR: (Nyiero) Jakom thor wach en ang’o kawuono?

JAKOM: Kaka wapogo mwandu mag B.W.M.P waseyiero dongruok kod kuonde ma ipoge mwandu. Mwalo ok ter e mwandu, jogo okdwari, Migosi Moluor.

MOLUOR: Kamano Jakom. Be chenro olosore maber?

JAKOM: Migosi Moluor kawuono ariembo jokomiti ariyo Agwanda kod Migele. Gin andhoga.

MOLUOR: Iwacho naang’o no? Iriembo joga? (odhawo)

JAKOM: Hori mos, Migosi Moluor “ magi gin oyieyo chami to kudhi “ magi thuol. Gin emo gigolo weche to gitero oko.

MOLUOR: I wacho nang’o?

JAKOM: Agwanda gi Migele nyiso ji ni kambi wa ema tiyo B.W.M.P, kendo sikundeni ema itero nyithind school modhi e secondary. Migosi Molour iwinjo wachno.

MOLUOR: Jakom be I wacho adiera?

JAKOM: Jogazede ema gimako go osiepe “ Gi dwa keyo weche ni wawuondo ji ni tich oserumo kata dhi nyime to onge gimatimore. Mae be wach maber Migosi Moluor? Jakom, nyaka a los gi office maber.

MOLUOR: Koro iriembo gi maber “ Teko mag chenro mag dongruok okitie e lwetwa “ yiero gi riembo.

JAKOM: Waseloso list manyien mag kony nyithind school gi dongruok “ list no otingo nyaka nyithind primary kata mane oseweyo somo. Nyithind osiepna kod wedena nyaka winj maber sama wa go abal edho wadh.

MOLUOR: Jakom donge pod iwuotho ga gi iyi? Jakom aketie e moo ka oki iyombo dhier to wachni (nyiero)

JAKOM: (nyiero) Chakre abed Jakom B.W.M.P ase gero gorofa adek eboma. Ase regista kambe mag gedo bende adek, kambena gi ema tiyo tije B.W.M.P. Mon to tinde lara a lara (nyiero). Achalo mana mula.

MOLUOR: (nyiero) I chalo mula? Mon ema lari “ Ne ka omwom mag B.W.M.P olosi dhano (nyiero) jakom dikoro piny chalnade ka mon matindo kendo pichni gi onge? (Nyiero)

JAKOM: Migosi Molour (nyiero) mon mabeyo mapchni gi ango momiyo dendgi oloyo gi kama ? An Jadabal mathiringinyi. Ok ane gi diriyo. Japesa wang’e lando (Nyiero matek)

MOLUOR: Jakom ka oki tang to ayaki biro yaki (nyiero)

JAKOM: (nyiero) Aritora ka siling. Komiti mag dongruok ok dwar joma oriekore kaka Agwanda kata Migele. Magi joma duoko dongruok piny kendo thago ji athaga.

MOLUOR: Sani nyaka walos pesa mag kampen. To ma eyo maber kendo mayot.

JAKOM: Jaduong Alunga Rapenda ok yudo kony kata matin. En ginyikwaye abich, magin kiye kendo riek sidang. Dho kwargi rach, kwargi to lwete ni nono. Osiko openjo apenja kaka omwom B.W.M.P tiyo. Oloso ka gima pesano en pesa wuon kata min. en oloso ewach B.W.M.P kaka ng’a? Ni pesa B.W.M.P ni pesa mag osuro magin ema gigolo. Winje weche ma ofuwo gi?

MOLUOR: Jakom iloso maber “ Nyaka wa pand weche B.W.M.P, Jo contract na ema nyaka gedi kata gigero ute maobam kata magore piny. Nyaka ofweny yoo manyalo dok go. Nikech ka ok adok to jo sika biro fwenyo mibadhi mag B.W.M.P.

JAKOM: Otoche na go ger ahinya kendo ok gidwar ng’ama tugo kod nyingwa. To ka ng’ato oloso e wi wach mar B.W.M.P to gi lari. Migosi Moluor kik kibaji goyi ibiro dok kata giyie kata gidagi.

MOLUOR: Jakom to weche kampen dhi nade? Be iseloso go office? Jo office gin joma mabeyo kendo wang’e igi.

JAKOM: Yudhe wabiro gonyo gin us million, mine elf mia aboro. Bengi pod wan gi million pier adek gi wiye. Wasemana tiyo gi million pier ariyo kende to buge wa wacho wasetieko pesa e agulu te. Ngama ofuwo chiemb joma riek. Nyasaye konyo ngama konyre kende (nyiero).

MOLUOR: Jakom weche dhi maber. Joma thago wa to nyaka wakir oko. Kata ka en osuru wan donge be wagolo osuru. Oriti “JADABAL MATHIRINGINYI” (nyiero)

FX Opening and closing door

SIGNATURE TUNE

AKECH OBAT MASIRA
Kisumu Kenya