Dongruok ma Rarieda

Aduoko erokamano kuom andiko ma migosi Antony On'gayo ochiwo e wi wach dongruok mathurwa. Mak mana ni kata bed ni onge rachungi mar dholuo e mbui to temie inon barupi kapok ioro. Kuonde moko tek ngeyo tiend gima iwacho nikech igado dhowa.

We mondo aler maber ni watemo mana pimo dongruok ma osenenore ekinde ma Tuju jachung' ma Rarieda to gi kinde ma osekalo. Ok onyiso ni ariwe lwedo kata agoyo ndek jomoko piny. Rarieda/ Bondo chon ne wesebedo ka watero mana josiasa mawacho mangeny to onge tim.Omamo arudhi gi Jalango ka Nyanduga emane oteme matin.

Aparo ni waduto wayiere ni ofuko mar jachung' ok onyal tiyogo nyal hodia ekonyo jopiny. En to obiro chamo ango' gi nyithinde? Nyiso ni ka iweyo pok mawuok e piny owacho (osuru) jachung' onego bed ni en ng'at manyalo manyonwa konyruok koa oko ae to iriwo lwedo gi ma jpiny nyalo choko giwegi mondo okel dongruok.

Omiyo wach mar nyamburko mar thieth en achiel kuom gik mabeyo ma osetimre Rarieda e tend Tuju. Kane ayudo nyamburko no Nyilima ok Onyiso ni ogure kanyo. Ne atemo mana miyou "personal experience". Ominwa moro ni Bonyo Akacha nyocha ne alimo e gweng mar Kunya ei Uyoma (gweng' mosenindo Achieng Oneko) onyisa ni nyamburko no notieko gimoro jumbe adek Ragegni.kendo kata obedo ni ok giyie gi Tuju to thieth to ne giyudo maber.Kendo Joma ni gi tuo Lak puoyo ahinya.

Bedo ni Rarieda kuonde mangeny onge pi ok en makosa mar Tuju. Ka odhi osero jo Italy mondo obi okonywa ywayo pi otimo marach kose maber? bedo ni dalagi Ralingo gi got Rambugu chiegni aparo ni en mana "coincidence". Siasa to wacho ni de otere Got Kaonje.

Aparo ni e barupa ma migosi Ong'ayo wacho ne alero maber ni ndara gi sitima ma gerore sani Rarieda en tij piny owacho. Mano is a "fact". Mak mana ni pach jogweng, ma ema biro tiyo diere laro ombulu, to en ni Tuju ema omiyo gigi timore. Mae chalo mana kaka Jo kenya neno ni Kibaki okelo dongruok through CDF, Youth fund , Women Fund etc to ka irango chien to ineno ni magi ne gin pach yawuoyi machalo ngire Anyang' Nyong'o e manifesto mar Narc-2002, kata SDP 1997, kata Ford Kenya 1992.

Wach kaka CDF ma Rarieda osetiyo ok inyal yudo e mbui ma rarieda.com. Ok en mar Tuju. Opogore gi mbui mar kisumu Rural nikech en mar ngire Anyang". Rupot te ka idwaro to inyalo yudo embui mar cdf.go.ke/Rarieda. En mana ni aneno ka pok gi 'update' mar 2006/2007. Adiera margi to ok anyal goyo mbake , kaka wach masin monego 'process' mewembe Ndori ok angeyo ni ochopo kure.

Wabed uru gi paro ma lach -'open minded'. Gima ber ipuoyo, marach to ikwedo. Sani siasa ma Rarieda ochiek Kabur. Awinjo ni nyocha Tuju dwa tamore ni Agwambo ok losi e liend Nyakech mi oganda emane ochuno. Mago e timbe ma kethone. Nikech onenore kaka ngat ma wasigu tiyogo egoyo Onagi.

Jokmadwaro chung' Rarieda sani osetemo ndi mondo giser ombulu. Gumbo , Malomalo, Dotcom etc. Gise timo harambee e sikunde, chulo ne nyithindo 'fees' ,pogo suke, twang'o ne nyithindo lep skul, dhi e liete, nyiewo kuom to gi mamoko.Ere singruok manitie ni gibiro timo maber/mopogore gi ma Tuju osetimo.Kose nikech iwacho ni Jo Rarieda ok ter ga ngato di riyo? Moko kuom jogi osetiyogi omwom mangeny ma nyaka gi bi gi duoki ka poni gi yudo telo.

"A change is as good as a rest but not as a permanent rest"

Mogik, ayie ni wanindo adier. Bondo district kachiel gi kuonde moko e North Eastern gi Eastern nyocha owach ni achiel kuom districts 14 ma omenda mar youth pok otiyo nikech onge project proposals ma gi kelo. Awuoro nikata kaka wanyalo chiero pur mar pamba through cooperative societies ok wanyal ndiko piny?! Myself included.

Poooodi.
Okoth Leakey Sola.
Dar Es Salaam.