WAPARIEURU T.P.O.K JAZZ MAR FRANCO KOD MADILU SYSTEM

Angeyo malongo ni Anyuola mangeny nene ohero kata pod ohero thumbe mane TPOK JAZZ FRANCO OGOYO. Ne obedona malit ahinya ka awinjo tho mar Wuoi mane Jaber kod Sura kod Duol mamit mane iluongo ni MADILU nine magoro otero juma mokalo.Madilu ne ochako goyo thum kod Franco kane pod otin ahinya to nikech duol mane Nyasaye omiye ne Franco ohere miwuoro nono. Kane gise bedo kod osiepne mane iluongoni NDOBE OPERTUM giwer to piny tetni.

Ne odonjo e TPOK JAZZ kane ose wer kod mane ose nindo BAVON MARIE MARIE EI BAND MAR NEGRO SUCCESS bange ower kod TABULEY EI AFRISA INT' JAZZ BAND.Obedo kod Tabuley kuom kinde matin kaeto Odonjoe TPOK JAZZ. Thumbe ma owere mamit ahinya gin MAMU, MOLEKA , PESA POSITION, TANGAWISI,MARIO, CHOK CHOK ,BINA NA NGAI NA RESPECT kod moko modong ma ok akwano.

Bang ka Franco kata Luambo Luanzo Makiadi ose nindo ne en kod yawa moko mane owuok e TPOK jazz ne joriwore majochako Bandgi mane iluongo ni BANA OK JAZZ. Mabende owere ahinya ka oyuago thoth yawa mane gichuado godo nduma e TPOK JAZZ Mane magoro ose tero.

Madilu nyocha onindo Juma ma okalo e Kinshasa General Hospital ka owinjo ka kore rame, nenore ni ne otho kod (Heart Attack) Adundo ma Ochung. President ma Congo ma Iluongo ni Joseph Kabila ne owacho ni MADILU Ibiro yuag kod piny Congo mangima, kendo bandera mar piny nyaka ket nus nyaka ket ringre mare ei bur nikech MADILU ne en wuoyi ma rahuma.(CELEBRITY)

An kaka Jalo mayande kendo pod ohero thumbe TPOK JAZZ (FRANCO) abedo kod kuyo ahinya ei chunya.Alamone Jodalagi,Mondene, Nyithinde, Wedene kata Osiepene ni Nyasaye oket chuny MADILU kama okwe.MADILU NE EN WUOYI MA OHERO KENDO ONGEYO WER AHINYA.

Jandikoen
Odhiambo Omolo Jakamagambo( Kodero Bara)