Pangla, Pengle , Punglu.

By Odhiambo Omolo

En gima ber mondo wapuonjre dhowa eyo mayot.Kaluwore kod Weche ma MigosiOyuga Ojuok Openjo kaka inyalo tiyo kod weche adekgi Pangla, Pengle kod Punglu. Maeri e duoko mara kaka angeyogi edholuo chuth.

Wan kaka Joluo nitiere weche maok donj maber kod Nyukta madongo to wanyalo yudo tiendgi kawa tiyo kodgi kod ndiko matindo. Pa,Pe, Pi, Po, Pu. ne anena kaka iketo Pangla,Pengle,Pingli,Ponglo,Kod Punglu eweche mawatiyogodo. Pangla en gimoro ma owe e lwet nono ka oluar piny koa maloopodho piny, to ka odok ekido mar ngato kendo itiyo kode ma opogore kaka ngatmawiye tek maok winj puonj jowetene to oweye elwet nono. Pengle en gima oluar piny koa malo to kendo koko ma oluar godo piny (Vibration) ema iluongo ni Pengle,Pingli to en gimoro matin machalo Sandan mar kuocho ma oluar piny to koko malinyoreno ma oluar godo no ema iwachoni gima oyuakni Pingli no en ango? Ponglo to en kaka kidi mabek ma oluar piny ma ok sudi nikech pek mare koro ento oonge kod koko to iwacho ni oluar piny ni Ponglo kuom ranyisi Pong mar rego cham machalo Bel,Kal kata Marieba mar lwedo, opek chuth ema omiyo iiwacho ni oluar ni ponglo ka kidi mar rego. Punglu to en gima oa malo to odonjoe bugo kaka pii matut koro donjo neno ema iluongo ni Punglu nikech odonjo dichiel to ok ochako owuok oko en gima osiko chuth..

Dholuo dhok mamit wacho kendo ndikogo koro wan kod Joluo mathoth mabende nikod rieko mangeny kendo mabeyo gin bende gimiwa mana paro margi e weche ma Migosi Oyuga openjogo.En mana jiwruok kod puonjruok dhowa kik ngato parni watemo kwedo yawa moko gin bende gimiwa mana paro margi kaka onengo wati kod dhowa maber maok wamedo moro. Dholuo en dhok malach maji wache ma opogore opogore e gwenge.

Nyasach Omogi Awando Otelnu.