Miel mar Pingli, Pangla kod Punglu.

By Odhiambo Omolo

En erokamano ahinya ni jothurua ma oyie yudo puonj mabeyo e kar romo marua kaeri mondo wapuonjre Dhowa mamitni.

Ajos Wuod Atiga nyocha openja adimba kaka inyal miel Thum mane Mane ose nindo Ochieng Kabasele ne owere mamit miwuoro ni Apuoyo obago thum. Wendni ne en wer man kod tiende kendo ne en ngero ma lich ahinya kuomwa wan Anyuola mar Onagi.Gima omiyo Kabasele ne owero wendni ne en tich marach mane Kenyatta tiyo godo anyuola marua mar Joluo. Onge kama ne Joluo nyalo romoe magibudh kod muolo kod osiepegi kod wedegi eyo mamuol maok ogul mama oor kanyo.Kabasele ne owacho kendo owero ni ento ne odhi adhiya kod goyo thume kata Nanga (Government) ne ok dwar chokruok e dalawa maen Orobi buore kapango. En owuon ne Oluongore ni Apuoyo nikech en emane obago thum koro ne ogwelo joka lee duto mondo ochopie ebudhono kendo thoth lee ne oyuoro chuth. Ne Ochako kod Sibuor, Liech, Dhano, Gwuok, Rombe, Diek,Winj Tula Nyangoro ,Mwuanda,Magwar Okanga,Thuonde, Opuk,Dhok,Punda,Rao radhianja Ogila Nyaka Rondo Kod moko ma ok akuano.Miel ne ochakore koro lee duto ne dunyore mana kaka iyude.Sibuor ne thum mitne ma otoyoe mana uwi ka oruto,Liech ne thum mitne makoro odhianjore adhianja,Gwuok ne wer mitne ma ochako mana gweyo, Dhano ne miel mitne putu ma ochako kod Sweko,Adujo,Otenga, Guro, Piki kod yukni koni kod kocha majomoko koro luar mana piny ni Pangla, Pengle, Ponglo, Punglu, Nduko kendo Piko,Oloo Moo, Rudo Nungo, Kombeko kod Sigala gala mochiek kendo mathiri nginyi chuth,Rombe bende ne ochopo e budho ni to ne wer mitne gi to ne gidagi miel nikech ne giluorkendo ne wigi okuot kod kitmiende mane gineno e budhoni koro ne gikulo mana wigi piny,Diek bende ne oyuoro budho to ne koko otamogi miel,Mwuanda bende oyuoro budho to ne otang kendo ne osesore asesa, Winyo mar Tula bende ne ochopo to ne ok omiel nikech winy wetene ne kiny kode koro ne oa maok omiel,Maguar Okanga ne oyuoro budho kendo ne otemo miel chuth ka oolo, Opuk bende ne oyuoro budhoni to nikech opuk pek ne Otenga en ne omiel mos ni Punglu ka odhach mos. Thuonde bende ne oyuoro budhoni to ne gisesore asesa nikech thum ne mit sidang,Dhok ne oyuoro budho kendo ne gimiel chuth magi holo, Rao ne omiel asasa ma oolo kendo odhianjore kamiel oketho wiye.Miel ne odhi nyime e thim ma luoro moro ne onge to kata kamano Ogila Nyaka Rondo (Kabaselee Ochieng)mane obago thumni ne giduogo magimako magi tueyo eod angech ni en eweche magbedo jakonyono markwedo timbemaricho mag Nanga (government) maling ling ei Kenya (Mwakenya).

Atemo kaka anyalo wacho matin ma angeyo korka thum mane mitni kendo fulo tiende maber gima Ochieng Kabasele ne owero ndalo chande mar Loch mar Otike.Anyuola mar Onagi ne nyalo mana riwore e seche mag Opira mar Adhula Mar GOR MAHIA F.C Maeri ekama ne anyuola nyalo dhi nyisoe nyasi margi makende ka Nanga obarogi ndasi kod akwede.Wechegi awuoye kaka anyuola mar Onagi ma bende ongeyo matut kuom chandruok mawase bedo godo kuom Lewni adek mawase ruako kata bedo godo.

Nyasach Omogi Awando Otelnu Uduto ei Piny Mangima.