Ndiko dholuo...

Joka nyanam (kod nyinam bende) !!!
 
Mokwongo nyier uru matin: ndalo moko mosegwaro matin kanyocha an eyo pacho kocha yande akono bwana moro ni olosna t-sat mag siasa siasa gi ae to ousona moro bende mane ondik toke ni "Nyanyam to long'o kendo ng'uon". Kuom hawi maber nadwa neno ni wach mokuongo no ne dwa ket kod weche moko ma wawacho ka wan ka math ka, koro kasome maber to aneno ni en "janyam" ok "janam". To mano wich kuot madine ayudo de bed ni achopo kode kuma ne adhiye!
 
Puonj ka en ni wajowa ma rawechewa odongo ei dala mar Narobi kata oko kamora amora to kuom hau maber gi ng'eyo wacho dhowa, wapuonj gie uru bende ndiko. Dipo ka wadhi dala kucha toka gituko tuk piem mar ndiko kod mama kata dayo to dipo ka gi ndiko weche ma kwarwa ne luongo ni siengo weche, kaka "nyam" kar ndiko "nam", "chunde" kar ndiko "chunye" kata kata "bor" kar ndiko "ber". Ara some ane te: "janyam chunde bor" kar ndiko "janam chunye ber"! Mano nyalo goyo dayo gi sok ma ae to kendo koro wayud mana lit kayiem nono kane wadhi chamo krismas nikech tuk nyithindo gi deye......
 
Maduong: kawe uru dakika achiel kende koa kuom siasa ung'iye gima odieche moko ondiko kaeri (www.matibabu.org ) ae to uduoka e kar jaluo ka, ka gik magi wachogo bende adier?... Thagruok to nitie e gweng' kucha ok adaki lakini ok kaka giwache ni " In addition, all the Luo have malaria and worms . Many also suffer from TB, typhoid, tropical ulcers, trachoma, leprosy, severe scabies etc ...". Magi tim NGO's moko (ok te) maketho nying ji mondo ji ondik ne gi check moko mag dollar 20, 50 lakini ok en tim maber. An kaka an wuod jaluo madichol madende yom to kendo ok nyadundo (to ok abor ka ongo wang') iya wang' mang'eny ka ng'ato nyalo wacho ni an kod malaria (som gi dholuo: ma-la-ria) ka gima malaria bende tinde obedo tuo moro ma permanent ka chira moro ma Ajoji Dume "nowinjo ni tinde mako ji ei Narobi ka !". De bed ni an machiegni kod California de adhi ofisno kang'ur ka kulu ndeke.... lakini kata kamano abiro ndiko negi oboke mager ka pilu matindo ma wuo joka ng'ane ne tuone kado cha kane ogik chieng' chiemo dala gi......
 
Oritu. Jalno ma jagwedh nyaka jokuoye ogwedhu un bende kendo mogundho...
 
En an,
Ja-kagan-achiel-kende.