JEXJALUO ****
ISE GWENO TO ISE OGWANG’ (AJUOGA OBAYE MATIN)
Amosou joka Nyanam,
Asebedo ka asomo oboke ma joka Nyanam oro e mbuiwaka. En gimaber wadhiuru
nyime gi medruok paro.
Koro kuom wach ma nyocha Tim owuoye mar miyo ma ok dwar yagi ni gi paro
ma nyocha Ajuoga omede to anyalo wacho kama:
Aneno ni Ajuoga odwa baye matin kuom nyiso Timo ni okung dhoge di poka opuko
mogo. Mano ok kare.
En adieri ni ok en kare miyo ng’ama onge tiegruok ma dwarore tich mana nikech
en onagi wadu; nimar tijno nyalo tame kata onyale tiye e yo ma ok owinjore.
Mano nyalo kelo chandruok ne en ng’ama omi tich ka achiel gi jago ma omiye
tichno. To kata kamano en gima rach ahinya tuono onagi wadu tich ka en gi
tiegruok(qualification) ma dwarore mana nikech en Onagi. Mano tiende ni bedone
onagi en gima rach? Aparo ni onge ng’ama nyalo yiero ni nyuole e dhot mane!
Mano chano Ruoth.
Ma e gima ose duokowa chien ahinya wan joka Riat; Kuedruok. Wase bedo gi
kinde matek nikech wachni to kata kamano nenore ni bang’ ndalo go duto onge
gima wase puonjore mondo mi walok kitwa; Mano doko wach!
Omiyo ji ma chalo nyathurwano nyak nyis mana adieri mondo yawa moko man
gi kido ma ket gi mareno be olokore. Ok onengo waluor ngang’ nimar ka idwa
konyo oganda to kiki iluor. Kata yawa mokalo de bed ma luor to kata mana
Joracheare ok dwa riembo; to kata mana Amolo wuod oganda gini da bed maluor
lokruok di nyocha ok onwang’ore e Kenya.
Omiyo Apako chir mar wuodwa ma TIMO. Wasiemre wang’ mondo wadhi nyime maber.
Sa dongruok onge Luor kata Luoro!
To kata kamano wan Onagi be waja chendo. Wang’ ka wadu ose gweli ne tich
to kor ka ing’eye mang’eny. Walok uru kidono. To kik watuonre tich. Mi wadu
tich ka oromogo to ka ok oti adimba be riembe mana e yo ma owinjore.
Mago kende; Kue kende Joka Nyanam
Ean Abok Nyakwar Arodi Nyochola
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.