01/22/2003
WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 
 
 Hit Counter
 
 
 
 
 

Nwang' e-mail ka jaluo.com

TIEGRUOK MANONO BIRO NYUOLO MACH
NyaKager:

Ato aparo ni wach ni nyithindo osom nono ne en para maber ahinya. Lakini yo
mane giketeno nodwa rikni ahinya. Ondamu mane NARC okawono ne en ondamu mabor ahinya manedwaro ikruok moikore malong'o ahinya. Makosa mane jo NARC otimo ema:
#1. Jo NARC nokawo loch e sirikali modhier maonge pesa. Nonego gibed piny
kendo gine ane ni to pesa ma wadwa miyo go nyithindo osom go nono ni to wuok
kanye. Pesa adi ma MOI wuod Odongo owenwa e bengi.( bengi noywe maler).
#2. Somo ma wadwa keto nono ni, sirikal ema chule duto koso onego wakwa
jonyuol ochulye matin e higa mokwongo mondo wane ane kaka weche dhi.
Chandruok ok dobedo kanyo to nikech jonyuol nose ong'iyo gi chudo.
#3. Kuom jo nyuol nitie momew to kod modhier. Kapo ni somoni okete nono, mano nyiso ni jomomew oyudo yo mayot. Nonego ket ni jok ma nweng'o gi tin e bwo mustari moro magiketo, to nyithindgi somo nono. Jok mabe nweng'o maber, to bende chule gimoro matin mar konyo piny owacho.
#4. Skunde duto mag perebet nonego ket e chanro ni. to nikech ka ji duto
odokie gir nono ni to sikundegi ibiro loro, to mano biro nyuolo chandruok
moro kanyo.
#5. Nonego NARC parie ni gir nono biro kelo nyithindo duto ma dwaga dhi bakul to fis osega tamo. Metiende ni ma ne dwaro gero sikunde manyien, kendo tiego jopwonj momedore manyalo pwonjo to nikech nyithindo ng'eny.
#6.Pwonjruok mar nono kama dwaro ni sirikal otieg jopwonj moko(counselors)
mabiro konyo nyithindo ma wigi richo. Parie ni nyathi ma ja 'paking boy' cha
owinjo ni ji dhi skul nono, en bende obiro dwaro dhi tiegre, kendo mano kare.
Lakin shida mabiro wuok ka en shida mar kwo, wang' teko, dwong'o wi nyithindo wetegi, yanyo ji adharani, tugo gi nyithindo manyiri anyora,ywaye njaga moro matin kanyo, thowi bende giwinyo mana maber, magi duto gin tabu ma nyaka sirikal ikrenigi.
#7. Ka koro en mar nono kama. Matiende ni jodongo dhi chako clas achiel gi
nyithindo to koso nang'o? Onego bed ni nitie higa madhi chako clas achiel.
Kapo ni idwong' ni higa no kata kane pok idhiga e skul ok onego kiki gi
nyithindo matindo.
#8. Kuonde tiego jopwonj bende onego medi kendo donjo kwondego onego bed mayot kaluwore gi clas midwa pwonjo.
#8 Nitie skunde moko ma nyithindo madhe chach okinyi kachiel gi migago. Magi
duto mana pisa lilo.

Omiyo jowetena, parono to ne ber to lakini ne ok opare matut. Kony to biro
wuok e pinje maoko to lakini moko to bende onego bed ni watimo kendwa. Ma
emanomiyo wayudo loch ni watim kiwan. To ka koro ni gimoro matin madwa tim to wakwecho, mano en dhoch ma ok loko yot. Wuod Odongo toketowa kama rach. En to domwode oganda e korokoroni kamoro. Wuon Abila, ng'ama duong' be nyalo konyowa e paro gi.
Nyakalaga olag kuomu maber, nyikwa Podho.
Ajuoga.


Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?


Waparo mar paro jotend Luo mosekelo pogruok e piny Luo chakre higa 1900 nyaka 1999 e gweng'u  kata ei Luo duto. Koro wakwayou uduto ni par uru ane jogo ma di uket nying gi ka kod weche duto ma ung'eyo kuomgi mondo uor ni Akello NyarKager: jaluo@jaluo.com

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK

                                Copyright © 1999-2003, Jaluo dot com
                                All Rights Reserved