JEXJALUO ****
MOSE WEWA JARAMOGI OGINGA ODINGA ONEGO CHUL MOKWONGO.
Nyikwa Ajwang', atimo erokamano ni modhial Koigi wa Wamwere(Subukia, Narc),
kuom chung' a od bura maduong' e piny owacho mar Kenya kendo nyiso jobura
ni ji duto mane Kanu osando maonge gimomiyo onego chul kuom sand mane giyudo
e lwet sirkal.
Ka wang'iyo gadier jogo duto ma Kanu ose chando kendo tweyo e jela maonge
gimomiyo, onego wapar uru Mosekadho JARAMOGI OGINGA ODINGA. Ka nitie list
mag jogo monego chul, Jaramogi onego bed namba achiel e listi no. Kanu, kuom
higni piero ang'wen magi bedo go e locho mar Kenya, osetweyo ji tara. Penjo
ma an go ema: jok mane ginego ka gin e loch no bende ibiro chulo, koso
nang'o?
Ageno ni sirikal mar Narc biro timo gimowenjore kuom kelo kwe ni jogo duto
mane osand jogi e lwet Kenyatta, gi Moi. Moi tonego oter e kotini mondo
onyisie piny duto mangima gimanomiyo otimo gik manotimo go.
Ochuka e President kende e Kenya manotiyo maber maok osando ng'ato. Aparo
ni ne ochiwo kido maber ma jogo madwa telo duto onego lu.
Nyakalaga olag kuomu, nyikwa Ramogi.
Ajuoga.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher
winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.